Sakaria 14:4 - Wunta Mempori

⁴ I tempo atuu karu-Do ta melanda a pongku wita Saitu anu po'iangano tepo'aro saru Yerusale i sabaano oleo. Pongku wita Saitu atuu ta tebansi orua inso i sabaano oleo hawe i sumooano oleo, ranta ka igagi lembono anu tedoa molue. Asa ntia orua inso a pongku atuu ta mepahe i utara ka asa ntia oruano mbo'u i selata.

Sakaria 14:4 ပူးပေါင်းရင်းမြစ်များ

2 Samueli 15:30

I Daudi morake a Pongku Wita Saitu kontongaano mengese, uluno mesoumbu ka ipelempa nahi pe'empehi karu. Luwuno palili anu mentondao mpesoumbu ira luwu, mporake kontongaado mpengese.

Yehesikieli 11:23

Ka i'amba maramba-Do Ue Ala mewuatako inso i tonga-tongano kota ka menaa-naa a wawo ntorukuno i sabaano oleo kota.

Yehesikieli 38:20

Luwuno bou a ntahi, manu-manu i laro meene, luwuno kondehora mo'ila, luwuno kondehora melera ka melele i tolino ka luwuno mia i wawontolino ira medoito mengkitao rupa-Ku. Luwuno torukuno ta tehoa, luwuno pu'u ntorukuno ta tewingke, ka sompo rere watu ta tebangku a wita.

Yehesikieli 43:2

Mentee ntu'u, maramba-Do Ue Alado to Isaraeli hawe inso i sabaano oleo, suara-Do kana u'uruno uwoi mentoa, ka tolino mewanta hangano maramba-Do.

Habaku 3:6

Ondae mentade ka mebomba tolino; Ondae mengkita ka luwuno tongku Doweweuo mpondidi-ndidi, terawo-rawoomo luwuno torukuno anu kongko mompu'u tempo se'eluno, ka luwuno pongku wita anu etu-etuno ta'u gagi merete. Onaemo telaloa-Do etu-etuno ta'u.

Sakaria 14:10

Luwuno wita andio ta bali gagi kana lembono, inso i Geba hawe i Rimoni i selatano Yerusale. Sine kota andio ta kontasi-tasi ka kongko mpiha a mpo'iangano, inso a mpewowa langkai Benami hawe a mpo'iangano pewowa langkai tese'elu, onaemo pewowa langkai Siuno, ka inso a menara Hananeeli hawe a mpopuro'ia anggorodo mokole.

Sakaria 14:7

Sine ta hina asa oleo anu Doto'orio i Ue, nahina meene ke wongi, maupo i tempono wongi hinao wanta.

Sakaria 14:8

A oleo atuu uwoi tuwu ta waa inso i Yerusale, asa ntia oruano waa a ntahi i sabaano oleo, ka asa ntia oruano mbo'u a ntahi i sumooano oleo. Kanandiomo anu ta gagi i tempo motu'i ka i tempo morini.

Sakaria 4:7

Isemake omue, torukuno anu langkai? I arono i Serubabeli omue gagi wita melembo. Onae ta wawao watu moiko ntu'u tinondaako pebooli: Moiko ntu'u! Tedoa moiko!”

I MARAKUSU 11:23

Kupauakomiu: Menteeano ba isema motaeakono torukuno andio: Pelimbamo ka tetadiako a laro ntahi! Poolo nahi nanta-nanta aroano, sine ipe'ala-alao, nine hapa anu pinauno atuu ta gagi, asalakono atuu ta gagi ndi onae.