Sakaria 14:3 - Wunta Mempori

³ Ka i'amba Ondae i Ue Ira lumako metea umewaio luwuno tongku atuu kana Dopetea a oleo peteaa.

Sakaria 14:3 ပူးပေါင်းရင်းမြစ်များ

2 Tawarika 20:15

ka ipebooli, ”Impenootio, oo luwuno to Yehuda ka palilino Yerusale ka omiu ueku mokole Yosapa, kanandio pau-Do i Ue ndi omiu: Siimo imedoito ka ntededengke a nsorodadu anu asa bawaa langkai andio, hangano komba ta omiu anu metea tendeano Ondae Ue Ala.

Nehemia 4:14

Umarino kuparesao luwu, mentade aku ka mepau a luwuno mia memota'u, anu mempabawa ka a luwuno mia susua, ”Si medoitoako ira! Rambe Iramo i Ue anu tedoa langkai pabawa-Do ka mongkokongiri ka impeteamo tiado luwuno pepaekompomiu, ana ntama ka ana beinemiu, saru hangano kombiamiu ka rahamiu.”

Yesaya 29:7

Ka i'amba pehowuno sorodadudo tongku anu mpetea umewaio Arieli, luwuno mia anu meteaakono ka luwuno bente pekorahako pongkaduano, mia anu mpokoma'isoo ta kana mo'ipi ka kana pongkita wongi.

Yoeli 3:2

Aku pumpu ira luwuno tongku ka wawa ira mpetii a Lembono Yosapa; Aku mekara-karaako ira i ra'ai mongkona bawaa-Ku ka mia-Ku, Isaraeli, hangano domensiarawo ira i olodo luwuno tongku ka mpetia-tiao wita-Ku;

Sepanya 3:19

Menteeano i tempo atuu Aku humuku ira luwu anu mokonsiiko, sine Aku kumaduduio anu pungku, pumpu ira anu ntesiarawo ka weweu ira anu pinokoko'ii gagi inunde-unde ka telele neeno i asa wawontolino.

Sakaria 12:9

I tempo atuu Aku mo'asao aroa-Ku rumopuo luwuno tongku anu sumapoio Yerusale.”

Yosua 10:10

Ondae i Ue monsiarawo ira i arodo to Isaraeli, ka i Yosua weweu ira ka domengkenangia langkai umpeda i Gibeo, lumulu ira a mporakea Beta-Horoni ka sumapoi ira ka domponsuka hawe umpeda i Aseka ka i Makeda.

Yosua 10:14

Napi hori hina oleo kanatuu, i ndi'ipua ka maupo oleo lembuiano, motae Ondae i Ue merorongeakono po'emano asa mia kanatuu nde anu me'iwali tiado to Isaraeli onaemo Ondae i Ue.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.