Sakaria 13:9 - Wunta Mempori

⁹ Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Sakaria 13:9 ပူးပေါင်းရင်းမြစ်များ

2 Samueli 7:24

Ipokoroso iramo bawaa-Miu Isaraeli gagi bawaa-Miu ranta nahina tampulaano, ka Omiu, oo Ue, gagi Ue Alado.

Ayubi 23:10

Hangano Doto'orio sala ntumuwuku; ande-andeno Do'arahako aku, aku meluarako kana wulaa.

Ayubi 28:1

”Mentee ntu'u, hinao po'iangado mia mpo'ala salaka ka po'iangado mia mompuehi wulaa;

Po'unde-unde 144:15

Me'uraomo tongku anu kanatuu teweweuno! Me'uraomo tongku anu Ue Alano onaemo Ondae Ue!

Po'unde-unde 43:4

Ka aku lumako a meda pontunua pesomba ndi Ondae Ue Ala, me'aro ndi Ondae Ue Ala, anu onaemo po'undeku ka mawongkoku, ka umunde-undea-Komiu katapi, oo Ue Ala, oo Ue Alaku!

Po'unde-unde 50:15

Peboolimo ndi Ongkue i tempono ma'isoa, Aku motolako, ka omue ko'umunde-unde Aku.” Sela

Po'unde-unde 91:15

Tewala onae mebooli ndi Ongkue, Aku sumangki, Aku kumongkomio a laro ma'isoa, Aku motolao ka moweeakono pompelangkai.

Powadi 17:3

Kawali kodei atuu pompokolonoa salaka ka pompotuwua api pompokolonoa wulaa, sine Ondaemo i Ue anu paresao aroa.

Penani Maramba 2:16

Ongkuemo me'ueo pinehohawaku, ka ongkue onae me'ueo anu mompakambi bimba i tonga-tongano sisi bonse.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 48:10

Menteeano, Kupokomorinakomo, sine komba kana salaka. Ku'arahakomumo a laro pompotuwua api marasaia.

Yesaya 58:9

I tempomo atuu omue komebooli ka Ondae i Ue Ira sumangki, omue komebooli mepetulungi ka Ira mepau: Ndio Aku! Tewala nami upokonaako ira tinembi a mpe'asa miamu ka nami utitiso ira mia ka mompau pegaupi,

Yeremia 24:5

”Kanandiomo pau-Do i Ue, Ue Alado to Isaraeli: Mengkena kana wua ara anu moiko andio, kanatuumo a moikoado to Yehuda anu Kutadi ira inso a mpo'ianga andio a pontadia, i witado to Kasidimi.

Yeremia 30:22

Ka komiu megagi bawaa-Ku, ka Ongkue gagi Ue Alamiu.”

Yeremia 31:33

Sine, kanandiomo pedandia anu Kuweweuo saru suku Isaraeli umarino tempo atuu, kanandiomo pau-Do i Ue: Aku numaao songka-Ku a laro nsumangado ka burio i laro aroado. Aku gagi Ue Alado ka ondae gagi bawaa-Ku.

Yeremia 32:38

Ondae ira megagi bawaa-Ku ka Ongkue gagi Ue Alado.

Yeremia 9:6

Pompokonsiia i wawono pompokonsiia, pompopo'oo i wawono pompopo'oo! Nahi domebehe mento'ori Aku, kanandiomo pau-Do i Ue.

Yehesikieli 11:20

Kanandio ondae ira mentuwu montonda luwuno pompakosi-Ku ka mpe'ini a luwuno atora-Ku saru meweweuo. Ka ondae ira megagi bawaa-Ku ka Ongkue gagi Ue Alado.

Yehesikieli 14:11

ka si domepansia mbo'u suku Isaraeli inso ndi Ongkue ka nahi ka koroido nahi domengkokoburutiakono mbo'u luwuno polimpaido. Ba kanandio ira megagi bawaa-Ku ka Ongkue gagi Ue Alado; kanandiomo pau-Do Ue Ala.”

Yehesikieli 20:38

Aku monsiao inso ndi omiu luwuno mia anu umewa ka mpebungkui Aku. Aku wawa ira mpeluarako inso i wita andio, po'iangado gagi mia hawe, sine nahi ira mpewinso i wita Isaraeli. Ka komiu mento'orio nine Ongkuemo Ue.

Yehesikieli 36:28

Komiu mpo'ia i wita anu Kuweeako iramo uempu'umiu. Komiu megagi bawaa-Ku ka Ongkue gagi Ue Alamiu.

Yehesikieli 37:27

Po'ianga-Ku mbo'u ta kongko ndi ondae ka Aku gagi Ue Alado ka ondae gagi bawaa-Ku.

Danieli 11:35

Asa ntia inso a mia pande mposongka atuu ira mentenangi, ka hangano kanandio ira me'inara-arahako, pinokomolino, ka pinokomempori hawe a tampulaano wawontolino. Hangano tampulaano wawontolino atuu napi haweako tempo anu pinakosi.

Danieli 12:10

Hadio mia ta pinokomempori, pinokomolino ka inara-arahako. Sine, mia mosa'o gaudo ira mpogau mosa'o. Nahina maupo te'asa mia inso a mia mosa'o gaudo atuu ta mokonto'orio, sine luwuno mia anu pande mosongka ta mento'orio.

Yoeli 2:32

Isemamo koa anu mebooli a nee-Do i Ue ta kinadudui, hangano i Torukuno Sioni ka i Yerusale ta hina tekaduduia; kana anu Dopauomo i Ue, sompo mia anu pinoboi-Do i Ue ta tewinso a luwuno mia anu tepotola.”

Imama 26:12

Sine Aku kongko i tonga-tongamiu ka Aku gagi Ue Alamiu ka omiu megagi bawaa-Ku.

Sakaria 10:6

Aku mokomorosoo suku Yehuda, ka Aku kumaduduio inuleno i Yusupu. Aku mokomoikoo tuwudo, hangano Kupehohawa ira. Ondae ira megagi kana nahi Kuhori tumempu ira, hangano Ongkuemo Ue, Ue Alado, ka Aku sumangki ira.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

Sakaria 8:8

Aku wawa ira mpekule, ka dompo'ia i tonga-tongano Yerusale. Ka ondae mbo'u ira megagi bawaa-Ku ka Ongkue ta gagi Ue Alado a laro mpetenunu ka menteea.”

WINEWEUDO TINENA 2:21

Ka ba isema anu mebooli a nee-Do i Ue ta kinadudui.

IBARANI 8:10

”Ka onaemo andio pedandia anu Kuweweuo saru suku Isaraeli umarino tempo atuu,” kanandiomo pau-Do i Ue. ”Aku numaao songka-Ku a mpinewowolo molinodo ka burio i laro aroado, ka Aku gagi Ue Alado ka ondae gagi bawaa-Ku.

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

1 PETURU 4:12

Luwuno pepaekompo anu pinehohawa, siimo imengkohali-haliakono langano api pobobarasaia anu hawe ndi omiu gagi po'arahako, kana hinao bahapa anu tedoa langkai gagi ndi omiu.

MENGKAAA 21:7

Ba isema monangi, onae ta humaweo luwuno andio, ka Aku gagi Ue Alano ka onae ta gagi ana-Ku.

MENGKAAA 8:10

Ka i'amba mala'eka anu ko'otolu puurio tawuwuano ka tedontaomo inso i langi aasa anano wula langkai, kolanga-langa kana pansona, ka idunsio asa ntia otolu inso a luwuno korono ka luwuno mata uwoi.

MENGKAAA 8:11

Neeno anano wula atuu onaemo Apisintusi. Ka asa ntia otolu inso a luwuno uwoi gagi apisintusi, ka hadio mia memate hangano uwoi atuu, hangano gagiomo mopa'i.

MENGKAAA 8:12

Ka i'amba mala'eka anu ko'opaa puurio tawuwuano ka i'aluo asa ntia otulu inso a mata'oleo ka asa ntia otolu inso a wula ka asa ntia otolu inso a luwuno anano wula, ranta asa ntia otolu inso ndi onae gagi wongi-wongi ka asa ntia otolu inso a meene nahi mewine ka kanandio koa mbo'u wongi.

MENGKAAA 8:7

Ka i'amba mala'eka anu amba-ambano puurio tawuwuano ka gagiomo usa seru baku, ka api, mesalo rea; ka luwuno atuu pinetadiako i tolino; ka mo'aiomo asa ntia otolu inso a ntolino ka asa ntia otolu inso a luwuno keu ka mo'aiomo luwuno ewo molowulu.

MENGKAAA 8:8

Ka i'amba mala'eka anu ko'orua puurio tawuwuano ka hinao aasa kana torukuno langkai, anu kolanga-langa api, pinetadiako a laro ntahi. Ka asa ntia otolu inso a ntahi atuu gagi rea,

MENGKAAA 8:9

ka memate iramo asa ntia otolu inso a luwuno anu tuwu anu hinao penaano a laro ntahi ka masolaomo asa ntia otolu inso a luwuno kapala.