Sakaria 12:6 - Wunta Mempori

⁶ I tempo atuu Aku weweu ira luwuno petewawa suku Yehuda kana polu me'api i tonga-tongano howuno keu ka kana pansona me'api i tonga-tongano howuno tonggino gandu. Api ko'oruano ta kumaano luwuno tongku petengi-tengino, i koana ka i manggali. Sine Yerusale lembuino ta kongko mpiha a mpo'iangano, i Yerusale.

Sakaria 12:6 ပူးပေါင်းရင်းမြစ်များ

Yesaya 54:3

Hangano omue kotetiangi i koana ka i manggali, inulemu ira mpetorokio witado luwuno tongku, ka mpo'iangario luwuno kota anu boni-boni.

Yesaya 9:20

I Manase kumaano i Eperai, ka i Eparai kumaano i Manase, ka ondae meronga-ronga umewaio Yehuda. Maupo gagiomo luwuno andio, tekuda-Do napi morini, ka kae-Do da tetaangako.

Yeremia 30:18

Kanandiomo pau-Do i Ue: menteeano, Aku momuleo teweweudo kemano i Yako, ka mehohawao luwuno po'iangano, kota atuu ta wali winangu i wawono anu terawo-rawo, ka benteno atuu ta mentade a mpo'iangano amba-ambano.

Obaja 1:18

Inuleno i Yako ta gagi api ka inuleno i Yusupu gagi langano api, sekono inuleno i Esau megagi tu'ono gandu; ira mentunuo ka mengkaano ka ipingko luwu, ka nahina maupo te'asa mia anu tola inso i olodo inuleno i Esau, hangano Ondae i Ue mepau Iramo kanandio.

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Sakaria 1:16

Onaemo pu'uno, kanandiomo pau-Do i Ue, Aku wali mehohawao Yerusale. Raha-Ku ta pinontade mbo'u i ra'ai, kanandiomo pau-Do Ueno luwuakoano, ka koloro posongka ta pinadindi mbo'u i Yerusale.’

Sakaria 11:1

Ungkahiomo luwuno pewowamu, hei Libano, ka ipokokaano api luwuno keu arasimu.

Sakaria 12:5

Umarino atuu luwuno petewawa suku Yehuda ira mpotae a laro aroado, ’Palilino Yerusale gagi rosoku hangano Ondae Ueno luwuakoano, Ue Alado.’

Sakaria 2:12

Ondae i Ue Ira umalao me'ueo Yehuda a wita anu mempori, ka Ira wali binikio Yerusale.

Sakaria 2:4

ka i'amba onae pinoweeako parenta, ”Pelulumo, pauakonomo mia mongura atuu: Yerusale ta pino'iangario kana kota nahi perere watu, hangano hadiono mia ka pinotuwu i larono.

Sakaria 9:15

Ondae Ueno luwuakoano anu dumagai ira ka ira mepingkoo saru mperawo-rawo ira watu pongkembi. Ira mempo'inu ka ira mpohohoi kana molanguako anggoro, lulua kana loea kodei ponsiwui, merano kana luwuno siuno meda pontunua pesomba.

2 KORINTI 6:7

a pompalelea menteea ka pabawa-Do Ue Ala; memparewa mpeteaako moleoa monsapoi ke maupo mo'alaako

MENGKAAA 20:9

Ka mpewuatako iramo i asa wawontolino, ka do'amba mengkaduo pekemaado sorodadudo mia mempori ka kota anu pinehohawa atuu. Sine inso i langi metiiomo api mokomo'ai ira,