Sakaria 12:1 - Wunta Mempori

¹ Pau-Do i Ue mongkona Yerusale. Kanandiomo pau-Do i Ue anu wileo langi ka anu numaao empehino tolino ka anu weweuo penaa a laro ngkoroino mia,

Sakaria 12:1 ပူးပေါင်းရင်းမြစ်များ

Tegagia 1:8

Doneeakono Ue Ala longkuno langi atuu langi. Gagiomo ngkiniwia ka gagiomo mo'oru, onaemo oleo ko'orua.

Tegagia 2:7

Ka Do'amba Ue Ala weweuo mia inso a awu wita, ka mompuuriakono penaa tuwua a laro engeno. Kanatuumo mia atuu gagi anu tuwu.

Ayubi 26:7

Ondae Ue Ala wileo langi utara i wawono anu mooa, ka ndumoeo tolino nahina ihino.

Ayubi 37:18

Nde upolioke kana Ondae motudao seru gagi laro langi, motea kana tami tinawa?

Po'unde-unde 104:2

metutuwiako mewine kana sawu. Omiu wileo langi kana tenda,

Po'unde-unde 134:3

Po'ineeomo Ondae i Ue anu mokogagio langi ka tolino, rumonsoko inso i Sioni.

Puu Pontutulu 12:7

ka pampawu mekule gagi wita kana se'eluno ka penaa tuwu mekule ndi Ondae Ue Ala anu mewengakono.

Yesaya 40:12

Isema monsa'uako pelengkaeno uwoi ntahi ka langi isongkaakono otuweno, awu wita isa'uakono ponsa'u, luwuno torukuno itimbaakono neraca, ke luwuno pongku mompake pontimba?

Yesaya 40:22

Ondaemo anu mo'ia i wawono longkuno tolino anu palilino kana kosume; Ondaemo anu wileo langi kana sawu ka pasao kana kema ka ipino'iangai!

Yesaya 42:5

Kanandiomo pau-Do Ue Ala, Ue, anu mokogagio langi ka wileo, anu tumalesakono tolino saru luwuno anu tuwu i wawono, anu moweeakono penaa a mia anu mo'iangario ka penaa ndi ondae anu mentuwu i wawono:

Yesaya 44:24

Kanandiomo pau-Do i Ue, Puu Pontolosimu, anu weweuko mompu'u inso a mpe'anakaa; ”Ongkuemo Ue, anu mokogagio luwuakoano, anu asa-asa-Ku wileo langi, anu tumalesakono tolino nahina montuluni.

Yesaya 45:12

Ongkuemo anu mokogagio tolino ka anu mokogagi ira mia i wawono; kae-Kumo anu wileo langi, ka Ongkuemo anu parenta ira luwuno sorodaduno.

Yesaya 45:18

Kanandiomo pau-Do i Ue, anu mokogagio langi; Ondaemo Ue Ala anu weweuo tolino, anu mokogagio ka kumorahakono; anu mokogagio komba ka imooa, tendeano weweuo ka ipino'iangari, ”Ongkuemo Ue ka nahina anu susua.

Yesaya 48:13

Kae-Kumo anu monaakono empehino tolino, ka kae ngkoana-Ku wileo langi. Tempono Kupoboi ira, luwudo pada mpe'umbaako.

Yesaya 51:13

Omue kumolupe Ira i Ue anu mokogagiko, anu wileo langi ka numaao empehino tolino. Omue doito mpiha asa ngkeu oleo a ntekudano anu mompokonsii atuu, tempono ipepatinda mompokoropu. Isuaomoke tekudano anu mompokonsii atuu?

Yesaya 57:16

Mentee ntu'u, komba ranta nahina tampulaano Aku teposangki, ka komba Aku tekuda mpiha, ka si molema rosodo i aro-Ku; Ongkuemo anu weweuo penaa tuwua

Yeremia 10:12

Ondaemo i Ue saru roso-Do mokogagio tolino, saru ponto'ori-Do wanguakono wawontolino, ka saru pande-Do langi Dowileo.

Yeremia 30:10

Ka omue, siimo doito, hei tetenaa-Ku Yako, kanandiomo pau-Do i Ue, siimo pondende, hei Isaraeli! Hangano menteeano, Ongkue kumaduduiko inso a mpo'ianga olai ka inulemu inso i wita tadiado. I Yako ta mekule ka tuwu rodo, ka nahina anu mompodengke.

Yeremia 30:16

Sine luwuno mia anu tumeleko ta tinele, ka luwuno iwalimu ira mpewinso a laro pontawaa; mia anu merontuko ta gagi rinontu, ka luwuno mia anu mpomuruko Aku weweuo gagi pomurua.

Yeremia 38:16

Ka i'amba mokole Sedekia mewuni-wuni mesumpa ndi Yeremia, kanandio, ”A nee-Do i Ue anu tuwu anu moweeakitamo penaa andio, nahi aku mepateko ka nahi aku meweengakomu a ngkaedo mia anu mpomporaakono penaamu.”

Yeremia 50:34

Sine Puu Pontolosido moroso, Ondae Ueno luwuakoano nee-Do. Manasa Ira tumeahakono kara-karado, ka Dopoweeakono rodoa i tolino, sine tewukaa a mpalilino Babeli.

Yeremia 51:15

Ondaemo i Ue anu mokogagiakono roso-Do tolino, saru ponto'ori-Do tumeahakono wawontolino, ka saru molinono pompewowolo-Do wileo langi.

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Yehesikieli 18:4

Mentee ntu'u, luwuno penaa atuu Ongkue ueno! Moiko penaano ama maupo penaano ana atuu Ongkue ueno! Isema anu moweweu hala, onaemo anu asalakono mate.

Yoeli 3:19

Masiri ta gagi boni-boni, ka Edomi ta gagi pada one boni-boni, hangano pompokonsii a nto Yahudi, hangano mpo'uwu iramo reano mia anu nahina salano i witano.

Yoeli 3:21

Aku mombaloakono reado anu napi Kupombaloakono; Ondae i Ue mo'ia i Sioni.”

Sakaria 9:1

Pau-Do anu pabawa. Pau-Do i Ue kongko i wita Hadaraki ka penaa-naaano i Damasi. Hangano ndi Ondaemo i Ue te'aroano matano luwuno mia, luwuno suku Isaraeli,

Maleaki 1:1

Pau-Do i Ue. Pau-Do i Ue a nto Isaraeli telalo ndi Maleaki.

Podoaa 16:22

Sine orua ira mesomba ka dopotae, ”Oo Ue Ala, Ue Ala inso a mpenaa luwuno anu tuwu! Asa mia koa anu tehala, nde Komiu tekudaako ira luwu ke bawaa andio?”

IBARANI 12:9

Ka i'amba: inso a amato anu menteeano mpohawe kita pohuku, ka tompelangkai ira; tewala kanandio kombake asalakono laluaopo tompomperorongeako ndi Ondae Amano luwuno penaa, ka tomentuwu?