Sakaria 11:9 - Wunta Mempori

⁹ Ka ku'amba motae, ”Nahi kubehe mbo'u pakambi komiu; anu ta mate, po'ieeomo imate; anu ta tampula, po'ineeomo itampula, ka anu da tebinta atuu, po'ineeomo dosingge mengkaano bauno walino!”

Sakaria 11:9 ပူးပေါင်းရင်းမြစ်များ

Yeremia 19:9

Aku weweu ira mpongkaa bauno anado tama ka bauno anado beine. Sompo mia mongkaa bauno walino, a laro ntekaduado ka tepakada hangano luwuno iwalido ka hangano mia anu momporaakono penaado.

Yeremia 23:33

Tewala tongku andio, ke nabi, ke sando mpesomba mpesikeno ndi omue: Hapake pinau-Do anu pabawa anu pinopotembi-Do i Ue? sangki iramo: Omiumo tinembi atuu! Onaemo pu'uno Aku tumadi komiu inso i aro-Ku, kanandiomo pau-Do i Ue.

Yeremia 23:39

Onaemo pu'uno, nahi Aku merio komiu ka mepasiakomiu inso i aro-Ku, omiu saru kota anu Kuweeakomiumo ka a uempu'umiu.

Yeremia 43:11

Onae ta aiwa ka numangio wita Masiri: Anu tinantui ka imate, ta mate! Anu tinantui ka igagi mia tinawa, ta tinawa! Anu tinantui tiano ponai, ta umaluo ponai!

Yehesikieli 5:10

Onaemo pu'uno, i olomiu ama ta kumaano anano ka ana ta kumaano amano. Aku modontaiakomu pohuku ka sumiarawoo luwuno anu tebinta inso ndi omue a luwuno siuno angi.

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Sakaria 13:8

Ka a luwuno wita, kanandiomo pau-Do i Ue, orua ntia otolu inso i olono ta pinokotampula ka ropu, sine asa ntia otolu inso i olono ta kongko mo'ia i tu'ai.

I MATIU 15:14

Po'inee iramo koa mia atuudo. Ondae mia memorawu anu mpotaate mia morawu. Tewala mia morawu montaate mia morawu, manasa oruano tedonta a laro aa.”

I MATIU 21:19

Rangku a nsala Dokitao keu ara ka Do'amba lumako tu'ai, sine nahi Dopohawe hapa-hapa a ngkeu atuu sangkadio butu leweno. Dopotaeakono keu atuu, ”Nami komewua mbo'u ranta nahina tampulaano!” Ka i tempo koa mbo'u atuu mokariomo keu ara atuu.

I MATIU 21:43

Onaemo pu'uno, Kupauakomiu, nine Poparentaa-Do Ue Ala ta inala inso ndi omiu ka ta wineeako asa tongku anu ta mehasiliako wuano Poparentaa atuu. [

I YOHANE 12:35

Motae Ira i Yesu ndi ondae, ”Saraimo koa ikongko mewine i olomiu. Tempono mewine atuu kongko ndi omiu, impe'ala-alaomo, ka si pabawai komiu wongi-wongia; ba isema melempa a laro wongi-wongia, nahi to'orio ba isua lakoano.

I YOHANE 8:21

Ka Dopotaeako ira mbo'u i Yesu mia hadio, ”Aku lumako ka komiu me'ungke Aku sine komiu memate a laro halamiu. A lakoa-Ku, nahi komiu mehawe.”

I YOHANE 8:24

Onaemo pu'uno hieno ka Kupotaeakomiu, nine komiu memateako halamiu; hangano tewala nahi impe'ala-alao, nine Ongkuemo andio, komiu memateako halamiu.”

MENGKAAA 22:11

Ba isema anu moweweu mosa'o, po'ineeomo ka ipoweweu mpiha mosa'o; ba isema anu mokoburu, po'ineeomo ka imokoburu mpiha, ka ba isema anu mentee, po'ineeomo ka ipoweweu mpiha menteea; ba isema anu mempori, po'ineeomo ka ipokomemporio mpiha koroino!”