Sakaria 11:6 - Wunta Mempori

⁶ Ongkue mbo'u nahi Aku mehohawao palilino wita andio, kanandiomo pau-Do i Ue. Menteeano, Aku meweengakono singge mia a ngkaeno pe'asa miano ka a ngkaeno mokoleno. Ira merawo-rawoo wita andio ka nahi Aku motolao inso a ngkaedo.”

Sakaria 11:6 ပူးပေါင်းရင်းမြစ်များ

Po'unde-unde 50:22

Pekokoongakonomo andio, hei omiu anu kumolupe Ira Ue Ala; ka si Kupomperangkami, ka nahina anu motolao.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 3:5

Palili ira mambepokonsii, asa mia ka anu susuano; mia mongura mompepaukiako mia mota'u, mia pinokongkodei mompepaukiako mia maramba.

Yeremia 13:14

Aku weweu ira mambe ropu, ama saru anano, kanandiomo pau-Do i Ue. Aku mepate ira nahina pompehohawa, ka nahina ampu.”

Ponsabangi 2:21

A sompo sala tepombole a wawo wita mia mongura ka mia mota'u; luwuno ana beineku ka mangalitauku memateako ponai; Ipepate ira tempono Itekuda, nahina pompehohawa Isumbele ira!

Ponsabangi 5:8

Puu pompekakaako meparenta kami; nahina anu motola kami inso a ngkaedo.

Yehesikieli 8:18

Onaemo pu'uno Aku moweweu a laro ntekuda; Nahi Aku mompehohawa ka nahi Kumokoko'unduakono. Maupo dompeboo-booli ndi Ongkue suarado meroku, nahi Aku merorongeako ira.”

Yehesikieli 9:10

Onaemo pu'uno Ongkue mbo'u nahi Kupompehohawa ka nahi Kumokoko'unduakono. Aku dumunsiako ira peleludo a uludo.”

Hosea 1:6

Ka i'amba beine atuu mentia mbo'u ka me'anaako asa ana beine. Mepau Iramo i Ue ndi Hosea, ”Poponeeakonomo i Lo-Ruhama nana'ote atuu, hangano nahi Aku mehohawao mbo'u suku Isaraeli, ka nahi Aku umoniniako ira ntu'u halado.

Hosea 2:10

Aku mokompenaa-naao luwuno pinemawongkono, oleo langkaino, wula wo'ohuno ka oleo Sabano ka luwuno porame-rameno.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 6:14

Omue komongkaa, sine nahi komowohi, ka mokoninggoa kongko mpiha ndi omue; omue komompekaria hapa-hapa, sine nahi upokokaduduio, ka hapa anu pinokokaduduimu Aku meweengakono a mponai.

Hagai 2:22

”Pauakonomo i Serubabeli, petewawa i wita Yehuda, kanandio: Aku lumeluo langi ka tolino

Sakaria 11:14

Ka ku'amba puduo tuko anu ko'orua, tuko ”Powutu,” ka siimo ihina pepaekompoa i olono Yehuda ka Isaraeli.

Sakaria 11:5

Luwuno anu mpo'oli mensumbeleo kana nahina salado ka mia me'asao mpotae, ’Unde-unde Iramo i Ue! Mompoli akumo!’ Luwuno puu mpopakambi nahi dompehohawao.

Sakaria 11:9

Ka ku'amba motae, ”Nahi kubehe mbo'u pakambi komiu; anu ta mate, po'ieeomo imate; anu ta tampula, po'ineeomo itampula, ka anu da tebinta atuu, po'ineeomo dosingge mengkaano bauno walino!”

Sakaria 14:13

I tempo atuu ta gagi tewukaa langkai inso ndi Ondae i Ue i olodo, ranta singge mia uminio moroso kaeno pe'asa miano ka montande kae umewaio kaeno pe'asa miano.

Sakaria 8:10

Hangano se'eluno tempo atuu nahina urado mia, ka pinotuwu mbo'u nahina urado. Mia anu meluarako ka mewinso nahi ta rodo hangano hinao iwali. Kuweweuo luwuno mia pada mpe'iwali.

Maleaki 4:6

Onae ta weweuo aroano luwuno ama mepokule a anano ka aroano luwuno ana te'aro ndi amano ka si Kuhawe rumawo-rawoo tolino.

I MATIU 10:21

Mia ta meweengakono pepaekompono ka ipinepate, kanatuu koa mbo'u asa ama a anano. Ka ana ta umewa a mia mota'uno ka ta mepate ira.

I MATIU 22:7

Onaemo ka itekuda mokole atuu, ka i'amba tumena ira sorodaduno melako i ra'ai mpepate ira anu mpompepate atuudo ka mesongkoo kotado.

I MATIU 24:10

ka ta hadio mia anu mebungkui Ira Ue Ala ka ira mambe peweengako ka mambe o'aliaako.

I YOHANE 19:15

Ka mpebooli iramo, ”Pepate Ira! Pepate Ira! Paso Ira a ngkeu pinotamba!” Ipotaeako ira i Pilatu, ”Asalakonoke ka kupasoo a ngkeu pinotamba mokolemiu?” Mesangki ira petewawado sando mpesomba, ”Nahina mokolemami sangkadio ondae Datu!”

1 TESALONIKA 2:16

hangano inehedo mentombolei kami mempaleleo pau-Do i Ue tekaduduiado tongku susua. Kanandiomo nahi dompenaa-naa mpontiangi halado hawe ka isompo porokono ka kanandio-andio i'alu iramo luwuno pontekudaako.

IBARANI 2:3

kana'umpeke kita mempokotola, tewala nahi tomentuduo tekaduduia anu langkai kanatuu, anu amba-ambano Dopopoto'oriakita i Ue ka ondae anu merongeomo, mesala a anu pinokompe'ala-ala, sekono

YAKOBU 2:13

Hangano pebitaraa anu nahina pompehohawa ta gagi a mia anu nahi pompehohawa. Sine ta monangi pompehohawa a mpebitaraa.