Sakaria 11:5 - Wunta Mempori

⁵ Luwuno anu mpo'oli mensumbeleo kana nahina salado ka mia me'asao mpotae, ’Unde-unde Iramo i Ue! Mompoli akumo!’ Luwuno puu mpopakambi nahi dompehohawao.

Sakaria 11:5 ပူးပေါင်းရင်းမြစ်များ

2 Mokole 4:1

Asa mia inso i olono beinedo bawaado nabi mebooli ndi Elisa, ”Atamiu, tamaku, mateomo ka ito'orio nine atamiu atuu doitoako Ira i Ue. Sine, puu mposinga pasua haweomo ta umalao orua ira anaku gagi atano.”

Nehemia 5:8

Kupotaeako ira, ”Omami wela mpe'usaha ka kimpokotolosi ira pe'asa nto Yahudi anu inasa a luwuno tongku susua. Sine omiu tendeano me'asa ira pepaekompomiu, ka dome'inasa mbo'u ndi omami!” Mansa mengkomino hangano nahi dompoko'ewai ira.

Yeremia 2:3

I tempo atuu to Isaraeli mempori ndi Ondae i Ue, gagi wua amba-ambano inso a lere-Do. Luwuno anu mengkaano gagi sala, masolaa umalu ira, kanandiomo pau-Do i Ue.

Yeremia 50:7

Isemamo koa anu tepohaweako ira, ikaa ira, ka luwuno iwalido mpotae: Nahi kimensala! Hangano mentehala iramo ndi Ondae i Ue, po'iangano menteea, Ondae i Ue, pomperorohiado uempu'udo!

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Yehesikieli 34:21

Hangano luwuno anu molema imedandaakono kompo ka oweamiu saru mentanduakono tandumiu ranta imensaari ira mpeluarako inso a walado,

Yehesikieli 34:6

Luwuno bimba-Ku ntesaa a luwuno torukuno ka pongku anu mantande. Humbee, i luwuno wita atuu bimba-Ku ntesiarawo, nahina maupo te'asa mia anu merio ira ke umungke ira.

Hosea 12:8

Mengkena kana Kana'a, saru pontimba nahi mentee a ngkaeno, ka inehedo mporontu,

Hosea 12:9

kanandiomo pauno i Eparai, ”Kombake gagi akumo mompoli, mohawe akumo arataa tiaku; Luwuno atuu pine'osaiku. Mia nahi dompohawe sala anu gagi halaku.”

Amosi 2:6

Kanandiomo pau-Do i Ue, ”Hangano otolu wineweuno Isaraeli anu mosa'o, ke opaa, nahi Aku balio mbo'u pomputusi-Ku. Ondae me'asa ira mia mentee hangano doi ka mia mongkokolaro hangano asa pasa sandala.

I MATIU 23:13

Memasola komiumo, hei anu mponto'ori Taura ka to Parisi, hei omiu mia mpo'onde-onde, hangano imentondoo luwuno pewowano Poparentaa Suruga i arodo mia. Hangano omiu isa'a nahi mpewinso ka ime'onsoi ira anu mpopete'umala ira mpewinso. [

I YOHANE 10:1

”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu;

I YOHANE 16:2

Komiu meliniahako, tendeano ta hawe tempono nine sompo mia anu mepate komiu ira mpotae nine mpesomba ira ndi Ondae Ue Ala.

2 PETURU 2:3

Ka hangano dokodo guru mpegaupi atuudo ira mpe'usaha mpo'ungke urado inso ndi omiu mesala a luwuno tutulu anu tinutuludo ondaedo. Sine a mpoweweudo atuu pohuku tehineomo tepatinda ka matea nahi ta tepotulu.

MENGKAAA 18:13

kuli ngkeu mo'ahi ka rampa-rampa, mina-mina, mire ka dupa, anggoro, lana, tarigu motutu ka gandu, sapi, bimba, ngara ka kareta, ata ka maupo penaano mia.

MENGKAAA 3:17

Hangano motaeko: Kaea aku ka kupokokaeaomo koroiku ka nahina makuraku hapa-hapa, ka hangano nahi uto'orio, nine marasaiko, ka urasa'o, mongkokolaro, morawu ka kolambe-lambe,