Sakaria 11:3 - Wunta Mempori

³ Rongeo ponsabangido puu mpopakambi! Hangano pino'undeakodo sinolangiomo. Rongeo pengaolido singa mongura! Hangano sinolangiomo pino'undeakono Koro Yarade.

Sakaria 11:3 ပူးပေါင်းရင်းမြစ်များ

Po'unde-unde 22:21

Ipotola akumo inso a mponai, ka penaaku inso mperorontuado dahu.

Yesaya 5:29

Pengaolido kana singa waino, kana singa mongura dompengaoli; ondae mperaali ka mporako kaangado, mewawao mpelulu ka nahina mokompotolao.

Yesaya 65:15

Omiu asalakono mebintao neemiu a mia mebininiki-Ku ka dompototonaa: Po'ineeomo Ondae Ue Ala mokopingko komiu kana ondae! Sine tetenaa-Ku ira menineeako nee susua,

Yeremia 2:15

Ndi onae luwuno singa mongura mpengaoli, mpokomerokuo unino, witano pinokolonda, luwuno kotano tinunu, nahina mbo'u palilino.

Yeremia 2:30

Nahina pengkonaano Kutunduhi ira anamu, pontunduhi nahi domperioo; ponaimu isa'a pingko ira nabimu kana singa mongura anu mongkaa rinakono.

Yeremia 26:6

onaemo pu'uno Aku weweuo raha andio kana Silo, ka mokogagio kota andio totonaado luwuno tongku i tolino.”

Yeremia 49:19

Menteeano, kana singa meluarako inso a ntobu mongurano Koro Yarade me'aiwa a mpada pompakambia, kanatuumo Aku weweu ira mpepobingko mpolai inso i wita atuu ka onae dompotoroo anu bininiki-Ku. Isemake puu mpopakambi anu polio umaropi Aku?

Yeremia 50:44

Menteeano, kana singa meluarako inso a ntobu mongurano Koro Yarade sumapoio pada pompakambia, kanatuumo Aku weweu ira mpepobingko mpolai inso i wita atuu ka mpotoroo onae anu bininiki-Ku. Hangano isemake anu kana Ongkue? Isemake anu mosia tumuntu Aku? Isemake puu mpopakambi anu polio umaropi Aku?

Yeremia 7:4

Si mpe'ala-alao luwuno pau mpegaupi andio: ndio raha-Do i Ue, raha-Do i Ue, raha-Do i Ue!

Yehesikieli 19:2

Potaemo kanandio, ”Inemu gagiomo ntu'u singa waino i olodo luwuno singa! Onae mepombole i olodo singa mongura, ka mo'uo ira anano.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Yoeli 1:13

Pokonaomo sawu po'inombo ka ponsabangimo, hei luwuno sando mpesomba; imperaalikimo, hei luwuno puu pompekakaako meda pontunua pesomba; impewinsomo, imperatomo saru mompokona sawu po'inombo, hei luwuno puu pompekakaako-Do Ue Alaku, hangano pesomba kaanga ka pesomba tinawa, pinenaa-naaakoomo inso a raha-Do Ue Alamu.

Amosi 8:8

Kombake ta mondidi-ndidi tolino hangano mongkona atuu, ranta sompo palilino mpompemasusa? Kombake ta mewuatako asa wawontolino kana Koro Nili, tewawa-wawa ngkoraane-ngkoramai ka i'amba tenono mbo'u kana Koro Masiri?”

Sepanya 1:10

Ka a oleo atuu, kanandiomo pau-Do i Ue, ta teronge pebooli inso a Mpewowa Langkai Bou ka ponsabangia inso a Mpe'iniaa Sarai ka unino tehoa langkai inso a luwuno pongku wita.

Sepanya 3:11

Ia oleo atuu nahi komohawe mokoko'ii hangano luwuno pe'ewa anu wineweumu ndi Ongkue, hangano i tempo atuu Aku meliahako inso i tonga-tongamu luwuno miamu anu mpo'unde a laro pompelangka-langkai, ka omue nami komompelangka-langkai mbo'u torukuno anu pinokomempori-Ku.

Sepanya 3:3

Mia pinemota'udo i ra'ai onaemo singa anu mengaoli; luwuno puu mpobitarano onaemo serigala wongi anu nahi pobinta maupo hapa hawe mo'oru.

Sakaria 11:2

Ponsabangimo, hei keu sanobari, hangano keu arasi tebangkuomo ka luwuno keu anu langkai sinolangiomo! Ponsabangimo, hei luwuno keu tarabantino Basani, hangano tobu anu mokapa mereteomo tinuehi!

Sakaria 11:8

I larono asa wula kuliahakono otolu puu mpopakambi. Ka i'amba nahi kupokompeteao mbo'u aroaku a asa bawaa bembe bimba atuu, ka ondae nte'osa iramo ndi ongkue.

I MATIU 15:14

Po'inee iramo koa mia atuudo. Ondae mia memorawu anu mpotaate mia morawu. Tewala mia morawu montaate mia morawu, manasa oruano tedonta a laro aa.”

WINEWEUDO TINENA 7:52

Isemake inso a luwuno nabi anu nahi domeweweunsaoo uempu'umiu? Tendeano dompepate ira mia anu ntese'elu mempaleleo mongkona hawe-Do Mia Mentee, anu kanandio-andio impeweengako Iramo ka mpepate Ira.