Sakaria 11:16 - Wunta Mempori

¹⁶ Hangano menteeano, Aku mokohinao i wita andio asa mia puu mpopakambi anu nahi perioo anu moliu, nahi ungkeo anu tetadi, nahi pokotompao anu mobela, nahi pekakaakono anu madoo, tendeano mongkaa bauno anu mewalo ka butao kukudo.

Sakaria 11:16 ပူးပေါင်းရင်းမြစ်များ

Tegagia 31:38

I larono rua pulu nta'u andio kupe'asaakomiu, bimba ka bembemiu anu waino nahi hori hina te'onini ka anu lakino inso a bawaano bembe bimbamiu nahi kuhori mongkaa.

Tegagia 33:13

Sine i Yako motae ndi onae, ”Ito'oriomo ueku nine nana'ote andiodo nahi domemokora. Ndio mbo'u, saru ongkue hinao asa bawaa bembe bimba ka sapi anu da mpo'uo. Tewala rinokuhi asa oleo koa, luwuno bawaano pinotuwu atuu ira memate.

Yesaya 40:11

Kana asa mia puu pompakambi Dopakambi ira bawaano pinotuwu-Do ka Dopumpuako ira kae-Do; ana bimba Do'awi ira, ineno bimba Dotaate ira.

Yeremia 23:2

Onaemo pu'uno kanandiomo pau-Do i Ue, Ue Alado to Isaraeli, a luwuno puu mpompakambi anu mempakambio tongku-Ku, ”Impo'inee iramo bawaano bembe bimba-Ku ntesiarawo ka ntepoponsia, ka nahi imedagai ira. To'oriomo, Aku mombalo ndi omiu luwuno wineweumiu anu mosa'o, kanandiomo pau-Do i Ue.

Yeremia 23:22

Ande-andeno mehawe ira a nterisoa-Ku, ira mempaleleo pau-Ku a bawaa-Ku, mewawa ira mpepokule inso a mpeleludo anu mosa'o ka inso a wineweudo anu mosa'o.

Yehesikieli 34:10

Kanandiomo pau-Do Ue Ala: Ongkue isa'a gagi ewaido puu pompakambi atuu ka wali tumuntu ira bimba-Ku inso a ngkaedo. Aku mokompenaa-naa ira mempakambio luwuno bimba-Ku. Luwuno mbo'u puu pompakambi atuu nahi ira mempakambio mbo'u koroido. Aku sumintaki ira bimba-Ku inso a ngangado, ranta nahi gagi mbo'u kaangado.

Yehesikieli 34:16

Anu tetadi Aku umungkeo, anu tesaa Aku wawao mekule, anu mobela Aku waluo, anu mahaki Aku mokomorosoo, saru anu mewalo ka anu moroso Aku dumagai ira. Aku pakambi ira kana'umpe menteeano.

Yehesikieli 34:21

Hangano luwuno anu molema imedandaakono kompo ka oweamiu saru mentanduakono tandumiu ranta imensaari ira mpeluarako inso a walado,

Danieli 11:36

Mokole atuu ta moweweu po'eheno aroano. Onae ta mompelangka-langkai a sompo pinesombai. Ndi Ondae mbo'u Ue Ala anu mewawoio luwuno pinesombai onae ta mepauako pau anu nahi pototono, ka onae ta mehasili hawe tompaano tekuda atuu, hangano hapa anu pinakosiomo ta gagi.

I YOHANE 10:1

”Kupauakomiu: Menteeano isema anu mewinso a laro rahano bimba nahi telalo a mpewowa, sine momaru a rere watu, onae mia anu monako ka mia puu mporontu;