Sakaria 11:12 - Wunta Mempori

¹² Ka ku'amba motae ndi ondae, ”Tewala impemoikoo, impowee aku tamboku, ka tewala naahi, siimo!” Domentimbao tolu pulu lempe salaka gagi tamboku.

Sakaria 11:12 ပူးပေါင်းရင်းမြစ်များ

Tegagia 23:16

I Burahima tumondao po'emano i Eperoni. I arodo inuleno i Heti, itimbao salaka tiano i Eperoni, montonda hadiono anu inemano, pato etu sikala salaka, kana pe'olia i olodo mia mpebalu-balu.

Tegagia 37:28

Mansado ntelalo puu mpebalu-balu Midia atuu, i Yusupu pinadii i wawono inso a laro nsumuru atuu, ka i'amba inasa a nto Sumaila atuu me'oli rua pulu sikala salaka. Ka do'amba mewawao i Yusupu i Masiri.

1 Mokole 21:2

I Ahabi motaeakono i Nabo, ”Wee'akumo lere anggoromu atuu aku mokogagio lere inahu, hangano po'iangano umpeda rahaku. Aku moweeakomu lere anggoro anu lalu moiko gagi euno. Sine tewala upemoikoopo, aku umowahiakono doi pototono olino.”

1 Mokole 5:6

Onaemo pu'uno, parenta iramo mia mpotuehiakune keu arasi inso i torukuno Libano ka luwuno ataku mpokowali ira atamiu. Tambodo atamiu aku umowahio ndi omiu, maupo te'opia ipo'ema, hangano ito'orio, nine i olomami nahina maupo te'asa mia anu monto'ori montuehi keu kana to Sidoni.”

2 Tawarika 30:4

Pomputusi atuu dotarimao moiko mokole ka luwuno bawaa.

Peluarakoa 21:32

Sine tewala sapi atuu morumpai asa ata tama ke beine, anu me'umbuo asalakono mo'owahi tolu pulu sikala salaka a anu me'atao ata atuu, ka sapi atuu asalakono winunoako watu ranta kai mate.

Yeremia 32:9

Gagi ku'olio lere anu i Anatoti atuu inso ndi Haname'eli, anado maamaku, ka montimbaako ira doi mobeano hopulu ka opitu sikala salaka.

Imama 27:4

Sine tewala mia atuu asa beine, rekeno atuu asalakono tolu pulu sikala.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 26:15

Ipotae, ”Hapa anu komiu mpoweeakune, ka kupeweengako Ira ndi omiu?” Dome'owahio ndi onae tolu pulu doi salaka.

I MATIU 27:10

ka doi atuu dompeweengakono tiano witano puu mponsuu kuro, kana pe'oliwi-Do i Ue ndi ongkue.”

I MATIU 27:9

Hangano kanandio inihiiomo pau anu pinohaweno Nabi Yeremia, ”Ondae mpotarima tolu pulu doi salaka, onaemo olino mia aasa anu pinakosi montonda poreke anu domeleleoakono i olodo to Isaraeli,

I YOHANE 13:2

Kontongaado mpongkaa mperonga, ka ipetanga-tangaakonomo i Mosa'o tinoono i laro aroano i Yudasi Karioti, anano i Simo, ka ipeweengako Ira.