Sakaria 11:11 - Wunta Mempori

¹¹ Gagi pedandia nahi pinokogagi a oleo atuu ka domento'oriomo puu mpebalu-balu bembe bimba anu kontongaado mpekokoongakune nine atuu onaemo pau-Do i Ue.

Sakaria 11:11 ပူးပေါင်းရင်းမြစ်များ

2 Tawarika 9:14

napi tedoa anu winawado luwuno anu mpo'asa-asa ka mia mpebalu-balu. Luwuno mokoledo to Ara ka luwuno anu pabawa i wita atuu mbo'u mpowawa wulaa ka salaka ndi Salomo.

Po'unde-unde 69:33

Po'ineeomo ikitao mia anu me'urumako ka ipo'unde; omiu anu umungke Ira Ue Ala, po'ineeomo ka iwali moroso aroamiu!

Yesaya 14:32

Sangki hapake anu ira mewineeako a mia mentinenado tongku atuu? ”Doponaakonomo i Ue empehino Sioni, ka i ra'aimo mia memarasai inso a bawaa-Ku dompohawe pekaduduia.”

Yesaya 40:31

sine mia anu sumisikori Ira i Ue mohawe roso wo'ohu: ondae kana rajawali anu meneeako rosono panino; ondae mpelulu ka nahi domegagi molema, ondae mpelempa ka nahi domegagi mokendo.

Yesaya 8:17

Ka aku sumikori Ira i Ue anu wunio rupa-Do te'aro a inuleno i Yako; aku momperorohi ndi Ondae.

Yeremia 32:8

Menunu saru pau-Do i Ue atuu, haweomo i Haname'eli, anado maamaku ndi ongkue a kintala podagaia, ka motae: ’Oliomo lereku anu i Anatoti i wita Benami atuu, hangano omuemo anu hinao pabawa mompe'ue ka pabawa montolosi; oliomo atuu!’ Onaemo ka kuto'orio, nine onaemo atuu pau-Do i Ue.

Mika 7:7

Sine ongkue andio sumisikori Ira i Ue, momperorohi ndi Ondae Ue Ala anu kumadudui aku; Ondae Ue Alaku Ira rumonge aku!

Sepanya 3:12

I olomu Aku mo'ineeo tuwu aasa bawaa anu tedoa motewe ka me'urumako. Ondae mpo'ungke pepekaduduiado ndi Ondae i Ue.

I LUKASI 19:48

sine nahi domento'orio, ba kana'umpe asalakono domeweweuo, hangano luwuno palili mpe'ala-ala Ira ka mingki mperorongeako Ira.

I LUKASI 2:25

Hinao i Yerusale asa mia meneeako i Simeo. Onae asa mia anu mentee ka moleo aroano anu sumisikorio pontarerodo to Isaraeli. Penaa Mempori mo'ia ndi onae,

I LUKASI 2:38

Ka i tempo koa mbo'u atuu onae aiwa i tu'ai ka umunde-unde Ira Ue Ala ka mepau mongkona Nana'ote atuu a luwuno mia anu mposikori tolaano Yerusale.

I LUKASI 23:51

Onae nahi pemoikoo pompakosi ka wineweudo Majelisi atuu. Onae inso i Arimatea, aasa kotado to Yahudi ka onae monsisikori Poparentaa-Do Ue Ala.

I LUKASI 7:22

Ka Dosangki ira i Yesu, ”Ilakomo, ka ipauakono i Yohane hapa anu kinitamiu ka rinongemiu. Mia morawu mongkita, mia pungku melempa, mia haki ngkuli mesaki gagi toompa, mia mobongo moronge, mia mate winangu ka a mia memongkokolaro pinaleleako lele moiko.

Winali 31:21

Tewala i alu ira hadio masolaa saru masusaa, asalakono penani andio ta gagi sakosii ndi ondae, hangano penani andio ta metako mpiha a wiwino inuledo. Menteeano Kuto'orio tinoodo oleo andio, se'elubi napi Kuwawa ira i wita anu Kudandiao sumpa ndi ondae.”

Winali 31:29

Hangano kuto'orio, tewala mate akumo, komiu mpoweweu tedoa mokoburu ka mepansia inso a nsala anu kutenaakomiu. I lembuino masolaa ta umalukomiu, tewala mpoweweu komiu anu mosa'o a pongkita-Do i Ue, ka mpokotesingkao tekuda-Do hangano wineweuno kaemiu.”