Sakaria 11:10 - Wunta Mempori

¹⁰ Ka ku'amba umalao tuko ”Me'aroa” atuu, ka ku'amba puduo ka nami gagi anu Kuwutuomo saru luwuno bawaa.

Sakaria 11:10 ပူးပေါင်းရင်းမြစ်များ

Po'unde-unde 50:2

Inso i Sioni, tompaano tekosi, Ondae Ue Ala meposaba mewanta.

Po'unde-unde 89:39

Sine Omiu isa'a nahi tarimao ka tumadio, gagi bamburu a mia anu inurapi-Miu,

Po'unde-unde 90:17

Po'ineeomo pe'aroa-Do i Ue, Ue Alamami, metii ndi omami, ka Ipokorosoomo wineweuno kaemami, oo, pokomorosoomo wineweuno kaemami!

Yeremia 14:21

Itarima kamimo, a nee-Miu, ka siimo Ipokomoteweo kadera maramba-Miu! Irambeomo pedandia-Miu saru omami ka siimo Ibalio!

Yehesikieli 24:21

Pauako iramo suku Isaraeli: Kanandiomo pau-Do Ue Ala: Menteeano Aku kumokoburutio po'ianga mempori-Ku, pabawaa anu pino'undeakomiu, pinemoikono matamiu ka po'eheno sumangamiu. Luwuno anamiu tama ka beine anu binintamiu ira memate ntebangkuako ponai.

Danieli 9:26

Umarino nomo pulu ka orua meluka opitu tempo atuu asa mia anu inurapiomo ta tinadi, kahinaano nahina salano. Palilino asa mokole anu ta hawe, ta mokotampulao kota ka po'ianga mempori atuu, sine mokole atuu ta mate a laro lolowi. Hawe a tampulaano wawontolino ta hina peteaa ka poropua kana anu pinakosiomo.

Hosea 1:9

Ka Do'amba mepau, ”Poponeeomo i Lo-Ami nana'ote atuu, hangano omiu komba bawaa-Ku ka Ongkue andio komba Ue Alamiu.”

Sakaria 11:7

Ka ku'amba pakambi ira asa bawaa bembe bimba sumbelea atuu tiado puu mpebalu-balu bembe bimba. Ku'alao orua tuko: anu asa kupauo ”Me'aroa” ka anu susua kupauo ”Powutu.” Ka ku'amba pakambi ira asa bawaa bembe atuu.

Podoaa 14:34

Menunu saru porokono oleo imempadasoo wita atuu, pato pulu oleo, ka asa oleo rineke asa nta'u, ka ilarono pato pulu nta'u asalakono komiu mentembio salamiu, ka imento'orio anu nahi Kupe'eheo.

I LUKASI 21:32

Kupauakomiu: Menteeano mia andiodo nahi ta upu, ba napi gagi luwu.

1 Samueli 2:30

Onaemo pu'uno, kanandio pau-Do i Ue, Ue Alado to Isaraeli, lano Kupauomo: Pe'asa rahamu ka inulemu, ira mpopekakaako gagi sando mpesomba i aro-Ku ranta nahina tampulaano. Sine kanandio-andio, kanandiomo pau-Do i Ue: Nahi Aku mokogagio kanatuu, hangano isema anu melangkai Aku Kupelangkaio, sine isema anu me'uru-uru Aku, nahi ta pinerio.