Sakaria 10:9 - Wunta Mempori

⁹ Maupo Kusiarawo iramo i olodo luwuno tongku, sine a luwuno po'ianga anu olai ira merambe Aku. Ondae ira mentuwu mperonga-ronga saru luwuno anado ka ira mpekule.

Sakaria 10:9 ပူးပေါင်းရင်းမြစ်များ

Nehemia 1:9

Sine tewala mpepokule komiu ndi Ongkue ka mentondao mpiha luwuno parenta-Ku saru meweweuo, manasa maupo luwuno miamiu anu tinadi mo'ia i tompano langi, Aku wali pumpu ira ka wawa ira a mpo'ianga anu Kubinikiomo ka ipo'ia nee-Ku i ra'ai.

Esetere 8:17

Kanatuu koa mbo'u sompo-sompo wita ka kota, ba isuamokoa parenta ka atorado mokole haweomo, hinao po'unde ka mawongkoa i olodo to Yahudi, ka pelimbua saru oleo mawongkoa. Ka mbo'u hadio inso i olodo palili i wita atuu mpewinso a nto Yahudi, hangano medoito iramo ndi ondae.

Yesaya 44:21

Pewowoloomo luwuno andio, hei Yako, hangano omuemo tetenaa-Ku, hei Isaraeli. Kuweweukomo, omuemo tetenaa-Ku; hei Isaraeli, omue nahi Aku kumolupeko.

Yesaya 64:4

Mompu'u i ndi'ipua se'eluno nahi hori teronge, nahina biri anu moronge, ka nahina mata anu hori mongkita maupo Ue Ala isua, sangkadio Omiu, anu moweweu tiado mia anu sumikori Ira. Butu Omiu anu moweweu kanatuu.

Yesaya 65:23

Ondae nahi ira mpe'isei mpena ke mpe'anaakono nana'ote anu ta mepobingko mate, hangano ondae atuu inuledo mia anu rinonso-Do i Ue, ka inuledo kongko saru ondae.

Yesaya 65:9

Aku wanguo inule inso ndi Yako, ka mia anu me'ue ira torukuno-Ku inso i Yehuda; luwuno mia bininiki-Ku ira mpe'ueo, ka luwuno tetenaa-Ku ira mpo'ia i tu'ai.

Yeremia 31:27

”Menteeano, tempono ta hawe, kanandiomo pau-Do i Ue, Aku mokohadioo inuleno mia ka pinotuwu a nsuku Isaraeli ka suku Yehuda.

Yeremia 51:50

Omiu anu mentola inso a mponai, imelakomo, si butu mpentade! Pewowolo Iramo i Ue inso olai ka po'ineeomo Yerusale ka ipe'umbaako mbo'u a laro mpinewowolomiu.

Yehesikieli 6:9

I ra'ai, i tonga-tongano luwuno tongku, ba isua domewinawa gagi mia tinawa, luwuno mia anu tola inso i olomiu ira merambe Aku, tempono Kupokomahakiako ira ntu'u aroado anu mponsosabo atuu, anu me'olai iramo inso ndi Ongkue ka melimbao matado anu wela mponsosabo saru mentonda ira lahumoado. Ondae isa'a mekokowuereakono mengkitao mosa'oa anu wineweudo ka kumitao luwuno wineweudo anu mokoburu.

Amosi 9:9

”Hangano menteeano, Kuparenta ira, ka Aku dumuku ira tongku Isaraeli i olono luwuno tongku, kana mia montirisaako pontirisa, ka nahina maupo te'asa one anu tedonta a wita.

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

WINEWEUDO TINENA 8:4

Ondae anu ntesiarawo atuu melakopio asa wawo wita atuu saru mempaleleo Lele Mawongkoa.

ROMA 11:24

Hangano tewala me'inonini komiu kana sampano saitu anu tuwu onaeno, ka nahi pengkena saru teweweumiu atuu mempinotako komiumo a ngkeu saitu ntu'u, tamoako lahi ondae andio, anu montonda insoado ira mempinotako a ngkeu saitudo ondaedo.