Sakaria 10:6 - Wunta Mempori

⁶ Aku mokomorosoo suku Yehuda, ka Aku kumaduduio inuleno i Yusupu. Aku mokomoikoo tuwudo, hangano Kupehohawa ira. Ondae ira megagi kana nahi Kuhori tumempu ira, hangano Ongkuemo Ue, Ue Alado, ka Aku sumangki ira.

Sakaria 10:6 ပူးပေါင်းရင်းမြစ်များ

Po'unde-unde 89:21

Kuhaweomo i Daudi, tetenaa-Ku; Ku'urapiakonomo lana-Ku anu mempori,

Yesaya 11:12

Onae ta wuatakono asa bandera tiado tongku ka pumpu ira to Isaraeli anu mentinadi, ka ta pumpu ira to Yehuda anu ntesiarawo inso a opaa siuno tolino.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Yesaya 41:10

siimo doito, hangano Ongkue kumongkomiko, siimo doito, hangano Ongkue andio Ue Alamu; Aku mokorosoko, tendeano Aku tumulungiko; Aku uminiakomu kae ngkoana-Ku anu mowawa ponangia.

Yesaya 54:4

Siimo doito, hangano nahi komohawe mokoko'ii, ka siimo mokoko'ii, hangano nahi kotinata. Hangano, omue kokumolupeo pontata tempono kontelaamu, ka nahi komewowoloo mbo'u mokoko'iia tuwu beinemu.

Yesaya 54:8

A laro ntekuda anu tedoa langkai Kuwuniomo rupa-Ku sarai koa ndi omue, sine a laro mompehohawa anu nahina balino Kupehohawakomo, pau-Do i Ue, Puu Pontolosimu.

Yeremia 23:6

A tempo poparentaano Yehuda ta pinotola ka Isaraeli ta tuwu rodo. Ndiomo nee anu iwineeako: Ondae i Ue Moleoato.

Yeremia 3:18

I tempo atuu suku Yehuda ira mpelempa ntepo'umpeda saru suku Isaraeli. Ira mehawe mperonga-ronga inso i wita utara lumako a wita anu Kutia-tiaako iramo a uempu'umiu gagi tia pusaka.

Yeremia 30:18

Kanandiomo pau-Do i Ue: menteeano, Aku momuleo teweweudo kemano i Yako, ka mehohawao luwuno po'iangano, kota atuu ta wali winangu i wawono anu terawo-rawo, ka benteno atuu ta mentade a mpo'iangano amba-ambano.

Yeremia 30:20

Luwuno anado ta gagi kana i ndi'ipuaako, ka tepumpuado ta moroso i aro-Ku; Aku humukuo luwuno mia anu mokonsii ira.

Yeremia 31:1

”I tempo atuu, kanandiomo pau-Do i Ue, Aku gagi Ue Alado luwuno pepe'etuado to Isaraeli ka ondae gagi bawaa-Ku.

Yeremia 31:20

Kombake i Eparai ana pinehohawa, kombake onae ana anu inehe-eheako? Hangano sompo Kutekudaakono, wela Aku rumambeo; onaemo pu'uno aroa-Ku mondende hangano onae; maupo kana'umpe Aku mehohawao, kanandiomo pau-Do i Ue.

Yeremia 31:31

Menteeano, ta hawe tempono, kanadiomo pau-Do i Ue, Aku mowutu pedandia wo'ohu saru suku Isaraeli ka suku Yehuda,

Yehesikieli 36:11

Aku mokohadioo porokono mia ka kondehora i wawomu, ka ira ntetiangi hadio ka mpe'ana ue. Aku weweu komiu wali pino'iangi kana amba-ambano ka moweweu moiko ndi omiu laluaopo sekono se'eluno. Ka komiu mento'orio nine Ongkuemo Ue.

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Yehesikieli 37:16

”Hei anano mia, alaomo asa mpole keu ka burio i wawono: Tiano Yehuda ka to Isaraeli, tepo'asano. Ka i'amba alaomo asa mpole keu anu susua ka burio i wawono: Tiano i Yusupu, keu Eparai, ka luwuno suku Isaraeli anu tepo'asa saru onae.

Yehesikieli 39:25

Onaemo pu'uno, kanandiomo pau-Do Ue Ala: Kanandio-andio, Aku momuleo teweweuno i Yako ka mehohawao luwuno suku Isaraeli. A nee-Ku anu mempori Ongkue gagi mahaki aroa.

Hosea 1:11

To Yehuda ka to Isaraeli ira ntepumpu mperonga ka pompotoro asa petewawado. Ira mpetorokio wita andio. Mentee ntu'u, tedoa langkai oleo Yisire'eli atuu!

Hosea 1:7

Sine Aku mehohawao suku Yehuda ka kumadudui ira a nee-Do i Ue, Ue Alado. Aku kumadudui ira komba mompake pana ke ponai, parewa mpetea ke ngara ka sorodadu mpengara.”

Hosea 14:9

I Eparai, hapa mbo'u tekaino ndi Ongkue a luwuno lahumoa? Ongkuemo anu sumangki ka mensiroiko! Ongkue andio kana keu sanobari anu molowulu, inso ndi Ongkue upohawe wua.

Obaja 1:18

Inuleno i Yako ta gagi api ka inuleno i Yusupu gagi langano api, sekono inuleno i Esau megagi tu'ono gandu; ira mentunuo ka mengkaano ka ipingko luwu, ka nahina maupo te'asa mia anu tola inso i olodo inuleno i Esau, hangano Ondae i Ue mepau Iramo kanandio.

Mika 4:13

Pentademo ka sesaomo, hei ana beine Sioni, hangano tandumu Aku weweuo kana labu, ka kukumu Aku weweuo kana mala, ranta ka uperawo-rawo ira hadio tongku; Omue komesusuao rinontudo tia-Do i Ue ka pompolido tia-Do Ueno asa wawo ntolino.

Mika 4:6

A oleo atuu, kanandiomo pau-Do i Ue, Aku pumpu ira anu luuka, mo'asa ira anu ntesaari ka ondae anu Kusolangi iramo.

Mika 5:3

Onae ta moroso pakambi ira a laro roso-Do i Ue, a laro langkaino nee-Do Ue Alano; ira mpo'ia mpiha, hangano kanandio-andio langkaino pabawa-Do ta hawe i tompano wawontolino.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 7:16

Po'ineeomo luwuno tongku mengkitao mongkona atuu ka gagi mongkoko'iiako luwuno mosiado. Po'ineeomo dometompoakono kae ngangado, ka birido gagi mobongo.

Sakaria 1:16

Onaemo pu'uno, kanandiomo pau-Do i Ue, Aku wali mehohawao Yerusale. Raha-Ku ta pinontade mbo'u i ra'ai, kanandiomo pau-Do Ueno luwuakoano, ka koloro posongka ta pinadindi mbo'u i Yerusale.’

Sakaria 10:12

Aku mokomoroso ira ndi Ondae i Ue, ka ira mentuwu a laro nee-Do,” kanandiomo pau-Do i Ue.

Sakaria 13:9

Aku numaao anu asa ntia otolu atuu a laro api ka mokomempori ira kana mompokomempori salaka. Aku umara-arahako ira, kana mo'ara-arahako wulaa. Ira mpoboio nee-Ku, ka Aku sumangki ira. Aku mepau: Ondaemo bawaa-Ku, ka ira mesangki: Ondae i Ue Ondaemo Ue Alaku!”

Sakaria 8:11

Sine kanandio-andio, nahi Kuweweu ira mbo'u toreano tongku andio kana tempo i ndi'ipua, kanandiomo pau-Do Ueno luwuakoano.

Sakaria 9:16

Ondae Ue Alado, ia oleo atuu anu kumadudui ira, bawaa-Do, kana bawaano bimba. Ondae kana luwuno paramatano ramba-ramba ulu anu tesosangkilo i wita-Do.