Sakaria 10:5 - Wunta Mempori

⁵ Ondae ira kana puu mpetea anu mpololanda iwali a laro rege a mpeteaa. Ira mpetea, hangano Ondae i Ue kumongkomi ira ka dompokoko'ii ira sorodadu mpengara.

Sakaria 10:5 ပူးပေါင်းရင်းမြစ်များ

2 Samueli 22:43

Kugili ira motutu ntu'u kana awu wita, ku'isa ira ka kulolanda ira kana rege a nsala.

2 Samueli 22:8

Ka i'amba melelu ka reendeomo tolino, luwuno pentoroano langi mpondidi-ndidi ka mpelelu, hangano tensila tekuda-Do.

2 Mokole 9:33

Petadiakonomo i totono! Mebooli i Yehu. Dompetadiakono i totono. Asa ntia reano tepidiki a rere ka a ngara; onae linolanda.

Po'unde-unde 18:42

Ondae mpebooli, sine nahina anu mongkadudui, ondae mpebooli ndi Ondae i Ue, sine nahi Dosangki ira.

Po'unde-unde 20:7

Kanandio-andio kuto'orio, nine Ondae i Ue moweeakono ponangia a mia anu inurapi-Do. Inso i suruga-Do anu mempori Dosangkiakono ponangia tedoa langkai hangano kae ngkoana-Do.

Po'unde-unde 33:16

Asa mokole nahi ta tekadudui hangano hadiono sorodaduno; asa puu mpetea nahi ta tola hangano langkaino roso.

Po'unde-unde 44:5

Omiumo Mokoleku ka Ue Alaku anu parentao ponangino i Yako.

Po'unde-unde 45:3

Omue anu tedoa montama i olodo luwuno anano mia, pe'aroa te'uwu a wiwimu, onaemo pu'uno Doronsokomo Ue Ala ranta nahina tampulaano.

Yesaya 10:6

A tongku anu humapu Aku Kutenao, a bawaa pontiiano tekuda-Ku Kuparentao ka iporontu ka mompomuru, ka ilolanda ira kana rege a nsala.

Yesaya 25:10

Hangano kae-Do i Ue ta kumaduduio torukuno andio, sine Moabi ta linolanda a mpo'iangano onaeno, kana seami linolanda a laro kineke pontadia anu mokoburu.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 41:12

omue ko'umungke ira mia anu mpe'u'ua saru omue, sine nahi kotepohaweako ira; mia anu mpetea umewaiko ta kana nahina ka mooa.

Yesaya 41:25

Kutenaomo asa mia inso i utara ka onae haweomo, asa mia anu ta mebooliako nee-Ku, inso a nsabaano oleo. Kana puu poweweu kuro mololanda wita pulu, kanatuumo onae ta lumolanda ira anu mempabawa kana rege.

Yesaya 8:9

To'oriomo, hei luwuno tongku, ka tededengkemo, impekokoongakonomo, oo, luwuno siuno tolino, impepatindamo mpetea, ka tededengkemo, impepatindamo mpetea, ka tededengkemo!

Yehesikieli 38:15

Omue ko'aiwa inso a mpo'iangamu, inso i tompano utara, saru hadio tongku anu tumondako. Luwudo mpesawi a ngara, asa tepumpua anu langkai ka sorodadu anu moroso.

Amosi 2:15

Puu pompana nahi pokompekorahako, anu magasi pelempano nahi ta tepotola ka anu mesawi a ngara nahi pokompetolahako.

Mika 5:8

Kaemu ta tinande umewai ira taromu, ka luwuno iwalimu ta pinokotampula!

Mika 7:10

Iwaliku ta kumitao ka mokoko'iio ta lumimbuo anu mepau ndi ongkue, ”Isua Ira i Ue, Ue Alamu?” Mataku ta kumitao; kanandio-andio onae linolanda kana rege a nsala.

Hagai 2:22

”Pauakonomo i Serubabeli, petewawa i wita Yehuda, kanandio: Aku lumeluo langi ka tolino

Sakaria 12:4

I tempo atuu, kanandiomo pau-Do i Ue, Aku weweuo luwuno ngara mebulalingo ka anu mpesawikio mpekombe. A nsuku Yehuda, Aku wileo mata-Ku, sine ngarado luwuno tongku Aku mokomorawuo.

Sakaria 12:8

I tempo atuu Ondae i Ue Ira dumagaio palilino Yerusale. Mia anu molema telusa i olodo i tempo atuu ta gagi kana i Daudi, ka somborino i Daudi ira mpetewawa kana Ondae Ue Ala, kana Mala'eka-Do i Ue, i arodo.

Sakaria 14:13

I tempo atuu ta gagi tewukaa langkai inso ndi Ondae i Ue i olodo, ranta singge mia uminio moroso kaeno pe'asa miano ka montande kae umewaio kaeno pe'asa miano.

Sakaria 14:3

Ka i'amba Ondae i Ue Ira lumako metea umewaio luwuno tongku atuu kana Dopetea a oleo peteaa.

Sakaria 9:13

Hangano, Yehuda Kupadiio ndi Ongkue kana wo'eno pana ka umihiiakono Eparai. Aku mesoeakono luwuno anamu, hei Sioni, a luwuno anamu, hei wita Yawani, Aku pakeko kana ponaino asa puu mpe'iwali.

I MATIU 28:20

ka imempaguru iramo meweweuo luwuakoano anu Kuparentaa komiu. Ka imento'oriomo, Aku kumongkomi komiu mpiha hawe a mpokotampaano tempo.”

I MATIU 4:3

Ka i'amba haweomo puu po'ara-arahako atuu, ka ipotaeako Ira, ”Tewala Omiu Ana-Do Ue Ala, parenta iramo watu andiodo gagi roti.”

I LUKASI 24:19

Dopotaeako ira, ”Hapake atuu?” Sumangki ira, ”Hapa anu gagi mongkona Ondae i Yesu to Nasare. Ondaemo asa nabi, anu pabawa a mpo'anggaa ka pepaua i aroDo Ue Ala ka i arodo luwuno tongkumami.

WINEWEUDO TINENA 18:24

Kontongaano atuu haweomo i Epesu aasa to Yahudi meneeako i Apolo, anu te'inso i Alesanderia. Onae aasa mia anu pande mepau ka tedoa ito'orio mongkona Wunta Mempori.

WINEWEUDO TINENA 7:22

Ka i Musa pinaguru a luwuno ponto'orido to Masiri, ka onae pabawa a mpepauno ka wineweuno.

2 KORINTI 10:4

hangano parewa mpeteamami a laro mpeteahako komba parewa mpetea ntolino, tendeano parewa mpetea anu pinokorosoako pabawa-Do Ue Ala, anu polio humoao luwuno bente.

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

2 TIMOTIU 4:17

sine mentade Iramo i Ue i horiku ka mokoroso aku, ka ipinalele koa ntu'u Lele Mawongkoa telalo ndi ongkue ka domerongeo luwuno mia anu komba to Yahudi. Hangano kanandio ka kutola inso a ngangano singa.

2 TIMOTIU 4:7

Kutompaakonomo petandia anu moiko, hawe akumo a garesi pokotompa ka kupekakaakonomo pompe'ala-ala.

Yosua 10:14

Napi hori hina oleo kanatuu, i ndi'ipua ka maupo oleo lembuiano, motae Ondae i Ue merorongeakono po'emano asa mia kanatuu nde anu me'iwali tiado to Isaraeli onaemo Ondae i Ue.

Yosua 10:42

Luwuno mokole ka witado inangi ira luwu i Yosua. Nde anu metea tiado to Isaraeli onaemo Ondae i Ue, Ue Alado to Isaraeli.

MENGKAAA 19:17

Ka ku'amba kumitao aasa mala'eka mentade a laro mata'oleo ka onae mebooli saru suara meroku a luwuno manu-manu anu mpenee i tonga-tongano langi, ipotae, ”Ime'aiwamo i ndi'ai ka impepumpumo ka impetonda a mpelimbua-Do Ue Ala, pelimbua anu langkai,

1 Samueli 16:18

Sumangki asa mia atano, ”Menteeano kukitaomo asa mia anano i Isai to Beteleme, anu pande memae kasapi. Onae asa sorodadu anu mosia, pande mepau, montama koroino. Ondae i Ue kumongkomio.”