Sakaria 10:2 - Wunta Mempori

² Hangano hapa anu pinauno terapimi onaemo mosa'o, ka anu kinitado mia anu nahi manasa ta gagi onaemo pegaupi, ka luwuno mo'ipi anu mempinaudo nahina pengkonaano; ondae mpontarero anu nahina tuduno. Onaemo pu'uno tongku atuu mpelakopi kana bawaano bimba ka pompemarasai hangano nahina puu mpompakambi.

Sakaria 10:2 ပူးပေါင်းရင်းမြစ်များ

Tegagia 31:19

Ka i Laba se'eluno lumakoomo mogonti wuludo bimbano. I tempomo atuu i Raheli monakoo terapi pelahumoaano amano.

1 Mokole 22:17

Ka i'amba sumangki i Mika, ”Kukita iramo to Isaraeli ntesiarawo a luwuno torukuno kana bawaano bimba anu nahina puu pompakambi. Mepau Iramo i Ue: Ondae andio hina uedo, laluopo singge mia mekule i rahano ka itekadudui.”

Ayubi 13:4

Menteeano omiumo mia anu mpotutuwi pegaupi, omiumo luwu sando nahi mentee.

Ayubi 21:34

Nahina ntu'u pengkonaano pontareromu ndi ongkue! Luwuno sangkimu pe'akala mpena!”

Yesaya 41:29

Menteeano, luwudo kana nahina, luwuno wineweudo mooa, luwuno tinaha anu tinawado angi mooa.

Yesaya 44:25

Ongkuemo anu umoninio luwuno tondonino anu mpompau manasa nahi ta gagi ka memae-maeako ira mia hadio tino'orido; anu weweu ira mia pande mposongka nahi gagi, ka woliteo ponto'orido gagi benge-bengea;

Yesaya 44:9

Mia anu mpoweweu tinaha, luwuno nahina hapa-hapado, ka arataa pinehohawado atuu nahina tuduno. Luwuno sakosiido nahi domengkitao ka nahi domponto'ori hapa-hapa; onaemo pu'uno ira mempinokoko'ii.

Yesaya 46:5

Saru isemake komiu mongkenao ka mompongkenaa-Kune saru mongkena Aku, ranta ka kipengkena?

Yeremia 10:8

Lahumoa atuu luwuno benge-benge ka monge-monge; pontisodo nahina tuduno; onae butu koa keu.

Yeremia 14:13

Ka ku'amba motae, ”Adoo, Omiu Ue Ala! Kombake domempauomo nabi ndi ondae: Omiu nahi komiu mpongkita ponai, ka mokoninggoa nahi ta umalukomiu, sine Aku moweeakomiu rodoa anu moroso a mpo'ianga andio!”

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 23:32

Menteeano, Aku umewai ira anu mpompau luwuno mo'ipi pegaupi, kanandiomo pau-Do i Ue ka anu tumutuluo ranta bawaa-Ku ntesaaako pegaupido ka mpompaudo anu nahi mentee. Nahi Kuhori tumena ira ka nahi Kuhori parenta ira. Ondae nahina ntu'u tududo a tongku andio, kanandiomo pau-Do i Ue.

Yeremia 27:10

Hangano ondae mpompau anu ta gagi nahi mentee ndi omiu ka imempinoko'olai inso i witamiu ka Kusiarawo komiu ka i'amba memate.

Yeremia 27:14

Si mperorongeakono pinaudo nabi anu mpotae ndi omiu, ’Si mebehe mpetuundu ndi mokole i Babeli!’ Menteeano, ondae mpompau anu ta gagi nahi mentee ndi omiu.

Yeremia 27:9

Gagi, siimo imperorongeako ira nabimiu, anu hadio tino'orino, puu mpo'ipi, anu mompau nahi manasa ta gagi, puu ponsihirimiu anu mpotae ndi omiu, ’Si mebehe mpetuundu ndi mokole i Babeli!’

Yeremia 28:15

Ka i'amba motae Nabi Yeremia ndi Nabi Hanania, ”Rongeomo, hei Hanania! Ondae i Ue nahi Dotenako, sine uweweu iramo tongku andio mpompe'ala-ala pegaupi.

Yeremia 29:8

Mentee ntu'u, Kanandiomo pau-Do Ueno luwuakoano, Ue Alado to Isaraeli: Si domempopo'oo komiu nabimiu anu kongko i tonga-tongamiu ka luwuno mia mpompau anu nahi manasa ta gagi. Si mperorongeakono mo'ipimiu anu impetenaako ka domemo'ipiakono!

Yeremia 37:19

Isua iramoke nabimiu anu mompau ta gagi ndi omiu nine mokole i Babeli nahi ta aiwa sumapoi komiu ka wita andio?

Yeremia 50:17

I Isaraeli kana bimba anu tesiarawo, domensaario singa. Amba-ambano mokoledo to Asuri kumaano, ka poko'ariano kanandio-andio i Nebukanesa, mokole i Babeli, kumarasi ira wukuno.

Yeremia 51:23

saru omue Aku merawo-rawoo puu mpopakambi ka bawaano bimbano, saru omue Aku merawo-rawoo puu mpelere ka sapi pompadekono, saru omue Aku merawo-rawo ira petewawano wita pinabawaino ka anu mempabawa!

Yeremia 6:14

Ondae mpopakuli mobelado bawaa-Ku kana-kana mobela kodei, dompotae: Rodoa! Rodoa!, kahinaano nahina rodoa.

Yeremia 8:11

Ondae mempakulio mobelano ana beinedo bawaa-Ku kana-kana mobela kodei, ipotae: Manangai! Manangai!, kahinaano nahina manangaia.

Ponsabangi 2:14

Luwuno nabimu mpongkitaakomu pongkita anu nahina pengkonaano ka mooa. Nahi dompokomengkaao salamu ka upinomule. Dompoluarakoakomu pinau anu nahi manasa ta gagi butu pegaupi ka mompokotesaa.

Yehesikieli 21:21

Hangano mokole i Babeli mentade a sampangano sala atuu, a pompu'uano orua sala atuu ta moweweu anu nahi manasa. Iseduo anano mpana, mo'ema pontiso inso a ntinaha pelahumoaa, ka iparesao ateno kondehora.

Yehesikieli 21:29

Maupo hinao luwuno pongkita anu nahi upementeeo ka luwuno tino'ori anu nahi upe'ala-alao, ponai atuu ta ninaa a we'udo mia mosa'o gaudo anu mpebungkui Ira i Ue, anu tempono haweomo tiano pohukua pokotompa.

Yehesikieli 34:5

Hangano kanandio ondae ntesiarawo hangano nahina puu pompakambi. Ondae gagi kaangado luwuno kondehora mo'ila tempono dontesiarawo.

Yehesikieli 34:8

Hangano Ongkue anu tuwu, kanandiomo pau-Do Ue Ala, menteeano luwuno bimba-Ku gagiomo kaangado luwuno kondehora mo'ila hangano nahina anu pakambi ira; luwuno puu pompakambi-Ku nahi domperio ira bimba-Ku, tendeano pakambio koroino onaeno, sine luwuno bimba-Ku nahi domempakambi ira.

Hosea 3:4

Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

Mika 2:12

Menteeano Aku pumpu komiu luwu, hei Yako. Menteeano Aku pumpu ira toreano to Isaraeli; Aku mo'asao kana asa bawaa bembe bimba a laro kanda, kana bawaano pinotuwu a ntonga mpadano, bukeako maroano mia!

Habaku 2:18

Hapa tuduno tinaha pesomba pina'o, pina'ono anu weweuo? Hapa tuduno tinaha pesomba tinawa, anu mompaguru pegaupi atuu? Hangano anu weweuo me'ala-alao wineweuno, ka hinaano luwuno lahumoa wineweuno atuu beebe nahi dompepau.

Sakaria 11:17

Masola ntu'u puu pompakambi-Ku anu benge-benge, anu mobinta asa bawaa bembe bimba! Ponai ta umaluo tokiano ka mata ngkoanano! Tokiano ta tedoa morungku, ka mata ngkoanano ta gagi morawu!”

Podoaa 27:17

anu mo'ia i arodo tempono dompelungka mpetea ka mpekule, anu mokompelungka ira ka mokule ira, bawaa-Do i Ue kasi kana bimba anu nahina puu mpopakambi.”

I MATIU 9:36

Kumita ira mia hadio atuu, teleluomo aroa-Do i Yesu mehohawa ira, hangano memokendo ka ntepo'inee kana bimba anu nahina pakambi ira.

I MARAKUSU 6:34

Mansa-Do metii i Yesu inso a bangka, Dokita ira mia hadio ntu'u, onemo ka itelelu aroa-Do mehohawa ira, hangano kana bimba anu nahina pakambi ira. Ka i'amba mompu'u Iramo paguruako ira hadio rupa.

Winali 13:2

Tewala petondoni ke anu kinohali-haliako anu pinohaweno ndi omiu atuu gagi, ka ipotae, ”Aiwa kato mpetonda a anu pinesombai susua,” anu nahi imento'orio, ”ka aiwa tompesomba ndi onae,”

Puu Mpobitara 18:14

Mpotae iramo mia olima atuu anu umari mempadasoo wita Laisi atuu. Mpotae ira ia pe'etudo, ”Imento'orioke, motae ilaro raha andiodo hinao lemba epo, terapi, tinaha ka tinaha hinola? Onae ka imento'oriomo hapa anu ta wineweumiu!”