Sakaria 10:11 - Wunta Mempori

¹¹ Tahi molue masusaa ta sinaki, bombano tahi ta winombaki, ka luwuno ondaloano a ngkoro Nili gagi motu'i. Anu pino'undeakodo to Asuri ta dinontai ka tuko poparentaano Masiri ta tampula.

Sakaria 10:11 ပူးပေါင်းရင်းမြစ်များ

Tegagia 8:1

1 Ondae Ue Ala rumambeo i Noho, luwuno kondehora mo'ila ka luwuno pinotuwu anu meronga saru onae a laro bangka atuu, ka i'amba Ondae Ue Ala weweuo angi mepuuri i wawontolino, ranta ka itempae uwoi atuu.

2 Mokole 2:14

I'alao lemba meloeno i Elia anu tedontaomo atuu, ipesepiakono a wawo uwoi kai pebooli, ”Isua Komiu ke Ue Alano i Elia?” Tempono ipesepiakono a wawo uwoi, uwoi atuu tetia i apano anu asa ka i apano anu susua, ka i'amba mesakiakoomo i Elisa.

2 Mokole 2:8

I Elia umalao lemba meloeno, ikaluluo ka ipesepiakono a wawo uwoi atuu. Tetiaomo uwoi atuu i apano anu asa ka i apano anu susua, ka i'amba orua ira mesakiako a wita anu motu'i.

Esera 6:22

Domporame-rameakono oleo langkai Roti Nahi Peragi, memawongkoa ira opitu oleo tehineno hangano Ondae i Ue mokomawongko ira. Ondae i Ue balio aroano mokole i wita Asuri ka ipokowali ira anggaano mpowangua Raha-Do Ue Ala, Ue Alado to Isaraeli.

Po'unde-unde 114:3

Tahi kumitao, ka i'amba molai, Koro Yarade mepokule i uluno uwoi.

Po'unde-unde 114:5

Hinao hapa, hei tahi, ranta ka upolai, hei Koro Yarade, ranta ka upepokule i uluno uwoi,

Yesaya 14:25

Aku mepate ira to Asiuri a laro wita-Ku ka lumolanda ira a wawo ntorukuno-Ku; pasanga anu ninaado a bawaa-Ku ta tinadi kanatuu koa mbo'u tinembi anu dopopotembiako ira a oweado.”

Yesaya 19:16

I tempo atuu to Masiri ira mengkana beine; ira mpondidi-ndidi ka ntededengke a ngkae-Do Ueno luwuakoano anu pino'io-Do ndi ondae.

Yesaya 43:2

Tewala omue sumaki molalo uwoi, Aku koa kumongkomiko, ke lumalo ira korono, nahi ta molomoko; tewala omue melempa molalo api, nahi ta mokomo'aiko, langano api nahi ta sumongkoko.

Yesaya 44:27

Ongkuemo anu mepau a ondaloano tahi: Gagimo motu'i, Aku mokomotu'i ira koronomiu!

Yesaya 51:10

Komba Omiuke anu moko'areo tahi, uwoi a ntahi malua anu mongkokongiri, anu weweuo tahi anu ondalo gagi sala, ka dompokompesakiako mia anu tinolosi?

Yesaya 51:9

Pekaangakomo, pekaangakomo! Pokonaomo roso, hei kae-Do i Ue! Pekaangakomo kana i tempo se'eluno ntu'u, ia tempo inule anu ndi'ipua ntu'u! Komba Omiuke anu purokio i Rahabi, anu montobo naga ranta mate?

Yehesikieli 30:13

Kanandiomo pau-Do Ue Ala: Aku mokotampulao luwuno lahumoa ka luwuno pinesombai inso i Memipisi. Nahi ta hina mbo'u petewawa i wita Masiri ka Aku moweweu doitoa i ra'ai.

Sepanya 2:13

Ira tumaangakono kae-Do a utara, rumopuo Asuri, ka weweuo Niniwe boni-boni, mokari kana pada one.

MENGKAAA 16:12

Ka mala'eka anu ko'onoo umuwuo tondeno a wawo ngkorono anu langkai, koro Eparata, ka i'amba mo'areomo uwoino, ka itetindamo pesalaado luwuno mokole anu me'aiwa inso i sabaano oleo.