Sakaria 10:1 - Wunta Mempori

¹ Po'emamo usa ndi Ondae i Ue a mpokotampulaano pepo'euano tempo motu'i ka wula usa! Ondaemo i Ue anu weweuo seru mo'ito, ka usa marombo Ira mompotii ndi ondae ka luwuno pinopaho a tonga mpada a sompo mia.

Sakaria 10:1 ပူးပေါင်းရင်းမြစ်များ

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

Ayubi 29:23

Mia mensikori aku kana monsikori usa, ka mentineo ngangado kana montine usa a poko'ariano tempo.

Po'unde-unde 104:13

Omiu mopo'inuo torukuno inso a luwuno bolongkono dunsi-Miu, tolino mowohiako wuano inangga-Miu.

Po'unde-unde 135:7

Dowuatakono gawu inso i tompano tolino, mepansariako koliki tumondao usa, Dowawao angi meluarako inso a mponaapa-Do.

Po'unde-unde 65:9

Ka mia anu mpo'ia a luwuno tompano tolino ntengiriakono luwuno petondoni-Miu anu kinohali-haliako; pesabaakoano mo'oru ka telalono tekamburi. Iweweuo kokora-kora mo'unde.

Po'unde-unde 72:6

Po'ineeomo ka ikana usa anu metii a wawo mpada ewo, kana usa marombo anu umuwoio tolino!

Powadi 16:15

A rupano mokole anu mewanta hinao tuwua ka moikono kana seruno usa tempo olono wula usa ka motu'i-tu'i.

Yesaya 30:23

Ka i'amba Ondae i Ue Ira mompotiiakono usa a inii anu rinawomiu i wita, ka roti hasilino wita atuu ta mo'ahi ka hadio ntu'u. I tempo atuu pinotuwumu ira mpongkaa ewo a ntonga mpada anu malua;

Yesaya 44:3

Hangano, Aku umuwuo uwoi a wawo wita anu mokoranga, ka usa marombo a wawo wita anu mokari. Aku umuwuo Penaa-Ku a inulemu, ka ronso-Ku a ana'uemu.

Yesaya 5:6

aku mo'ineeo nahi pinesampai ka nahi binondei, ka ituwu ewo ka rui; aku parenta ira seru, ka si dopompotii usa i wawono.

Yeremia 10:13

Tewala Dopoporongeo suara-Do, u'uruomo uwoi i langi. Dowuatakono gawu nseru inso i tompano tolino, mepansariako koliki tumondao usa, ka wawao angi meluarako inso a mponaapa-Do.

Yeremia 14:22

Hinaoke i olono pinesombai anu nahina pengkonaano inso a tongku atuu polio mompotii usa? Ke langi polioke onaeno mompotii usa marombo? Kombake butu koa Omiu, oo Ue Alamami? Ndi Omiumo pomperorohiamami, hangano Omiumo anu weweuo luwuno atuu?

Yeremia 5:24

Nahi dompotae a laro aroado: Moikoomo tomedoitoako Ira i Ue, Ue Alato, anu moweeakita usa ia tempono, moiko usa pompu'uano tempono maupo usa poko'ariano tempono, ka anu mokogagio ndi ontae luwuno minggu ponsowia.

Yeremia 51:16

Tewala Dopoporongeo suara-Do, u'uruomo uwoi i langi. Ondae wuatakono gawu inso i tompano tolino, mepansariako koliki tumondao usa, ka wawao angi meluarako inso a mponaapa-Do.

Yehesikieli 34:26

Aku weweu ira ka luwuno anu a mpehori-horino pongku-Ku gagi ronso. Aku motiio usa a tempono. Onaemo atuu usa ronso.

Yehesikieli 36:37

Kanandiomo pau-Do Ue Ala: Mongkonamo andio anu inehe-Ku mbo'u dome'emao suku Isaraeli ka Kuweweuo ndi ondae: weweu ira mehadio kana bawaano bimba.

Hosea 10:12

Porawomo menunu saru moleoa, sowiomo tiamu montonda petenunu mompehohawa! Anggaomo tiamu wita wo'ohu; temponomo umungke Ira i Ue, ranta ka Dohawe ka umusaiakomiu moleoa.

Hosea 6:3

Aiwamo tomento'orio ka mentee ntu'u tumo'ori Ira i Ue; manasa Ira me'umbaako kana wanta, Ira hawe ndi ontae kana usa, kana usa tempo pinopaho mentumba anu umuwoio tolino.”

Amosi 4:7

”Nahi Kupotiio usa ndi omiu, otolu wula se'eluno imensowi. Kupotiio usa a wawo ngkota anu asa ka nahi pinotii a wawo ngkota susua; lere anu asa i'aluo usa, ka lere anu nahi pohawe usa gagi mokari;

Mika 5:7

Toreano inuleno i Yako ta hina i olodo hadio tongku, i tonga-tongano hadio tongku kana singa i olodo kondehora a ntobu, kana singa mongura i olodo bawaano bembe bimba; isuamo koa ilako, onae momperangkami ka moberi-beri; nahina anu motolao.

I YOHANE 16:23

Ka a oleo atuu nahi komiu mpompesikenoako hapa-hapa ndi Ongkue. Kupauakomiu: Menteeano luwuakoano anu inemamiu ndi Ondae i Ama, Ira weeakomiu a nee-Ku.

1 KORINTI 3:6

Ongkue pahoo, i Apolo sumiwuio, sine Ondae Ue Ala anu motuwuo.

Winali 28:23

Langi mbo'u anu iwawono ulumiu ta gagi mala ka wita mbo'u anu i totono gagi labu.

YAKOBU 5:7

Onaemo pu'uno, pepaekompo luwu-luwu, imensabaramo ranta a hawea-Do i Ue! Menteeano mia melere monsikori hasili anu masuli olino inso a witano ka isabara hawe ka ipetiimo usa tempo amba-ambano ka pokotompaano.