Sakaria 1:6 - Wunta Mempori

⁶ Sine pau ka pompakosi-Ku anu Kuparentaako iramo luwuno tetenaa-Ku, luwuno nabi, kombake atuu i'alu iramo uempu'umiu? Komba ntepidi irake saru mpotae: kanamo tinoo-Do Ueno luwuakoano Ira weweuo ndi ontae menunu saru pelelu ka wineweuto, kanandiomo Dopoweweu ndi ontae?”

Sakaria 1:6 ပူးပေါင်းရင်းမြစ်များ

2 Mokole 15:12

Kanandiomo pau-Do i Ue anu pinohawe ndi Yehu, ”Luwuno anamu hawe a inule anu ko'opaa ira mpentoro a ngkadera poparentaa i Isaraeli,” ka gagiomo kanandio.

Ayubi 6:29

Impepokulemo, siimo ihina gagi poweweu molengku, impepokulemo, manasa ongkue mentee.

Yesaya 21:17

Inso i olodo puu pompona anu moroso ka mosia inso a inuleno i Kedari anu ta tebinta tedeimokoa, hangano Dopauomo i Ue, Ue Alado to Isaraeli.”

Yesaya 44:26

Ongkuemo anu mokorosoo pinauno tetenaa-Ku ka weweuo tinoo anu pinaleledo tinena-Ku; Ongkuemo anu mepau mongkona Yerusale: Moikoomo ipino'iangi! ka mongkona luwuno kotano Yehuda: Moikoomo iwinangu, Aku wali wanguo terawono!

Yesaya 55:1

Hei luwuno mia anu mokoranga, aiwamo ka impo'inumo uwoi, ka hei mia anu nahina doino, aiwamo! Tarimaomo gandu siimo inowahi ka pongkaamo, anggoro mbo'u ka susu nahi inowahi!

Yesaya 55:11

kanandiomo pau-Ku anu meluarako inso a nganga-Ku: onae nahi ta mekule mpena ndi Ongkue, sine onae ta weweuo hapa anu inehe-Ku, ka ta mehasili a hapa anu Kutenaakono.

Yeremia 23:20

Tekuda-Do i Ue nahi ta temonto, ranta ka Doweweuo ka mokogagio tinoono aroa-Do; A oleo pokotompa ka i'amba mento'orio ntu'u mongkona atuu.

Yeremia 26:15

Butumo koa, to'oriomo tementee ntu'u, nine tewala impepate aku, komiu mensusuruo reano mia anu nahina salano ndi omiu ka a ngkota andio ka palilino, hangano mentee ntu'u Ondae i Ue tumena aku pauo ndi omiu luwuno pau andio.”

Yeremia 28:17

Mateomo Nabi Hanania a nta'u koa mbo'u atuu, a wula ko'opitu.

Yeremia 32:24

Menteeano, luwuno rere watu pongkadua tekenseomo pinoko'umpeda ka dompoko'alao kota. Hangano ponai, mokoninggoa ka haki leleno kota atuu pineweengako a ngkaedo to Kasidimi anu mpeteaakono. Ka hapa anu pinau-Miu atuu gagiomo; mentee ntu'u, Omiu isa'a kumitao.

Yeremia 36:28

”Alaomo mbo'u wunta pinalulu susua ka buriomo i larono luwuno pau anu se'eluno kongko a wunta pinalulu amba-ambano, anu tinununo i Yoyakimi, mokoledo to Yehuda.

Yeremia 39:16

”Lakomo ndi Ebedi-Meleki, to Etiopia atuu ka pauakonomo: Kanandiomo pau-Do Ueno luwuakoano, Ue Alado to Isaraeli: Mentee ntu'u, Aku mokogagio pau-Ku i kota andio a masolaa ka komba moikoano. Luwuno atuu ta gagi i arono matamu i tempo atuu.

Yeremia 4:4

Tindiomo aroamu ndi Ondae i Ue, ka liahakonomo kulino anuno, hei to Yehuda ka palilino Yerusale, ka si tekuda-Ku montiu kana api, ka melanga nahi tepepate, hangano luwuno wineweumu anu mosa'o!”

Yeremia 44:2

”Kanandiomo pau-Do Ueno luwuakoano, Ue Alado to Isaraeli: Impembasaiomo luwuno masolaa anu Kupotiiomo i Yerusale ka luwuno kotano Yehuda. Mentee ntu'u, luwuno atuu kanandio-andio gagiomo terawo-rawo ka nahina maupo te'asa mia mo'ia i ra'ai,

Yeremia 44:28

Ondae anu ntepotola inso a mponai ira mpekule inso i wita Masiri melako i wita Yehuda tedei iramo koa. Luwuno to Yehuda anu da mentuwu anu melako iramo i wita Masiri ira mpo'ia gagi mia hawe i ra'ai ta tumo'orio pinauno isema anu gagi, pinau-Ku ke pinaudo.

Yeremia 44:29

Ndiomo petondoni ndi omiu, kanandiomo pau-Do i Ue, nine Aku humuku komiu a mpo'ianga andio, ka imento'orio nine luwuno pinau-Ku ndi omiu mentee ntu'u ta gagi tiano masolaamiu.

Yeremia 44:6

Onaemo pu'uno, mokulano tekuda-Ku ka mosa'ono aroa-Ku te'uwuomo ka sumongkoo luwuno kotano Yehuda ka luwuno sala i Yerusale, ranta ka igagi terawo-rawo ka po'ianga anu londa kana kanandio-andio.

Yeremia 5:14

Onaemo pu'uno kanandiomo pau-Do i Ue, Ue Alano luwuakoano, ”Hangano mpotae ira kanatuu, menteeano Aku weweuo luwuno pau-Ku, gagi api a laro ngangamu, ka tongku andio gagi keu, ka pingko ikaano api atuu.

Ponsabangi 1:18

”Ondaemo i Ue anu mentee, sine ku'ewaiomo pau-Do; rongeomo hei luwuno tongku, ka kitaomo pompemasusaku; luwuno ana beineku ka mangalitauku melako gagi mia mentinawa.

Ponsabangi 2:17

Doweweuomo i Ue hapa anu tinoo-Do, Do'ihiio hapa anu pinau-Do, anu Dopeparentaako i ndi'ipua. Ondae monsolangi nahina pompehohawa, Doweweuo iwali mawongkoakomiu, ka tumandeo tandudo anu umewai komiu.

Ponsabangi 3:42

Tehala kamimo ka me'ewa, nahi oniniakami halamami.

Yehesikieli 20:43

I ra'ai komiu merambeo luwuno pelelu ka wineweumiu anu kumokoburutio koroimiu. Komiu memokokowuere mengkitao koroimiu hangano luwuno wineweumiu anu mosa'o.

Yehesikieli 37:11

Pau-Do ndi ongkue, ”Hei anano mia, wuku andiodo onaemo luwuno suku Isaraeli. Mentee ntu'u, ondaedo mpotae: Luwuno wukumami mokariomo ka pomperorohiamami tampulaomo; te'otuomo tuwumami.

Danieli 4:28

Luwuno gagi ndi mokole Nebukanesa.

Hosea 5:9

Eparai ta gagi wita londa a oleo pohukua. Mongkona luwuno suku Isaraeli, Kupauo hapa anu manasa.

Hosea 9:15

Luwuno wineweudo mosa'o gagi i Giliga, mentee ntu'u, maupo i ra'ai Ku'o'aliaako ira. Hangano mosa'ono luwuno wineweudo, Aku sumaari ira inso i raha-Ku. Nahi Aku mehohawa ira mbo'u; luwuno mia pinemota'udo onaemo puu mpe'ewa.

Amosi 9:10

Hangano ponai, ira memate luwuno mia tehala i olono bawaa-Ku anu mpotae: Nahi Komiu mo'ineeo masolaa umpeda ka humawe kami.”

Sakaria 1:7

A oleo korua pulu ka opaa wula Siebati, wula kohopulu ka asa, a nta'u ko'orua poparentaano i Dariusu, haweomo pau-Do i Ue ndi nabi Sakaria anano i Berekia anano i Ido, motae,

Maleaki 3:18

Ka komiu mpepokule mengkitao teposisinggeno mia mentee ka mia mogau mosa'o, olono mia anu mesomba ndi Ondae Ue Ala ka anu nahi pesomba ndi Ondae.

Podoaa 23:19

Ondae Ue Ala komba mia, ranta ka Dopegaupi ka komba anano mia, ranta ka Dope'o'ole. Nde Ira mepau ke ka nahi Doweweuo ke mepau ka nahi Do'ihiio?

Podoaa 32:23

Sine tewala nahi mpoweweu kanatuu, mentee ntu'u ntehala komiu ndi Ondae i Ue, ka komiu mpopembasai, nine halamiu atuu ta umalukomiu.

Podoaa 33:56

Manasa Aku weweuo ndi omiu kana anu pinewowolo-Ku weweuo ndi ondae.”

I MATIU 24:35

Langi ka tolino ta moliu, sine pau-Ku nahi ta moliu.

Winali 28:15

Sine tewala nahi mperorongeakono pau-Do i Ue, Ue Alamiu ka nahi mpetenunu meweweuo luwuno parenta ka pompakosi-Do, anu kupohaweo ndi omiu a oleo andio, manasa luwuno pontotonaa andio ta metii ndi omiu ka ta humawe komiu:

Winali 28:2

Luwuno ronso andio ta hawe ndi omiu ka ta gagi tiamiu, tewala imperorongeakono pau-Do i Ue, Ue Alamiu.

Winali 28:20

Ondae i Ue Ira mompotii pohuku, marisua, ponsepi i olomiu a laro angaa anu inanggano kaemiu ranta ka imeropu ka metampula. Hangano mosa'o wineweumiu mpebungkui Ira Ue.

Winali 28:45

Luwuno pontotonaa atuu ta hawe ndi omiu, lumulu ka umalu komiu, ranta ka imeropu, hangano nahi mpomperorongeako pau-Do i Ue, Ue Alamiu, ka nahi mpe'ini a parenta ka a pompakosi anu Doparentaa komiu.

1 TESALONIKA 5:4

Sine omiu, pepaekompoku, komba mentuwu komiu a laro wongi-wongia, ranta ka imansa humawe komiu oleo atuu kana mia monako,