Sakaria 1:4 - Wunta Mempori

⁴ Siimo imengkana uempu'umiu anu dompopoto'oriako ira nabi anu i ndi'ipua, kanandio: Kanandiomo pau-Do Ueno luwuakoano: Impepokulemo inso a mpelelumiu anu mosa'o ka wineweumiu anu mokoburu! Sine nahi domebehe merongeo ka nahi domebehe mperio Aku, kanandiomo pau-Do i Ue.

Sakaria 1:4 ပူးပေါင်းရင်းမြစ်များ

2 Tawarika 30:6

Ka i'amba melako iramo luwuno tinena a luwuno Isaraeli ka Yehuda mewawao wunta inso a mokole ka luwuno petewawa. Menunu saru parentado mokole, dompotae, ”Hei, to Isaraeli, impepokulemo ndi Ondae i Ue, Ue Alano i Burahima, i Saki ka i Isaraeli, ka Ondae Ira mekule ia anu tebinta inso i olomiu, ondae anu mentola inso a ngkaedo mokole Asuri.

2 Tawarika 30:7

Siimo impoweweu kana uempu'umiu ka pepaekompomiu anu nahi petenunu ndi Ondae i Ue, Ue Alano uempu'udo. Mongkokongiri ntu'u Doweweu ira, kana anu kinitamiu.

2 Tawarika 34:21

”Imelakomo, mpo'emaakune pontiso-Do i Ue, tiado to Isaraeli anu da tebinta i Isaraeli ka i Yehuda, mongkona pauno wunta anu hinawe andio, hangano mongkokongiriomo tensilano tekuda-Do i Ue ndi ontae. Hangano, ondae uempu'uto nahi dompekariao pau-Do i Ue saru meweweuo mengkena kana anu teburi a wunta andio!”

Esera 9:7

Mompu'u inso a uempu'u mami, ranta hawe oleo andio, sala mami tedoa langkai. Hangano lano hala mami, omami saru luwuno mokole ka sando mpesomba mami, mempineweengako a ngkaedo luwuno mokole, a mponai, a laro mpontawaa, ka a mpomurua, saru pompokokodei i arodo mia hadio, kana teweweuno oleo andio.

Nehemia 9:16

Sine ondae, uempu'umami atuu mpompelangka-langkai, memotea ulu, ka nahi domentondao luwuno parenta-Miu.

Nehemia 9:26

Sine dome'ewaio parenta-Miu ka me'ewai Komiu. Dompebungkuio songka-Miu ka mpepate ira nabi-Miu anu mopoto'oriako ira kadompepokule ndi Omiu. Mpoweweu ira anu tedoa mosa'o.

Nehemia 9:30

Sine, mapata'u-ta'u mauru Komiu ndi ondae. Penaa-Miu mopoto'oriako ira molalo luwuno nabi-Miu, sine nahi domperioo, ranta ka Ipeweengako ira a ngkaedo luwu tongku i asa wawontolino.

Po'unde-unde 78:8

ka si kana uempu'udo, inule anu humapu Ira i Ue ka me'ewa, inule anu nahi rodo aroado ka nahi moroso dompe'ini ndi Ondae Ue Ala.

Yesaya 31:6

Impepokulemo, hei to Isaraeli, ndi Ondae anu tedoa iramo pinebungkui!

Yeremia 18:11

Onaemo pu'uno, pauako iramo to Yehuda ka palilino Yerusale: Kanandiomo pau-Do i Ue: Menteeano, Ongkue tekonai mompatinda masolaamiu ka motudaakomiu tinoo. Asalakono omiu singge mia ka itepidi inso a mpeleluno anu mosa'o, impokomoikoomo pelelumiu ka poweweumiu!

Yeremia 23:22

Ande-andeno mehawe ira a nterisoa-Ku, ira mempaleleo pau-Ku a bawaa-Ku, mewawa ira mpepokule inso a mpeleludo anu mosa'o ka inso a wineweudo anu mosa'o.

Yeremia 25:8

Onaemo pu'uno kanandiomo pau-Do Ueno luwuakoano: Hangano nahi imperorongeakono luwuno pau-Ku,

Yeremia 26:5

ka saru nahi mperorongekono pinaudo tetenaa-Ku, luwuno nabi, anu nahi'otu Kutena ira ndi omiu, sine nahi mebehe mperorongeakono,

Yeremia 3:12

Lakomo ka pebooliakonomo luwuno pau andio i utara. Potaemo: Pepokulemo, hei Isaraeli anu mehapuakono pompe'ala-alano, kanandiomo pau-Do i Ue. Rupa-Ku nahi ta mo'oro ndi omiu, hangano Ongkue me'aroa; nahi Aku tekuda ranta nahina tampulaano, kanandiomo pau-Do i Ue.

Yeremia 3:14

Impepokulemo, hei nana'ote anu mehapuakono pompe'ala-alano, kanandiomo pau-Do i Ue, hangano Ongkuemo uemiu! Aku umalakomiu, asa mia inso a sompo kota ka orua mia inso a sompo sombori, ka Aku wawakomiu i Sioni.

Yeremia 35:15

Nahi otu-otu Kutena ira tetenaa-Ku ndi omiu, luwuno nabi, mempauo: Impepokulemo singge mia inso a mpelelumiu anu mosa'o atuu, impokomoikoomo wineweumiu, si mpetonda a mpinesombai susua saru mpesomba ndi ondae, ka komiu koa mpo'ia mpiha i wita anu Kuweeakomiumo ka uempu'umiu. Sine nahi mebehe mpo'aroo birimiu ka nahi mebehe meronge Aku.

Yeremia 4:1

”Tewala beheko mepokule, hei Isaraeli, kanandiomo pau-Do i Ue, Pepokulemo ndi Ongkue. Tewala beheko tumadi ira lahumoamu anu mokoburu inso i aro-Ku, siimo te'embi-embi!

Yeremia 44:16

”Mongkona hapa anu pinaumu a nee-Do i Ue ndi omami atuu, nahi kami merongeko.

Yehesikieli 14:6

Onaemo pu'uno, pauako iramo suku Isaraeli: Kanandiomo pau-Do Ue Ala: Intepidimo, impepokulemo inso a lahumoamiu ka woliliomo rupamiu inso a luwuno wineweu anu mokoburu.

Yehesikieli 20:18

Kupepauako ira anado i pada one: Siimo imentuwu montonda luwuno pompakosido amamiu, siimo impe'ini a luwuno atorado, ka koroimiu siimo imengkokoburutiakono luwuno lahumoado.

Yehesikieli 33:11

Pauako iramo: Hangano Ongkue anu tuwu, kanandiomo pau-Do Ue Ala, nahi Kupe'eheo mateno mia mosa'o gauno, tendeano inehe-Ku a mpepokuleno mia mosa'o gauno atuu inso a nsala ntumuwuno ka ituwu. Pepokulemo, Pepokulemo inso a nsala ntumuwumu anu mosa'o wineweumu atuu! Tembio ka i'asalakono komiu memate, hei suku Isaraeli?

Yehesikieli 33:4

tewala asa mia lano irongeo unino tawuwua atuu, sine nahi behe ipinopoto'oriako ranta ka ihawe ponai atuu mepateo, ka reano i'aluo koroino onaeno.

Danieli 9:6

Nahi kimperorongeako ira tetenaa-Miu, luwuno nabi, anu mpepau iramo a nee-Miu a luwuno mokolemami, a luwuno petewawamami, ndi ondae amamami ka a luwuno palili.

Hosea 14:1

Samaria asalakono tumembio salano, hangano onae umewa ndi Ondae Ue Alano. Ira memateako ponai, luwuno anadalono ta pinerego ka luwuno beineno anu mentia ta binonsi kompono.

Amosi 5:24

Sine laluopo moleoa mekalu-kalulu kana uwoi ka menteea kana uwoi korono anu waa mpiha.”

Mika 2:6

”Siimpopau anu ta gagi” dompotae, ”Nahi dompopau anu ta gagi kanatuu! Mo'o'anua nahi ta umalu kita.”

Sakaria 1:3

Onaemo pu'uno, pauako iramo: Kanandiomo pau-Do Ueno luwuakoano: Impepokulemo ndi Ongkue, kanandiomo pau-Do Ueno luwuakoano, ka Ongkue mbo'u mepokule ndi omiu, pau-Do Ueno luwuakoano.

Sakaria 7:7

Kombake onaemo atuu pau anu Dopohaweomo i Ue telalo a luwuno nabi anu i ndi'ipua, tempono Yerusale saru luwuno kota petengi-tengino da dompo'iangario mia ka rodo, ka Wita Nege saru Sepela da pino'iangario mbo'u?”

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 3:19

Onaemo pu'uno impokonto'oriomo ka intepidimo, ka i'inonini halamiu,

1 PETURU 1:18

Hangano imento'orio, nine mentinolosi komiumo inso a gau ntumuwu anu nahina tuduno pusakamiu inso a uempu'umiu atuu komba saru sangka anu ta tampula, komba mbo'u saru salaka ke wulaa,