Ruti 2:10 - Wunta Mempori

¹⁰ Menggolontuomo i Ruti, ra'ino tii a wita ka ipotae, ”Tembio ka kupohawe pompehohawa kanandio inso ndi omiu, ka iperio aku, hinaano ongkue andio mia anu hawe?”

Ruti 2:10 ပူးပေါင်းရင်းမြစ်များ

Tegagia 18:2

Onae mengkita ngkoraane, ka ikitao otolu mia mpentade, nahi olai inso ndi onae. Hangano ikita ira, onae melulu inso a mpewowa kemano tumotowo ira, ka i'amba menggolontu mesomba hawe a wita.

2 Samueli 19:28

Hangano luwuno somborido amaku lano ondaemo mia anu tekona ihuku mate ira ueku mokole. Sine omiu ueku ipakosiomo atamiu andio i olodo mia anu mpongkaa mpe'asa meda saru omiu. Hapapo mbo'u anu ta inemaku ndi omiu mokole?”

2 Samueli 7:18

Ka i'amba mokole Daudi mewinso i larono ka ipentoro i aro-Do i Ue. Ipotae, ”Isemake ongkue andio, oo Ue Ala, ka isemake somboriku, ranta ka Iwawa aku hawe olai andio?

2 Samueli 9:8

Ka i'amba i Mepibose menggolontu ka ipotae, ”Hapamoke atamiu andio, ranta kai perioo dahu mate kana ongkue andio?”

Imama 19:34

Mia hawe anu mo'ia ndi omiu asalakono imentuduo mengkena kana to Isaraeli ntu'u i olomiu. Impehohawaomo kana koroimiu, hangano i ndi'ipua omiu mbo'u mia hawe i wita Masiri; Ongkuemo Ue, Ue Alamiu.

I MATIU 25:35

Hangano tempono Kumokoninggo, imempaka Aku; tempono kumokoranga, impopo'inu Aku; tempono Ongkue mia hawe, impetotoka Aku;

I LUKASI 1:43

Isemake ongkue andio ranta ka ihawe ine-Do Ueku kumita aku?

I LUKASI 1:48

hangano Dopensiroiomo kodeino tuwuno tetenaa-Do. Menteeano, mompu'u kanandio-andio luwuno inule ira mempau aku me'ura,

ROMA 12:10

Asalakono ka imambe pehohawa kana pepaekompo ka mambepese'elungi a mpompelangkai.

Ruti 2:11

Sumangki i Boasi, ”Domempauakunemo mia motae luwuakoano anu wineweumu ia mponimu, umarino mate tamamu, ka kana'umpe ubinta ira ama ka inemu, ka wita hinaamu ka ulako ia tongku, anu se'e-se'eluno nahi uto'orio.

Ruti 2:13

Onaemo ka ipotae i Ruti, ”Lano aku mohawe pompehohawa te'inso ndi omiu, o ueku, nde omiu tumarero aku, ka ipokorodoo aroaku, maupo nahi kupengkenaako ira beine tetenaamiu.”

Ruti 2:19

Ipotaeakono ponino, ”Isua upobini ka upo'angga oleo andio? Doronsoomo i Ue mia anu mepepenteeko atuu.” Itutuluakonomo ponino ndi sema ipo'angga, ipotae, ”Neeno mia po'anggaaku i'oleo andio onaemo i Boasi.”

Ruti 2:2

Motaeomo i Ruti, beine to Moabi ndi Naomi, ”Po'ineeomo ka kulako ia lere, mobini jelai anu tebibinta i bungkudo mia mensowi anu mehohawa aku.” Sumangki i Naomi, ”Lakomo anaku.”

Ruti 2:9

Kitaomo koa lere anu tekonai sinowido. Tonda bungku ira beine tuudo. Nde ku'oliwi iramo tama anu mpo'angga kasi domensosanggeloko. Ba mokorangako lakomo po'inu uwoi anu inso ia kusi ka dompotambuakomu mia mpo'angga raudo.”

1 Samueli 25:23

Mansano kumitao i Abigai i Daudi, mompari-pari metii inso a ngkalideno ka ipenggolontu i arono i Daudi mesomba ra'ino hawe a wita.