Ruti 1:6 - Wunta Mempori

⁶ Nahi tehine mepatindaomo saru orua ira ponino, ira mpekule inso i wita Moabi, nde irongeo motae dopehohawa iramo i Ue bawaa-Do ka moweeako ira kaanga.

Ruti 1:6 ပူးပေါင်းရင်းမြစ်များ

Tegagia 21:1

Ondae i Ue mekakaakono i Sara, kana anu pinau-Do, ka Ondae i Ue weweuo ndi Sara kana anu Dodandiakono.

Tegagia 28:20

Ka i'amba i Yako montanga, ”Tewala Ondae Ue Ala kumongkomi aku ka dumagai aku a nsala anu tinondaku andio moweeakune roti ka kumpongkaa ka sangka ka kupesangka,

Tegagia 48:15

Ironsoo i Yusupu, ipotae, ”Ueku i Burahima ka amaku i Saki, tuwu iramo i aro-Do Ue Ala, Ue Ala anu pakambi akumo a laro ntumuwuku hawe kanandio-andio,

Tegagia 50:25

Ka i'amba i Yusupu tumena ira anano i Isaraeli mpesumpa, ipotae, ”Ondae Ue Ala manasa Ira mekakaakomiu. I tempo atuu asalakono imewawao luwuno wukuku inso i ndi'ai.”

Po'unde-unde 102:14

Omiumo anu Komiu mentade ka mehohawao Sioni, hangano haweomo tempono ka Ipehohawao, haweomo tempo anu pinakosi.

Po'unde-unde 111:5

Dopoweeako ira kaanga mia anu doitoako Ira. Dorambeo pedandia-Do ranta nahina tampulaano.

Po'unde-unde 132:15

Pepatindaa kaangano Aku rumonsoo tehadio ntu'u, miano anu memongkokolaro Aku mokomowohiako ira kaanga,

Po'unde-unde 145:15

Matano luwuno anu tuwu sumikori Komiu, ka Ipoweeako ira kaanga a tempono;

Po'unde-unde 146:7

anu umalaakono mia anu tepokonsii, anu mompowee kaanga a mia anu mokoninggo. Ondae i Ue motolao mia anu te'uko,

Po'unde-unde 147:14

Dopoweeakono manangaia a witamu ka mokomowohiakomu gandu anu lalu moiko.

Peluarakoa 3:16

Lakomo, pumpu ira mia memotota'u to Isaraeli ka pauako ira: Ondae i Ue, Ue Alado uempu'umiu, i Burahina, i Saki ka i Yako, mepopokita iramo ndi ongkue, ka Dopepau: Kuperiokomiumo, kanatuu koa mbo'u hapa anu wineweudo ndi omiu i wita Masiri.

Peluarakoa 4:31

Onae pu'uno ka dompompe'ala-alamo tongku atuu. Mansado merongeo, nine Doperio iramo i Ue ka Dokitaomo marasaido, onaemo ka dompenggolontu mpesomba.

Powadi 30:8

Ipoko'olaio inso ndi ongkue molengkua ka pegaupi. Si poweeakune mongkokolaro ke kaeaa. Ipo'ineeomo ka kukaano kaanga anu gagi tiaku.

Yesaya 55:10

Hangano kana usa ka seru baku metii inso i langi ka nahi pekule i tu'ai, tendeano umuwoio tolino, mokomewaloo ka mompokotuwu pinopaho, moweeako ira inii a puu mporawo ka kaanga a mia anu ta mongkaa,

Yeremia 29:10

Mentee ntu'u kanandiomo pau-Do i Ue: Tewala sompoomo pitu pulu nta'uno Babeli, ka Ku'amba aiwa kumita komiu. Aku umihiio dandi-Ku ndi omiu saru mokule komiu a mpo'ianga andio.

Yoeli 2:19

Ondae i Ue sumangki ira bawaa-Do, Dopotae, ”Menteeano, Aku mo'oliwiakomiu gandu, anggoro ka lana, ka komiu memowohiakono; Nahi Aku mo'inee komiu mbo'u gagi tataa i olodo luwuno tongku.

Sepanya 2:7

Wita atuu ta gagi tiado luwuno toreano suku Yehuda. Ira mpopakambi i ra'ai ka mpepombole a luwuno raha i Asikeloni tempono owowa oleo. Hangano Ondae i Ue, Ue Alado Ira mekakaako ira ka wali mokomoikoo teweweudo.

I MATIU 6:11

Ipowee kami kaangamami oleo andio ka isompo

I LUKASI 1:68

”Inunde-unde Iramo i Ue, Ue Alado to Isaraeli, hangano hawe Ira kumitao bawaa-Do ka mowawaako ira tolaa,

I LUKASI 19:44

ka ira mpepateko saru palilimu ka a rere watumu nahi ira mpo'ineeo maupo te'asa watu mo'ia a wawo watu anu susua, hangano nahi uto'orio tempo, ba te'ipia Do'aiwa kumitako Ue Ala.”

1 TIMOTIU 6:8

Poolo ka ihina kaanga ka sangka, sompoomo.

1 PETURU 2:12

Temoikomo gaumiu imentuwu i tonga-tongado tongku komba Yahudi, tewala domposebe komiu kana mia melambaha, ka dompokokitao inso a luwuno wineweumiu anu moiko ka melangkai Ira Ue Ala a oleo Dotepohaweako ira.

Ruti 1:5

Ka mate iramo mbo'u orua ira anano, i Mahaloni ka i Kilioni, onaemo beine atuu nami hina orua ira anano ka tamano.

Ruti 1:7

Lumakoomo inso ia mpo'iangaano, saru orua ira ponino. Ia laansala pekuledo i wita Yehuda,

1 Samueli 2:21

Doronsoo i Ue i Hana onae ka imentia ka ipe'anaako ira otolu ana ntama ka orua ana beine. Tempo atuu i Semueli anu da mongura, kolangka-langkaino i aro-Do i Ue.