Ruti 1:16 - Wunta Mempori

¹⁶ Sine ipotae i Ruti, ”Sidadai aku bintakomiu ka kupekule nahi kutonda komiu, nde ba isua ilako i tu'ai kulako, ka ba isua ipoturi i tu'ai kupoturi, tongkumu onae tongkuku, ka Ue Alamiumo, Ondae Ue Alaku;

Ruti 1:16 ပူးပေါင်းရင်းမြစ်များ

2 Samueli 15:21

Sine i Itai sumangki ira mokole, ”A nee-Do i Ue anu tuwu ka a ntuwumiu ueku mokole, isua ipo'ia ueku mokole, moiko tuwu maupo mate, i tu'ai mbo'u atamiu andio.”

Po'unde-unde 45:10

i olodo anu tedoa pinehohawamu hinawe ba opia ana beineno mokole, i koanamu mentade kombiano mokole mesangka wulaa inso i Opiri.

Powadi 17:17

Asa mia sambe'e onaemo mia mehohawao sompo tempo, ka asa mia pepaekompo pine'anaako tiano tempo masusa.

Yesaya 14:1

Tempono Ondae i Ue mehohawao i Yako ka binikio Isaraeli pohona mbo'u saru mo'inee ira mpo'ia i witado, mia mehawe ira mpe'asaako ira ka mpesaloako inuleno i Yako.

Danieli 2:47

Mepauomo mokole ndi Danieli, ”Menteeano, Ondae Ue Alamu atuu Ue Ala i wawono luwuno pinesombai ka Anu pabawa a luwuno mokole, ka Anu mosabao luwuno rahasia, hangano omue polio mosabao rahasia atuu.”

Danieli 3:29

Onaemo pu'uno, kuluarakono parenta nine sompo mia inso a tongku, suku ke pau isuamo koa, anu mompau pontetewehi ndi Ondae Ue Alano i Sadaraki, i Mesaki ka i Abenego, ta binatu-batu ka rahano ta pinobangku gagi howuno anu terawo, hangano nahina pinesombai susua anu polio mompotola kanatuu.”

Danieli 4:37

Gagi kanandio-andio ongkue, i Nebukanesa, mo'unde-unde, ka melangkai Ira Mokole i suruga, hangano luwuno wineweu-Do mentee ka luwuno sala-Do moleo, ka Ondae polio tumotoako ira anu mpompelangka-langkai.

Hosea 13:4

Sine Ongkuemo Ue, Ue Alamu mompu'u i wita Masiri; omue nahi ponto'ori Ue Ala sangkadio Ongkue, ka nahina Puu mpongkadudui sangkadio Ongkue.

Sakaria 8:23

Kanandiomo pau-Do Ueno luwuakoano, ”I tempo atuu hopulu mia inso a mperupa-rupa tongku ka pau ira me'inio moroso ntu'u tapuno lemba meloeno asa to Yahudi ka mpepau: Inehemami melako meronga saru omiu, hangano kimerongeomo, nine Ondae Ue Ala kumongkomi komiu!”

I MATIU 8:19

Ka i'amba haweomo asa anu monto'ori Taura ka ipotaeako Ira, ”Guru, aku tumonda Komiu, maupo isua Ilako.”

I YOHANE 13:37

Ipotaeako Ira i Peturu, ”Ue, tembio ka nahi kupokotonda Komiu kanandio-andio? Aku meweengakono penaaku hangano Omiu!”

WINEWEUDO TINENA 21:13

Sine sumangki i Paulu, ”Tembio ka impengese ka ba kanandio imerago-ragoo aroaku? Hangano ongkue andio tetinda komba butu ka kupinongu, sine saru mbo'u mate i Yerusale hangano nee-Do Ue Yesu.”

1 TESALONIKA 1:9

Hangano ondaedo isa'a mentutuluo mongkona omami, ba kana'umpe imentotowo kami ka ba kana'umpe impepokule ndi Ondae Ue Ala inso a luwuno lahumoa ka mekakaako Ira Ue Ala anu tuwu ka mentee,

Yosua 24:18

Ondae i Ue sumaari ira inso ndi ontae luwuno tongku saru to Amori, mia anu mpo'ia i ndi'ai. Omami koa mbo'u, kami mpesomba ndi Ondae i Ue, nde Ondaemo Ue Alato.”

MENGKAAA 14:4

Ondaemo mia anu nahi domengkokoburutiakono beine koroido, hangano memempori ira kana ana beine moondo. Ondaemo mia anu mentonda Ira i Ana Bimba atuu ba isuamo koa Dolako. Ondae mentinolosi inso i olodo mia kana pesomba amba-ambano tia-Do Ue Ala ka tia-Do i Ana Bimba atuu.

Ruti 1:15

Mepauomo i Naomi, ”Mekuleomo pe'asa mpo'alamu ia tongkuno, ka ia ue anu pine'ala-alano, pekulemo tondao pe'asa mpo'alamu atuu.”

Ruti 1:17

Isua imate, i ra'ai kumate, ka i ra'ai kukinaburu. Kanandiomo ba Dohuku aku i Ue, ba laluaopo sekono atuu tabulu hapamokoa monsia kita, sangkadio matea!”

Ruti 2:6

Mia anu modagai mia mensowi atuu sumangki, ”Beine rau to Moabi perongano i Naomi mekule inso i wita Moabi.

Ruti 4:15

Ka onaemo anu mokomawongkoo laromu ta mekariako i tempono wuumu moputeomo. Nde ponimu anu kumekewoiko, anu me'anaakono, beine atuu tedoa langkai i aromu sekono opitu ana ntama.”