ROMA 8:9 - Wunta Mempori

⁹ Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

ROMA 8:9 ပူးပေါင်းရင်းမြစ်များ

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

I LUKASI 11:13

Gagi tewala omiu anu memosa'o mponto'ori mpopeweengako pompowee anu moiko a anamiu, tamoako Amamiu anu i suruga! Ira mompowee Penaa Mempori a mia anu mpo'ema ndi Ondae.”

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 14:23

Sumangki Ira i Yesu, ”Tewala asa mia mehohawa Aku, ta tumondao pau-Ku ka onae Ira mehohawao AmaKu ka Kami aiwa ndi onae ka mo'ia ndi onae.

I YOHANE 3:34

Hangano isema tinena-Do Ue Ala, Ondaemo mohaweo pau-Do Ue Ala, hangano Ondae Ue Ala moweeako Ira Penaa-Do nahi tetidahi.

I YOHANE 3:6

Hapa anu pine'anaako inso a koroi onaemo koroi, ka hapa anu pine'anaako inso a Mpenaa, onaemo Penaa.

WINEWEUDO TINENA 16:7

Ka sahawedo i Misia mo'arahako ira mewinso i wita Bitinia, sine nahi Do'eheako ira Penaa-Do i Yesu.

ROMA 7:5

Hangano tempono da tomentuwu a laro tuwu ntolino, po'eheno koroi tehala, mo'angga a luwuno parewa ngkoroito anu pinotuwuno songka Taura, ka tompewua tiano matea.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:11

Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 15:23

Sine sompo-sompo mia montonda potudano: anu amba-ambano Ondae i Kerisituu; umarino atuu ondae anu gagi mia-Do i tempono hawea-Do.

1 KORINTI 3:16

Nahi imento'orioke, nine omiu raha-Do Ue Ala ka nine Penaa-Do Ue Ala mo'ia i laromiu?

1 KORINTI 6:17

Sine isema anu me'asaako Ira i Ue, gagi me'asa mpenaako Ira.

1 KORINTI 6:19

Ke nahi imento'orioke, nine koroimiu onaemo raha-Do Penaa Mempori anu mo'ia i laromiu, Penaa Mempori anu hinawemiu inso ndi Ondae Ue Ala, — ka nine omiu komba omiu isa'a mpe'ueo?

2 KORINTI 10:7

Imengkitaomo anu mengkaa i arono matamiu! Tewala hinao asa mia anu memanasao, nine onae mia-Do i Kerisituu, asalakono ka ipompewowolo i laro aroano, nine omami mbo'u mia-Do i Kerisituu mengkena kana onae.

2 KORINTI 6:16

Hapake penggoeano raha-Do Ue Ala saru lahumoa? Hangano ontae onaemo raha-Do Ue Ala anu tuwu montonda pau-Do Ue Ala andio, ”Aku mo'ia me'asaako ira ka tuwu i tonga-tongado, ka Aku gagi Ue Alado, ka ondae gagi bawaa-Ku.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

GALATIA 5:24

Ba isema gagi mia-Do i Kerisituu Yesu, ipasoomo tuwu ntolino saru luwuno po'eheno aroano ka mosisirino a ngkeu pinotamba.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 2:22

Ndi Ondae mewinangu komiu koa mbo'u gagi po'ianga-Do Ue Ala, a laro Mpenaa.

EPESU 3:17

ranta hangano pompe'ala-alamiu Ondae i Kerisituu mo'ia i laro aroamiu ka impehaka saru mpepu'u a laro pompehohawa.

PILIPI 1:19

hangano kuto'orio, nine umariano luwuno andio onaemo tekaduduiaku hangano pekakaimiu ka pontulungi-Do Penaa-Do i Yesu Kerisituu.

2 TIMOTIU 1:14

Pekariaomo arataa anu tekosi, anu Dope'ala-alaakitamo, hangano Penaa Mempori anu mo'ia i laroto.

1 PETURU 1:11

Ka dompepenteeo tempo anu isua ka anu kana'umpe tinoono Penaa-Do i Kerisituu, anu kongko i larodo, onaemo Penaa anu se'eluno mompowee ponsakosii mongkona luwuno tebobarasaia anu ta umalu Ira i Kerisituu ka mongkona luwuno marambaa anu metonda lembui umarino atuu.

1 YOHANE 3:24

Ba isema tumondao luwuno parenta-Do, onae mo'ia i laro-Do Ue Ala ka Ondae Ue Ala i larono. Ka kanandiomo ka tomento'orio, nine Ondae Ue Ala kongko Ira i laroto, onaemo Penaa anu Doweeakitamo.

1 YOHANE 4:13

Kanandiomo ka tomento'orio, nine mekongko kita mpiha i laro-Do Ue Ala ka Ondae i laroto; Doweeakitamo ka tompohawe tia a Mpenaa-Do.

1 YOHANE 4:4

Luwumiu anaku nte'inso ndi Ondae Ue Ala, ka imenangi iramo nabi mpegaupi atuudo; hangano Penaa anu kongko i laromiu, langkai Irapo sekono penaa anu kongko i wawontolino.

MENGKAAA 13:8

Ka luwuno mia anu mpo'ia i wawontolino ira mpesombaio, onaemo sompo mia anu mompu'u ipinokogagi wawontolino neeno nahi teburi a wunta tuwua inso a Ana Bimba anu sinumbele Iramo.

MENGKAAA 20:15

Ka sompo mia anu nahi hinawe neeno teburi a wunta tuwua atuu, onae pinetadiako a laro ntahi api atuu.