ROMA 8:3 - Wunta Mempori

³ Nde hapa anu nahi pokoweweuo songka Taura hangano telusaako tuwu ntolino, Doweweuomo Ue Ala. Ka mesala tumenao Ana-Do isa'a a ngkoroi ntolino, anu merupa kana koroi ntolino anu pinabawaino hala ka hangano hala, Dohukuomo hala a ngkoroi ntolino,

ROMA 8:3 ပူးပေါင်းရင်းမြစ်များ

Podoaa 21:9

Ka i'amba i Musa moweweu ule mala ka inaao a asa keu pinontade. Tewala asa mia itungkuo ule, sine mengkita a ule mala atuu, manasa ta kongko tuwu.

Podoaa 28:22

Ka i'amba asa bembe lakino gagi pesomba po'onini hala weweua pesintuwuamiu.

I MARAKUSU 15:27

Meronga saru Ondae pinaso a ngkeu pinotamba orua mia puu mporontu, asa mia i koana-Do ka asa mia i manggali-Do. [

I YOHANE 1:14

Pau atuu gagiomo mia, ka mo'ia i oloto, ka tomengkitaomo maramba-Do, onaemo marambaa anu Dowineeako gagi Ana-Do i Ama Anu Asa-asa, buke pompehohawa ka menteea.

I YOHANE 9:24

Ka i'amba pohona mbo'u domempoboio mia anu hieno morawu atuu ka dompotaeakono, ”Pauomo menteeano i aro-Do Ue Ala; kimento'orio nine mia atuu mia tehala.”

WINEWEUDO TINENA 13:39

Ka ndi Ondaemo sompo mia anu mompe'ala-ala ipohawe tepotolaa inso a luwuno hala, anu nahi komiu mpohawe inso a songkano i Musa.

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

ROMA 7:18

Hangano kuto'orio, nine i laroku, onaemo i laroku kana mia, nahina maupo hapa anu moiko. Hangano po'eheno aroa lano hinao i laroku, sine komba mongkona moweweu hapa anu moiko.

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

ROMA 9:3

Tendeano, ineheku tetotonaa ka teponsia inso ndi Ondae i Kerisituu hangano luwuno pepaekompoku, pe'asa tongkuku montonda tuwu ntolino.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

GALATIA 3:21

Tewala kanandio, nde i'ewaio songka Taura tokoa luwuno dandi-Do Ue ala? Mentee ntu'u naahi. Hangano ande-andeno songka Taura wineeako gagi aasa anu mompokotuwu, ka menteea lano mepu'u inso a songka Taura.

PILIPI 2:7

tendeano Dopokomoaomo koroi-Do ondae-Do ka Dopekoroi kana aasa ata, ka gagi mengkena saru mia.

IBARANI 10:12

Sine Ondae, mansa-Do mesombaakono butu aasa pesomba hangano hala, mentoro Ira ranta nahina tampulaano i koana-Do Ue Ala,

IBARANI 10:14

Nde hangano aasa koa pesomba Dopokosompo iramo anu pinokomempori-Do ranta nahina tampulaano.

IBARANI 2:14

Hangano nana'ote atuudo onaemo nana'ote inso a rea ka ihi, ka Ondae mbo'u gagi mengkena saru ondae ka mohawe tia a nteweweudo, hangano mate-Do ka Doropuo, onaemo i Mosa'o, anu pabawaio matea;

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 4:15

Hangano Sando Mpesomba Langkaito, komba sando mpesomba anu nahi pokompetonda membasaio luwuno molemato, tendeano mengkena saru ontae, inara-arahako Iramo, butu nahi Dopoweweu hala.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.