ROMA 8:2 - Wunta Mempori

² Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

ROMA 8:2 ပူးပေါင်းရင်းမြစ်များ

Po'unde-unde 51:12

Ipokogagiomo aroa anu molino ndi ongkue, oo Ue Ala, ka Ipokowo'ohuakonomo penaa anu moroso laro aroaku!

Yehesikieli 1:21

Tempono dompelempa anu tuwu atuu, luwuno roda atuu melempa; tempono dompenaa-naa, luwuno roda atuu menaa-naa; ka tempono dontetande inso a wita, luwuno roda atuu meronga tetande saru ondae; hangano penaado anu tuwu atuu kongko i larono luwuno rodano.

I YOHANE 4:10

Sumangki Ira i Yesu, ”Tewala uto'orio mongkona pompowee-Do Ue Ala ka isemake Ondae anu mepauakomu: Powee Aku ka Kupo'inu! Asalakono mo'emakomo ndi Ondae ka Dopoweekomo uwoi tuwu.”

I YOHANE 4:14

sine ba isema mo'inu uwoi anu Aku weeakono, onae nahi ta mokoranga ranta nahina tampulaano. Posuleno uwoi anu Aku weeakono, ta gagi mata uwoi a ngkoroino, anu waa mpiha hawe a ntuwu nahina tampulaano.”

I YOHANE 6:63

Penaamo anu mompowee tuwua, koroi nahina tuduno. Luwuno pau anu pinau-Ku ndi omiu onaemo penaa ka tuwua.

I YOHANE 8:32

ka komiu mento'orio menteea, ka menteea atuu ta mokomaradeka komiu.”

I YOHANE 8:36

Gagi tewala Ana atuu mokomaradeka komiu, mentee ntu'u maradeka komiu.”

ROMA 16:3

Impohaweo tabeaku ndi Perisikila ka ndi Akiwila, wali-wali pe'asa mpo'anggaku ndi Ondae i Kerisituu Yesu.

ROMA 3:27

Tewala kanandio, hapake pu'uno ka tomemawongko? Nahina! Me'empehiako hapa? Me'empehiako wineweu? Naahi, tendeano me'empehiako pompe'ala-ala!

ROMA 5:21

ka ipengkena kana pabawano hala a laro matea, kanatuu pompehohawa ta pabawa hangano menteea a ntuwua anu nahina tampulaano, hangano Ondae i Yesu Kerisituu, Ueto.

ROMA 6:14

Nde nami ta pabawai komiu mbo'u hala, hangano omiu komba mpo'ia i totono songka Taura, sine i totono pompohohawa.

ROMA 6:18

Mempinokomaradeka komiumo inso a hala ka imegagi atano menteea.

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 7:21

Kanandiomo kuhaweo songka andio: tewala ineheku moweweu hapa anu moiko, anu mosa'o atuu kongko ndi ongkue.

ROMA 7:23

sine a luwuno parewa koroiku mongkita aku songka susua anu metea umewaio songka pinewowolo molinoku ka weweu aku gagi tinawano songka hala anu kongko a laro luwuno parewa ngkoroiku.

ROMA 7:4

Onaemo pu'uno, pepaekompoku, omiu mbo'u memateakonomo songka Taura hangano koroi-Do i Kerisituu, ka imegagi miado mia susua, onaemo mia-Do anu winangu Iramo inso i olodo mia mate, ka tompewua tia-Do Ue Ala.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

1 KORINTI 15:45

Kana hinao teburi, ”Mia amba-ambano, i Adama pinokogagi hinao penaano anu tuwu,” sine i Adama anu pokotompa gagi penaa anu mompotuwu.

2 KORINTI 3:17

Hangano Ondae i Ue onaemo Penaa; ka ba isua hinao Penaa-Do Ue Ala, i tu'ai hinao maradekaa.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

GALATIA 2:19

Hangano songka Taura onaemo ka kumateakono songka Taura, ka kutuwuako Ira Ue Ala. Pinaso akumo a ngkeu pinotamba saru Ondae i Kerisituu;

GALATIA 5:1

Ka imentee koa ntu'u ontae maradeka, Dopokomaradeka kitamo i Kerisituu. Onaemo pu'uno impentademo temoroso ka si mebehe mbo'u imempinokonaako pasanga te'ataa.

GALATIA 6:2

Imemambetulungimo tumembio tinembimiu! Kanandiomo ime'ihiio songka-Do i Kerisituu.

YAKOBU 1:25

Sine ba isema menootio songka anu soompo ntu'u, onaemo songka anu mompokomaradeka mia, ka onae mompedato i larono, gaagi komba butu rumongeo ka ikolupeo, sine mentee ntu'u ipeleluakono, onae ta me'uraako wineweuno.

MENGKAAA 11:11

Otolu ka entonga oleo lembuino mewinsoomo penaa tuwua inso ndi Ondae Ue Ala i larodo, onaemo ka dopewangu ka luwuno mia anu mengkita ira gagi tedoa medoito.

MENGKAAA 22:1

Ka i'amba tumisoakune korono uwoi tuwua, anu molino kana tami, ka waa meluarako inso a ngkadera poparentaa-Do Ue Ala ka a ngkadera poparentaa-Do Ana Bimba atuu.