ROMA 8:16 - Wunta Mempori

¹⁶ Penaa atuu mesakosii meronga saru penaato, nine ontaemo ana-Do Ue Ala.

ROMA 8:16 ပူးပေါင်းရင်းမြစ်များ

Hosea 1:10

Sine lembuino, hadiodo to Isaraeli ta kana oneno tahi, anu nahi pinokosa'u ka nahi pinokodoa. A mpo'ianga ba isua domempinauako, ”Omiu komba bawaa-Ku,” i tu'ai ira mempinauako, ”Luwuno ana-Do Ue Ala anu tuwu.”

I MATIU 5:9

Me'uraomo mia anu mowawa sintuwua, hangano ira menineeako ana-Do Ue Ala.

I LUKASI 20:36

Hangano nahi ira mpokomate mbo'u; mpekena ira kana mala'eka ka ondae ana-Domo Ue Ala, hangano mewinangu iramo.

I YOHANE 1:12

Sine luwuno mia anu tumarima Ira Dopoweeako ira pabawa ka domegagi ana-Do Ue Ala, onaemo ondae anu mpompe'ala-ala a nee-Do;

WINEWEUDO TINENA 5:32

Ka omamimo sakosii inso a luwuakoano atuu, omami ka Penaa Mempori, anu inso ndi Ondae Ue Ala a luwuno mia anu merorongeako Ira.”

ROMA 8:14

Luwuno mia anu tinaate-Do Penaa-Do Ue Ala, ondaemo ana-Do Ue Ala.

ROMA 8:19

Hangano tedoa domengkekewoio luwuno anu tuwu mensikorio tempo domempinokomengkaa ana-Do Ue Ala.

ROMA 8:23

Ka komba butu ondaemo koa, sine ontae anu mpontarima kitamo Penaa pompowee anu amba-ambano, ontae mbo'u mompemapari i laro aroato kontongaato mensikorio ka tomempinotoro gagi ana, onaemo tetolosiano koroito.

ROMA 8:26

Kanandio koa mbo'u Penaa tumulungi kita a laro molemato; hangano nahi tomento'orio, kana'umpe menteeano ba tompekakai; sine Penaa mekakaiakita luwuno pinemasusato anu nahi pinokopau ndi Ondae Ue Ala.

ROMA 9:26

Ka a mpo'ianga, ba isua ira mempinauako, ”Omiu andio komba bawaa-Ku,” i ra'ai ira mempinauako, ”Ana-Do Ue Ala anu tuwu.”

ROMA 9:8

Pengkonaano: komba ana montonda koroi ntolino onaemo ana-Do Ue Ala, sine ana pedandia anu nineeako inule anu mentee.

2 KORINTI 1:12

Ndiomo anu kipo'undeako, onaemo nine i laro aroamami mesakosii ndi omami, nine tuwumami i wawontolino andio, tamoako a mpenggoeamami saru omiu, ipabawaio moleoa ka memporia inso ndi Ondae Ue Ala komba hangano ponto'ori ntolino, sine hangano rosono pompehohawa-Do Ue Ala.

2 KORINTI 1:22

tumondoniakono pontondoni-Do ndi ontae ka anu moweeakita Penaa Mempori i laro aroato gagi pe'inia inso a luwuno anu pinatindaomo tiato.

2 KORINTI 5:5

Sine tendeano Ondae Ue Ala anu patinda kita mongkona anu kanatuu ka anu moweeakita Penaa, gagi pe'inia a luwuakoano anu Dopatindaakitamo.

2 KORINTI 6:18

Ka Aku gagi Amamiu, ka komiu megagi ana-Ku tama ka ana-Ku beine ka kandiomo pau-Do i Ue, Anu Tedoa Pabawa.”

GALATIA 3:26

Nde luwumiu onaemo ana-Do Ue Ala hangano pompe'ala-ala ndi Ondae i Yesu Kerisituu.

GALATIA 4:6

Ka hangano omiu ana, onaemo ka Dotena Ira Ue Ala Penaa-Do ana-Do i laro aroato, anu mebooli, ”Oo Abba, oo Ama!”

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.

Winali 14:1

Omiumo ana-Do i Ue, Ue Alamiu; si mensosorekio koroimiu ke mengkeruo wuu i wawono ra'imiu hangano mateno asa mia.

1 YOHANE 3:1

Kitaomo, tedoa langkai pompehohawa anu Doweeakita i Ama, onaemo ka tomenineeako ana-Do Ue Ala, ka lano ontae ana-Domo Ue Ala. Onaemo pu'uno wawontolino nahi to'ori kita, hangano wawontolino nahi to'ori Ira.

1 YOHANE 3:10

Ndio tondonino luwuno ana-Do Ue Ala ka luwuno anano i Mosa'o: sompo mia anu nahi poweweu menteea, komba tepu'u inso ndi Ondae Ue Ala, kanandio koa mbo'u ba isema anu nahi pompehohawa pepaekompono.

1 YOHANE 3:2

Pepaekompo anu kinekewoiku, kanandio-andio ontae ana-Domo Ue Ala, sine napi mengkaa kana'umpe teweweuto te'upua; sine tomento'orio, nine tewala Ondae i Kerisituu mepokomengkaa, kita gagi mpengkena kana Ondae, hangano kita kumita Ira a nteweweu-Do anu menteeano.

1 YOHANE 4:13

Kanandiomo ka tomento'orio, nine mekongko kita mpiha i laro-Do Ue Ala ka Ondae i laroto; Doweeakitamo ka tompohawe tia a Mpenaa-Do.

1 YOHANE 5:10

Ba isema me'ala-ala Ira Ana-Do Ue Ala, hinao ponsakosii atuu a ngkoroino; ba isema nahi pe'ala-ala Ira Ue Ala, iweweu Ira gagi megaupi, hangano nahi pe'ala-alao ponsakosii-Do Ue Ala mongkona Ana-Do.

MENGKAAA 21:7

Ba isema monangi, onae ta humaweo luwuno andio, ka Aku gagi Ue Alano ka onae ta gagi ana-Ku.