ROMA 8:11 - Wunta Mempori

¹¹ Ka tewala Penaa-Do, anu wangu Iramo i Yesu inso i olodo mia mate, mo'ia i laromiu, asalakono Ondae, anu wangu Iramo i Kerisituu Yesu inso i olodo mia mate, Ira motuwuakono mbo'u Penaa-Do koroimu anu ta mate atuu, anu mo'ia i laromiu.

ROMA 8:11 ပူးပေါင်းရင်းမြစ်များ

Yesaya 26:19

Oo, Ue, mia-Miu anu memate ira mentuwu mbo'u, wata ngkoroido ta mewangu mbo'u. Hei mia anu mengkinaburu iramo a laro wita impewangumo ka imengkokora-koramo! Hangano tontoru-Do i Ue onaemo tontoru mewine, ka tolino ta wali me'anaako onitu,

Yehesikieli 37:14

Aku weeakomiu Penaa-Ku, onaemo ka iwali mentuwu ka Aku numaa komiu i witamiu. Ka komiu mento'orio nine Ongkuemo, Ue, anu pauo ka weweuo, kanandiomo pau-Do i Ue.”

I YOHANE 14:17

onaemo Penaa Menteea. Wawontolino nahi pokotarima Ira, hangano wawontolino nahi kita Ira ka nahi to'ori Ira. Sine omiu imento'ori Ira, hangano Dokongkomi komiu ka mo'ia i laromiu.

I YOHANE 5:21

Hangano mengkena kana Ondae i Ama wangu ira mia mate ka motuwu ira, kanatuu koa mbo'u Ondae i Ana motuwuo ba isema anu inehe-Do.

WINEWEUDO TINENA 2:24

Sine Ondae Ue Ala wangu Ira ka Dopotola Ira inso a marasaino matea, hangano nahi Ira mo'ia mpiha a laro mpabawano matea atuu.

ROMA 16:10

Tabea ndi Apele, anu pine'ala-alaomo ndi Ondae i Kerisituu. Tabea ndi ondae, pe'asa rahano i Arisitobulu.

ROMA 16:3

Impohaweo tabeaku ndi Perisikila ka ndi Akiwila, wali-wali pe'asa mpo'anggaku ndi Ondae i Kerisituu Yesu.

ROMA 16:7

Tabea ndi Andoroniku ka ndi Yuniasi, pepaekompoku mpe'asa tongku, anu hori ira tinorungku meronga saru ongkue, ondaemo mia anu tinudu i olodo luwuno tinena ka anu se'elu iramo gagi to Kerisituu sekono ongkue.

ROMA 16:9

Tabea ndi Urabanu, walimami mpo'angga ndi Ondae i Kerisituu, ka tabea ndi Setaki, anu pinehohawaku.

ROMA 6:12

Onaemo pu'uno siimo ipabawa mbo'u hala a ngkoroimiu anu ta mate, ka si mentondao mbo'u po'eheno.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:12

Gaagi, pepaekompo, ontae andio mia mpepasua, sine komba a ntuwu ntolino, ka tomentuwu montonda tuwu ntolino.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

ROMA 8:9

Sine omiu komba mentuwu a tuwu ntolino, tendeano a Mpenaa, tewala Penaa-Do Ue Ala lano mo'ia i laromiu. Sine tewala mia nahina Penaa-Do i Kerisituu, onae komba mia-Do i Kerisituu.

1 KORINTI 15:16

Hangano tewala mentee mia mate nahi domewinangu, asalakono Ondae mbo'u i Kerisituu nahi Dowinangu.

1 KORINTI 6:14

Ondae Ue Ala anu wangu Ira i Ue, Ira wangu kita mbo'u hangano pabawa-Do.

2 KORINTI 4:11

Hangano omami anu da mentuwu andio, wela kami mempineweengako a matea hangano Ondae i Yesu, ka igagi mbo'u mengkaa tuwu-Do i Yesu a ngkoroimami anu ta mate andio.

2 KORINTI 4:14

Hangano kimento'orio, nine Ondae, anu wangu Iramo Ue Yesu, Ira koa mbo'u wangu kami meronga saru Ondae i Yesu. Ka Ira wawa kami mpe'aro ndi Ondae meronga saru omiu.

2 KORINTI 5:4

Hangano tempono da mpo'ia a laro ngkema andio, pompemapari kita hangano mobeano tinembi, hangano ineheto mpokonao sangka anu wo'ohu atuu maupo nahi linohu anu laano, ka iteleo tuwua anu ta mate atuu.

GALATIA 6:8

Hangano ba isema morawo a tuwu ntolinono, onae ta sumowi matea inso a ntuwu tolinono, sine ba isema morawo a Mpenaa, onae ta sumowi tuwua anu nahina tampulaano inso a Mpenaa atuu.

EPESU 2:5

motuwu kitamo meronga saru Ondae i Kerisituu, maupo tomematemo hangano luwuno salato – hangano pompehohawa mengkinadudui komiu –

PILIPI 3:21

anu Ira balio koroito anu mongkokolaro andio, ranta ka ikana koroi-Do anu maramba, montonda pabawa-Do anu mokompetuunduo luwuakoano ndi Ondae.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,

1 PETURU 1:21

Hangano Ondae ka impe'ala-ala Ira Ue Ala, anu wangu Iramo inso i olodo mia mate ka anu mokomaramba Iramo, ranta pompe'ala-ala ka pomperorohimiu te'aro ndi Ondae Ue Ala.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.

MENGKAAA 11:11

Otolu ka entonga oleo lembuino mewinsoomo penaa tuwua inso ndi Ondae Ue Ala i larodo, onaemo ka dopewangu ka luwuno mia anu mengkita ira gagi tedoa medoito.