ROMA 7:7 - Wunta Mempori

⁷ Tewala kanandio, hapake kita mpotae? Nde halake songka Taura atuu? Mentee ntu'u naahi! Sine, tendeano hangano songka Taura ka kuto'oriomo hala. Hangano nahi kuto'orio koa mbo'u hapa atuu mosisiri, ba nahi pauo songka Taura, ”Si mosisiri!”

ROMA 7:7 ပူးပေါင်းရင်းမြစ်များ

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

2 Samueli 11:2

Pohona tempono ngkiniwia, i Daudi mewangu inso a mpoturiano, ka i'amba melempa-lempa a dunsino langkanae. Ikitao inso a dunsi atuu aasa beine tekonai medolo. Beine atuu tedoa tekosi.

Po'unde-unde 119:96

Kukitao nine luwuno anu soompo ntu'u hinao tidano, sine parenta-Miu malua ntu'u.

Peluarakoa 20:17

Si mosisiriakono rahano pe'asa miamu, si mosisiriakono kombiano, atano tama, ke beine, sapino ke kalideno, ke hapamokoa anu hinao a mpe'asa miamu.”

Mika 2:2

Tewala inehedo lere, domerontuo, ka luwuno raha, dome'alao. Domerontuo mia saru rahano, ka mia saru tia pusakano!

I MATIU 5:28

Sine Kupauakomiu: Sompo mia anu mokokonto beine ka imosisiriakono, monsosaboomo saru onae i laro aroano.

I LUKASI 12:15

Dopotaeako ira mbo'u, ”Impedaga-dagaimo ka impetangkoromo a luwuno modokoa, hangano maupo hadio ntu'u arataano te'asa mia, tuwuno nahi ta sompo butu inso a ngkaeano atuu.”

I LUKASI 20:16

Onae ta aiwa ka mepate ira anu mpo'angga lere atuu, ka me'ala-alaakono lere anggoro atuu a mia susua.” Rumongeo atuu dompotae, ”Osi'i ntu'u!”

WINEWEUDO TINENA 20:33

Salaka ke wulaa ke sangka nahi kuhori mosisiriakono maupo inso ndi semamo koa.

ROMA 13:9

Hangano pau-Do: si ponsosabo, si pompepate, si ponako, si mosisiri ka pau-Do mehano maupo anu isua, teporokoomo a mpau-Do andio, onaemo: Pehohawaomo pe'asa miamu kana koroimu omuemu!

ROMA 3:20

Hangano nahina maupo te'asa mia anu pinokomentee i aro-Do Ue Ala hangano pontondano songka Taura, tendeano hangano songka Taura mia tumo'orio hala.

ROMA 3:5

Sine tewala nahi menteeto mokomengkaao mentee-Do Ue Ala, hapake kita mpotae? Nahi Domoleoke Ue Ala – mia aku kupotae – tewala Dopopokitao rupa-Do?

ROMA 4:1

Gaagi hapake kita mpotae mongkona i Burahima, uempu'uto montonda tuwu ngkoroi?

ROMA 4:15

Hangano songka Taura mompokohina tekuda, sine isua nahina songka Taura, i tu'ai nahina koa mbo'u polaloa songka.

ROMA 5:20

Sine songka Taura tiniangi, ka igagi kohadi-hadiono hala; ka ba isua itetiangi hadio hala, i ra'ai pompehohawa gagi hadio ntu'u,

ROMA 6:15

Gaagi kana'umpe? Nde kita mpoweweu halake, hangano nahi tompo'ia i totono songka Taura, sine i totono pompehohawa? Naahi ntu'u!

ROMA 7:11

Hangano i larono parenta atuu, hala mohawe tempo mopo'oo aku ka hangano parenta atuu ipepate aku.

ROMA 7:13

Tewala kanandio, nde anu moiko atuu gagi matea ndi ongkue? Mentee ntu'u naahi! Sine ka imengkaa, nine onaemo hala, onaemo ka ipakeo hala anu moiko mowawaakune matea, ka ilalu mengkaa mbo'u teweweuno hala hangano parenta atuu.

ROMA 7:5

Hangano tempono da tomentuwu a laro tuwu ntolino, po'eheno koroi tehala, mo'angga a luwuno parewa ngkoroito anu pinotuwuno songka Taura, ka tompewua tiano matea.

ROMA 7:8

Sine a laro parenta atuu hala mohawe tempo mokotesingkao i laroku mperupa-rupa mosisiri; hangano ba nahina songka Taura, hala mate.

1 KORINTI 15:56

Senguno matea onaemo hala ka pabawano hala onaemo songka Taura.

EPESU 5:3

Sine pebelesua ka mperupa-rupa mokoburua ke modoko maupo pinewua i olomiu osi'i, kana pototodo mia memempori.

Winali 5:21

Si monsisiriakono kombiano pe'asa miamu. Si monsisiriakono rahano ke lereno, atano tama ke beine, sapino ke kalideno, ke maupo hapa anuno pe'asa miamu.’

KOLOSE 3:5

Onaemo pu'uno impepateomo a laro ngkoroimiu luwuakoano anu po'eheno wawontolino, onaemo pebelesua, mokoburua, po'eheno aroa, pinewowolo mosa'o ka medokoli mbo'u anu mengkena saru mompesombai lahumoa,

1 TESALONIKA 4:5

komba a mpo'eheno koroi, kana wineweudo mia anu nahi domento'ori Ira Ue Ala,

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

Yosua 7:21

Kukitao i olono luwuno sangka anu pinomuru atuu lemba anu tekosi, wineweu inso i Sineari ka rua etu salaka ka asa wata wulaa limapulu sika mobeano; tedoa ineheku, ku'alao, ka kuwunio luwu ia kema a laro wita, salaka itotono ntu'u.”