ROMA 7:6 - Wunta Mempori

⁶ Sine kanandio-andio mempinotola kitamo inso a songka Taura, hangano tomemateakonomo, anu umuko kita, onaemo ontae kanandio-andio mpopekakaako a nteweweu wo'ohu montonda Penaa ka komba a nteweweu tehineomo montonda burino songka Taura.

ROMA 7:6 ပူးပေါင်းရင်းမြစ်များ

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

Yehesikieli 36:26

Aku moweeakomiu aroa anu wo'ohu ka penaa anu wo'ohu ilaro aroamiu. Aku tumadio inso a ngkoroimiu aroa anu motea ka moweeakomiu aroa anu molusa.

ROMA 1:9

Hangano Ondae Ue Ala anu kupo'anggaako Ira tompaano aroaku a pompalelea Lele Mawongkoa mongkona Ana-Do, Ondaemo sakosiiku, nine a laro mpekakaiku kuwela rumambe komiu:

ROMA 12:2

Omiu si mpengkenaakono wawontolino andio, sine impebalimo a wo'ohuno pinewowolomiu, ranta ka impokonto'orio po'ehe-Do Ue Ala: hapa anu moiko, anu pinemoiko-Do Ue Ala ka anu nahina makurano.

ROMA 6:11

Kanandiomo ba imengkitao: nine imemateakonomo hala, sine mentuwu komiu tia-Do Ue Ala ndi Ondae i Kerisituu Yesu.

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 6:2

Naahi ntu'u! Kombake memate kitamo a hala, kana'umpeke ka da kita mpokotuwu i larono?

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 6:4

Hangano kanandio mengkinaburu kitamo meronga saru Ondae hangano pebahoa a matea, ka ipengkena kana Dowinangu i Kerisituu inso i olodo mia mate hangano maramba-Do i Ama, kanandio koa mbo'u ontae kita mentuwu a laro ntuwua anu wo'ohu.

ROMA 7:1

Nde nahi imento'orioke, pepaekompo – hangano kupepau ndi ondae anu mponto'ori songka – nine asa mia ipabawaio songka tempono mia atuu tuwu?

ROMA 7:2

Hangano aasa beine anu mekombiaomo te'onggoako songka a ntamano tempono ituwu tamano atuu. Sine tewala tamano atuu mate, tolaomo inso a songka anu umonggoo a ntamano atuu.

ROMA 7:4

Onaemo pu'uno, pepaekompoku, omiu mbo'u memateakonomo songka Taura hangano koroi-Do i Kerisituu, ka imegagi miado mia susua, onaemo mia-Do anu winangu Iramo inso i olodo mia mate, ka tompewua tia-Do Ue Ala.

2 KORINTI 3:6

Ondae koa mbo'u weweu kami ka kimempolio megagi puu pompekakaako a aasa pedandia wo'ohu, anu komba inso a songka anu teburi, sine inso a Mpenaa, hangano songka anu teburi mompepate, sine Penaa mompotuwu.

2 KORINTI 5:17

Gaagi isema anu kongko ndi Ondae i Kerisituu, onae pinokogagi wo'ohu: anu tehine telaloomo, menteeano anu wo'ohu haweomo.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

GALATIA 6:15

Hangano metindi ke nahi petindi nahina pengkonaano, sine anu pinokogagi wo'ohu, onaemo anu hinao pengkonaano.

EPESU 4:24

ka impokonao mia wo'ohu, anu pinokogagiomo montonda po'ehe-Do Ue Ala a menteea ka memporia anu menteeano.

PILIPI 3:3

hangano ontaemo mia mpetindi, anu mpesomba hangano Penaa-Do Ue Ala, ka tompo'undeakono ndi Ondae i Kerisituu Yesu ka nahi tompe'ala-alao anu mongkona tuwu ntolino.

KOLOSE 3:10

ka impokonaomo mia wo'ohu anu pinokowo'ohu mpiha ka impohawe ponto'ori anu mentee montonda gambara-Do Anu Mokogagio;