ROMA 7:4 - Wunta Mempori

⁴ Onaemo pu'uno, pepaekompoku, omiu mbo'u memateakonomo songka Taura hangano koroi-Do i Kerisituu, ka imegagi miado mia susua, onaemo mia-Do anu winangu Iramo inso i olodo mia mate, ka tompewua tia-Do Ue Ala.

ROMA 7:4 ပူးပေါင်းရင်းမြစ်များ

Yesaya 54:5

Hangano anu ta gagi tamamu onaemo Ondae Anu Mokogagiko, Ueno Luwuakoano, nee-Do; anu gagi Puu Pontolosimu onaemo Anu Tedoa Mempori Ue Alado to Isaraeli; Ondae pinau Ue Alano asa wawontolino.

Yesaya 62:5

Hangano, kana asa mangalitau gagi kombiano asa ana beine, kanandiomo Ondae anu wanguko Ira gagi tamamu, ka kana mawongkono aroano asa umbungkoroi kumitao umbungkoroi beineno, kanandiomo Ondae Ue Ala Ira mawongkoakomu.

I MATIU 26:26

Ka tempono kontongaado mpongkaa, Do'alao i Yesu roti, ka Doronsoo, sumiba-sibao ka Do'amba weeako ira ana guru-Do ka Dopotae,”Alaomo, kaanomo, ndiomo koroi-Ku.”

I MARAKUSU 4:20

Ka poko'ariano anu rinawo a wita anu moiko, ondaemo mia anu merongeo ka mentotowoo pau-Do i Ue atuu ka i'amba mewua, hinao anu meluka tolu pulu, hinao anu meluka nomo pulu, ka hinao anu meluka asa etu.”

I YOHANE 15:8

Kanandiomo Ondae Ama-Ku Dopinokomaramba, onaemo tewala mpewua komiu hadio ka ba kanandio omiu megagi ana guru-Ku.”

I YOHANE 3:29

Anu me'umbuo umbu ngkoroi beine, onaemo umbu ngkoroi tama; sine sambe'eno umbu ngkoroi tama, anu mentade i horino ka anu merorongeakono, tedoa mawongko aroano rumongeo suarano umbu ngkoroi tama atuu. Onaemo mokomawongkoo aroaku, ka kanandio-andio mawongkoomo ntu'u aroaku.

I YOHANE 6:51

Ongkuemo roti tuwua anu metii inso i suruga. Tewala asa mia mongkaa roti andio, onae ta tuwu nahina tampulaano, ka roti anu Kuweeakono atuu koroi-Ku, anu Aku weeakono wawontolino tuwuano.”

ROMA 6:11

Kanandiomo ba imengkitao: nine imemateakonomo hala, sine mentuwu komiu tia-Do Ue Ala ndi Ondae i Kerisituu Yesu.

ROMA 6:14

Nde nami ta pabawai komiu mbo'u hala, hangano omiu komba mpo'ia i totono songka Taura, sine i totono pompohohawa.

ROMA 6:2

Naahi ntu'u! Kombake memate kitamo a hala, kana'umpeke ka da kita mpokotuwu i larono?

ROMA 6:22

Sine kanandio-andio, umarimiu mempinokomaradeka inso a hala ka mansamiu megagi tetenaa-Do Ue Ala, mpohawe komiu wua anu wawa komiu a pompokomemporia ka gagi poko'ariano onaemo tuwua anu nahina tampulaano.

ROMA 7:3

Gaagi tempono tuwu tamano onae pinotaeako monsosabo, tewala onae gagi beineno tama susua; sine tewala mateomo tamano, onae tolaomo inso a songka, ranta onae komba monsosabo, tewala onae gagi beineno tama susua.

ROMA 7:6

Sine kanandio-andio mempinotola kitamo inso a songka Taura, hangano tomemateakonomo, anu umuko kita, onaemo ontae kanandio-andio mpopekakaako a nteweweu wo'ohu montonda Penaa ka komba a nteweweu tehineomo montonda burino songka Taura.

ROMA 8:2

Penaa, anu mompowee tuwua mokomaradeka komiumo ndi Ondae i Kerisituu inso a songkano hala ka songkano matea.

1 KORINTI 10:16

Kombake tonde pontarimakasi anu tompontarimakasiako, onaemo tepo'asaa saru rea-Do i Kerisituu? Kombake roti anu siniba-sibato onaemo tepo'asaa saru koroi-Do i Kerisituu?

2 KORINTI 11:2

Hangano kumosiriakomiu mosiri-Do i Ue. Hangano kupoposamborakomiumo a asa tama ka iwawa komiu kana ana beine moondo mempori ndi Ondae i Kerisituu.

GALATIA 3:13

Dotolosi kitamo i Kerisituu inso a ntotonaano songka Taura onaemo ka Dogagi tetotonaa hangano ontae, hangano hinao teburi, ”Tetotonaaomo mia anu ndinoe a ngkeu pinotamba!”

GALATIA 5:18

Sine tewala mebehe komiu Dotaate komiu Penaa, asalakono nahi komiu mentuwu a mpabawano songka Taura.

EPESU 2:15

hangano mate-Do kana mia Do'oniniomo songka Taura saru luwuno petena ka pompakosino, ka iwineweu oruano gagi asa mia wo'ohu a ngkoroi-Do, ka hangano atuu mompokohina rodoa,

PILIPI 1:11

bukeako wuano menteea anu inangga-Do i Yesu Kerisituu mokomarambao ka umunde-unde Ira Ue Ala.

PILIPI 4:17

Sine anu inungkeku komba pompowee atuu, tendeano wuano, anu tekense mokolangkaio uramiu.

KOLOSE 1:10

ka ipototono koa tuwumiu i aro-Do saru Dopemoikoo a luwuakoano, ka komiu mpewua a luwuno inangga anu moiko ka mentuwu a ponto'ori anu mentee mongkona Ondae Ue Ala,

KOLOSE 1:22

kanandio-andio Dopokosintuwuo, a ngkoroi-Do i Kerisituu hangano mate-Do, ka Donaa komiu mempori ka nahina tisoano ka nahina tataano i aro-Do.

KOLOSE 1:6

anu haweomo ndi omiu. Lele Mawongkoa atuu mewua ka koteti-tetiangino i asa wawontolino, kanatuu koa mbo'u i olomiu mompu'u tempono imerongeo ka mento'orio ntu'u pe'aroa-Do Ue Ala.

KOLOSE 2:14

Dopahihio wunta pasua, anu hangano luwuno pompakosino songka umewai kita ka mokodoito kita. Ka Do'oninio atuu saru mepasoakono a ngkeu pinotamba:

KOLOSE 2:20

Tewala memate komiumo meronga saru Ondae i Kerisituu ka ntepotola inso a luwuno penaa i wawontolino, tembioke ka impetuundu a mperupa-rupa atora, kana da mentuwu komiu i wawontolino:

IBARANI 10:10

Ka hangano po'ehe-Domo andio mempinokomempori kitamo ranta nahina tampulaano hangano pompesombaako-Do koroi-Do i Yesu Kerisituu.

1 PETURU 2:24

Ondae-Do isa'a tumembiomo halato a laro ngkoroi-Do a ngkeu pinotamba, ka tomentuwu tiano menteea. Hangano pelia-liamba-Do memadoo komiumo.

MENGKAAA 19:7

Aiwamo tompo'unde ka mengkokora-kora memawongko, ka melangkai Ira! Hangano oleo petaoa-Do Ana Bimba haweakoomo, ka umbu ngkoroi-Do tetindaomo.

MENGKAAA 21:9

Ka haweomo asa mia inso a opitu mala'eka anu mpo'ini opitu tonde, anu bukeako opitu masolaa poko'ariano atuu, ka i'amba motaeakune, ipotae, ”Aiwamo i ndi'ai, aku tumisoakomu umbu ngkoroi baine, umbu ngkoroi-Do Ana Bimba.”