ROMA 7:14 - Wunta Mempori

¹⁴ Hangano tomento'orio, nine songka Taura onaemo tuwu nsuruga, sine ongkue tuwu tolino, inasa a mpabawano hala.

ROMA 7:14 ပူးပေါင်းရင်းမြစ်များ

Tegagia 37:27

Aiwa tome'asao a nto Sumaila atuudo. Sine si tomembio-mbioo, hangano onae pepaekompoto, rea ka ihito.” Luwuno pepaekompono mperorongeakono.

Tegagia 37:36

Kontongaano atuu i Yusupu dome'asao to Midia atuu i Masiri, ndi Potipa, asa mia langkai potorono ndi Pirao, petewawado anu mpodagai mokole.

Tegagia 40:15

Hangano, mentee ntu'u ongkue pinolaisako inso i witado to Ibarani ka maupo i ndi'ai nahi kuhori moweweu hapa-hapa anu tekona kuwininso a laro aa torungku andio.”

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 21:25

Menteeano napi hori hina ia kana i Ahabi anu me'atao koroino moweweu anu mosa'o a pongkita-Do i Ue, hangano onae ipopandeio i Isebeli, kombiano.

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

Ayubi 42:6

Onaemo pu'uno kumokoko'iiakono pauku ongkueku ka saru me'o'ole ongkue mentoro a laro pampawu ka awu.”

Po'unde-unde 119:25

Sumangaku tebangku a laro pampawu, ipotuwu akumo menunu saru pau-Miu.

Po'unde-unde 51:6

Ndi Omiu, butu koa ndi Omiu kutehala ka weweuo hapa anu pinemosa'o-Miu. Ka mentee Komiu a laro pomputusi-Miu, morina a laro mpobitaraa-Miu

Peluarakoa 22:3

Sine tewala pompepatea atuu tegagi tempono sabaomo oleo, mia atuu mepasua rea. Mia monako asalakono umomowahio luwuno. Tewala nahi poko'owahio, onae asalakono inasa euno pinonakono.

Powadi 30:2

Hangano ongkue andio lalu benge-benge sekonopo mia susua, ponto'orino mia nahina ndi ongkue.

Powadi 30:5

Luwuno pau-Do Ue Ala atuu mentee luwu. Onae kantano mia anu mepekadudui ndi Ondae.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yesaya 52:3

Hangano kanandiomo pau-Do i Ue: Omiu me'inasa mpena, onaemo pu'uno komiu mbo'u mentinolosi nahi inowahi.

Yesaya 6:5

Ka ku'amba motae, ”Masola akumo ntu'u! mate aku! Hangano ongkue andio asa mia anu mokoburu wiwino, ka ongkue mo'ia itonga-tongano tongku anu mokoburu wiwido, sine mataku kumita Iramo Ondae Mokole, Ueno luwuakoano.”

Imama 13:12

Tewala haki ngkuli anu mesaki atuu me'umbaako hadio mo'ia a ngkuli, ranta kai tutuwio luwuno kulino mia atuu inso a uluno hawe a ngkaruno, hawe anu pinokokitano sando mpesomba,

Imama 13:16

Ke tewala ihi mebunsu atuu tenono ka bali gagi mopute, mia atuu asalakono aiwa ndi sando mpesomba.

Imama 19:18

Siimo potuntu pobalasi, ka siimo ponaa-naa aroa a luwuno mia pe'asa tongkumu, tendeano pehohawaomo pe'asa miamu kana koroimu. Ongkuemo Ue.

Amosi 2:6

Kanandiomo pau-Do i Ue, ”Hangano otolu wineweuno Isaraeli anu mosa'o, ke opaa, nahi Aku balio mbo'u pomputusi-Ku. Ondae me'asa ira mia mentee hangano doi ka mia mongkokolaro hangano asa pasa sandala.

I MATIU 16:23

Ka mewolili Ira i Yesu ka Dopotaeakono i Peturu, ”Polaimo Mosa'o. Omue aasa watu tetidua-Ku, hangano omue komba mompewowolo hapa anu pinewowolo-Do Ue Ala, tendeano hapa anu pinewowolono mia.”

I MATIU 18:25

Sine hangano nahi polio mokolesoo pasuano, mokole atuu meparenta ka i'inasa mia atuu saru anano ka beineno ka luwuno arataano po'owahi pasuano.

I MATIU 5:22

Sine Kupauakomiu: Sompo mia anu tekuda a mpepaekompono asalakono hinuku; isema anu motaeakono pepaekompono: Mia melahumoa! Asalakono pino'aro a Puu mpobitara Agama ka isema anu motae: Benge-benge! Asalako tinende a laro api naraka anu kolanga-langa.

I MATIU 5:28

Sine Kupauakomiu: Sompo mia anu mokokonto beine ka imosisiriakono, monsosaboomo saru onae i laro aroano.

I LUKASI 5:8

Mansano kumitao i Peturu anu gagi atuu menggolontuomo i aro-Do i Yesu ka ipotae, ”Ue, Ibinta akumo, hangano ongkue andio asa mia tehala.”

I LUKASI 7:6

Ka Do'amba i Yesu lumako meronga saru ondae. Tempono nami Do'olai mbo'u inso a rahano petewawado sorodadu atuu, petewawado sorodadu atuu tumena ira sambe'eno ka domempauako Ira, ”Ue, siimo Ipe'i'isei, hangano nahi pototoku tumarima Komiu i laro rahaku;

ROMA 3:9

Gaagi kana'umpe? Hinaoke polaluato inso a mia susua? Naahi ntu'u. Hangano hieno tomentuluri iramo moiko to Yahudi, maupo to Yunani, nine luwudo ipabawai iramo hala,

ROMA 6:6

Hangano tomento'orio, nine mia laanoto pinasoomo a ngkeu pinotamba, ka itetadi pabawano koroi ntehalato, ka si tontepe'ata mbo'u a hala.

ROMA 7:18

Hangano kuto'orio, nine i laroku, onaemo i laroku kana mia, nahina maupo hapa anu moiko. Hangano po'eheno aroa lano hinao i laroku, sine komba mongkona moweweu hapa anu moiko.

GALATIA 4:3

Kanatuu koa mbo'u ontae: tempono napi sompo tinuwuto, mpetuundu kita koa mbo'u a hadio rupa po'eheno wawontolino.

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

IBARANI 4:12

Hangano pau-Do Ue Ala tuwu ka moroso ka montasoopo sekono ponai isuamo koa anu memata patimbali; onae meduhu tedoa ondalo ranta monsuao sumanga ka penaa, luwuno lodi-lodi ka unto wukulaa; onae polio mosisinggeo pontimbanga ka pinewowolono aroato.