ROMA 5:2 - Wunta Mempori

² Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

ROMA 5:2 ပူးပေါင်းရင်းမြစ်များ

Po'unde-unde 17:15

Sine ongkue, a laro menteea aku kumitao rupa-Miu, ka i tempono kupewangu aku gagi teendeako rupa-Miu.

Po'unde-unde 73:24

Itaateakune patudu-Miu, ranta poko'ariano Itande aku a laro marambaa.

Powadi 14:32

Mia mosa'o gauno pinobangku hangano mosa'o wineweuno, sine mia mentee mohawe pongkadudui hangano inso i aroano.

Habaku 3:18

sine aku mo'unde ndi Ondae i Ue, mebooli mo'unde ndi Ondae Ue Ala anu kumadudui aku.

I MATIU 25:21

Onaemo ka ipotae ueno atuu ndi onae: Moiko ntu'u wineweumu atuu, hei ataku anu moiko ka metenunu; metenunukomo a wineweu kodei, aku me'ala-alaakomu anggaa anu langkai. Pewinsomo ka petondamo a me'uraano uemu.

I YOHANE 10:7

Ka pohona mbo'u Dopotae i Yesu, ”Kupauakomiu, menteeano Ongkuemo pewowa lumako a bimba atuudo.

I YOHANE 10:9

Ongkuemo pewowa; ba isema mewinso mesala ndi Ongkue, onae ta tekadudui ka ta mewinso ka meluarako ka ipohawe pada ewo.

I YOHANE 14:6

Dopotaeakono i Yesu, ”Ongkuemo sala ka menteea ka tuwua. Nahina maupo te'asa mia hawe ndi Ondae i Ama, ba nahi pesala ndi Ongkue.

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

WINEWEUDO TINENA 14:27

Sahawedo i tu'ai dopoboi ira bawaa mpepumpu, ka do'amba tumutuluo luwuakoano anu wineweu-Do Ue Ala mesala ndi ondae, ka nine Do'ungkahiako iramo tongku susua pewowa a pompe'ala-ala.

ROMA 11:20

Moikoomo! Mempinudu ira hangano nahi dompompe'ala-ala, ka omiu tepontade moleo hangano pompe'ala-ala. Si mpompelangka-langkai, sine imedoitomo!

ROMA 12:12

Impo'undemo a laro pomperorohia, imensabaramo a laro ma'isoa, ka si mpenaa-naa mpekakai!

ROMA 14:4

Isemake omiu, ranta ka imebitarao atano mia susua? Ke onae mentade ke onae tebangku, to'oriano koa ueno. Sine ta koa mentade mpiha, hangano Ondae i Ue pabawa dumagaio mpiha ka ipentade.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 2:7

onaemo tuwua nahina tampulaano a mia anu mokua moweweu moiko, umungkeo marambaa, pompelangkai ka anu nahi ta tampula,

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

ROMA 5:5

Ka Pomperorohi komba mompokomasusa, nde pompehohawa-Do Ue Ala mewinsoomo i laro aroato hangano Penaa Mempori anu mewineeako kitamo.

ROMA 8:1

Kanatuumo kanandio-andio nahina pohuku ndi ondae anu mekongko i laro-Do i Kerisituu Yesu.

ROMA 8:24

Hangano ontae mengkinadudui a laro pompe'osaia. Sine pompe'osaia anu kinita, komba pompe'osaia mbo'u; hangano kana'umpe mia da mompe'osai hapa anu kinitano?

1 KORINTI 15:1

Ka kandio-andio, pepaekompo, aku mopoto'oriakomiu Lele Mawongkoa anu kupaleleo ndi omiu ka anu tinarimamiu, ka onaemo ka imemoroso mpentade.

2 KORINTI 3:18

Ka luwuto mpetamiako maramba-Do i Ue saru rupa anu nahi tetutuwi. Ka hangano maramba atuu inso ndi Ondae i Ue anu onaemo Penaa, onaemo ka tomebinali gagi kana rupa-Do, a laro marambaa anu kolangka-langkaino.

2 KORINTI 4:17

Hangano marasaia anu monongko kanandio-andio, mo'anggaakami marambaa anu nahina tampulaano anu lumaloio luwuakoano, laluaopo langkai sekono marasaimami.

EPESU 2:18

Nde hangano Ondae ontae anu orua ntia a laro aasa Penaa mpohawe pesalaa mewinso ndi Ondae i Ama.

EPESU 3:12

Ndi Ondae tompohawe mosiaa ka sala mewinso ndi Ondae Ue Ala ka mempine'ala-ala hangano pompe'ala-alato ndi Ondae.

EPESU 6:13

Onaemo pu'uno ime'alaomo luwuno parewa mpetea-Do Ue Ala, ka impokompe'ewa koa a oleo anu mosa'o atuu ka kongko mpentade, umarino impoko'umario luwuakoano.

2 TESALONIKA 2:16

Ka Ondae, Ueto i Yesu Kerisituu, ka Ondae Ue Ala, Amato, anu a mpe'aroa-Do Dopehohawa kitamo ka anu moweeakitamo pontarero anu nahina tampulaano ka pomperorohi moiko ndi ontae,

IBARANI 3:6

sine Ondae i Kerisituu metenunu gagi Ana anu metewawa a raha-Do; ka raha-Do onaemo ontae, tewala mehawe kita a pokotompaano mpe'ini moroso a pompe'ala-ala ka pomperorohia anu pinemawongkoto.

IBARANI 6:18

hangano orua mengkaaano anu nahi bali, mongkona isua Ondae Ue Ala nahi Ira megaupi, ontae anu mpo'ungke pepekaduduia, ka tompohawe pompokoroso mentehaweo pomperorohia anu mo'ia i aroto.

1 PETURU 3:18

Hangano Ondae mbo'u i Kerisituu mate Iramo pohona tiano luwuno halato, Ondae anu mentee tiado mia anu nahi mentee, ka Dowawa kita ndi Ondae Ue Ala; Ondae, anu pinepate Iramo a laro nteweweu-Do kana mia, sine anu winangu Iramo montonda Penaa,

MENGKAAA 21:11

Kota atuu bukeako maramba-Do Ue Ala ka wantano mengkena kana paramata anu lalu tekosi, kana paramata yasapisi, molino kana tami.

MENGKAAA 21:23

Ka kota atuu nahi pongkere mata'oleo ka wula ta wantahio, hangano maramba-Do Ue Ala mokomewineo ka Ondae Ana Bimba atuu onaemo huluno.

MENGKAAA 21:3

Ka ku'amba rumongeo suara anu meroku inso a ngkadera poparentaa atuu motae, ”Kitaomo, kema-Do Ue Ala kongko i tonga-tongado mia ka Ira mo'ia meronga saru ondae. Ondae ira megagi bawaa-Do ka Ondae Ira gagi Ue Alado.

MENGKAAA 3:21

Ba isema monangi, onae Aku montoroo meronga saru Ongkue a wawo ngkadera poparentaa-Ku, kana Ongkue mbo'u monangi Akumo ka mentoro meronga saru Ondae Ama-Ku a wawo ngkadera poparentaa-Do.