ROMA 5:12 - Wunta Mempori

¹² Onaemo pu'uno, mengkena kana hala mewinsoomo i wawontolino hangano asa mia ka hangano hala mbo'u atuu ka ihina matea, kanandiomo matea atuu hawe a luwuno mia, hangano luwuno mia mpoweweu iramo hala.

ROMA 5:12 ပူးပေါင်းရင်းမြစ်များ

Tegagia 2:17

sine wua inso a ngkeu ponto'oria mongkona anu moiko ka anu mosa'o, sii kaano, hangano itempono ukaano, manasa komate.”

Tegagia 3:19

saru te'iti ko'isomu mo'ungke kaangamu, ranta ka upekule gagi wita, hangano inso i ra'ai u'inala. Hangano omue awu wita, komekule gagi awu wita.”

Tegagia 3:6

Ikitao beine atuu nine wua ngkeu atuu moiko ba ikinaa ka tekosi kikitaano. Ka mbo'u, keu atuu mompadii aroa hangano mompowee ponto'ori. Ka i'amba mo'opu wuano ka ikaano; ipoweeakono mbo'u tamano anu perongano, ka tamano mbo'u kumaano.

Po'unde-unde 51:5

Hangano kupokonto'orio polimpa'iku, wela aku masusaakono halaku.

Yehesikieli 18:4

Mentee ntu'u, luwuno penaa atuu Ongkue ueno! Moiko penaano ama maupo penaano ana atuu Ongkue ueno! Isema anu moweweu hala, onaemo anu asalakono mate.

ROMA 3:23

Hangano luwuno mia mpoweweu iramo hala ka nami hina maramba-Do Ue Ala ndi ondae,

ROMA 5:18

Onaemo pu'uno, mengkena kana aasa hala luwuno mia mpohawe pohukua, kanandio koa mbo'u hangano aasa wineweu mentee luwuno mia mpohawe pompokomentee ka domentuwu.

ROMA 5:19

Gaagi mengkena kana hangano asa mia nahi petenunu luwuno mia megagi iramo mia ntehala, kanandio koa mbo'u hangano petenununo asa mia luwuno mia gagi mia mentee.

ROMA 5:21

ka ipengkena kana pabawano hala a laro matea, kanatuu pompehohawa ta pabawa hangano menteea a ntuwua anu nahina tampulaano, hangano Ondae i Yesu Kerisituu, Ueto.

ROMA 6:21

Ka wua hapake anu inopumiu inso ndi onae? Luwuno atuu weweu komiu memokoko'ii kanandio-andio, hangano poko'ariano luwuno atuu onaemo matea.

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

1 KORINTI 15:56

Senguno matea onaemo hala ka pabawano hala onaemo songka Taura.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

YAKOBU 1:15

Ka tewala mosisiri atuu mentiaomo, onae me'anaako hala; ka te wala hala atuu langkaiomo, onae me'anaako matea.

YAKOBU 3:2

Hangano luwuto mensala hadio rupa; ba isema nahina salano a mpepauno, onaemo mia soompo ntu'u, anu mokompeteao koa mbo'u asa ngkoroino.