ROMA 5:10 - Wunta Mempori

¹⁰ Hangano tewala ontae, tempono da me'ewa, mepinokosintuwu saru Ondae Ue Ala hangano mate-Do ana-Do, tamoako ontae, anu kanandio-andio mempinokosintuwu kitamo, manasa kita mengkinadudui hangano tuwu-Do!

ROMA 5:10 ပူးပေါင်းရင်းမြစ်များ

2 Tawarika 29:24

Luwuno sando mpesomba sumumbeleo ka mesombaakono reano a wawo meda pontunua pesomba gagi pesomba po'onini hala ka iwineweu pesintuwua tiado luwuno to Isaraeli. Hangano ondae mokole meparenta iramo ka ipinesombaako pesomba tinunu ka pesomba po'onini hala tiado luwuno to Isaraeli.

Yehesikieli 45:20

Kanatuumo asalakono uweweuo a oleo amba-ambano wula ko'opitu hangano luwuno mia anu mpoweweu hala nahi pine'inungako ke hangano nahi domento'orio. Kanatuumo omue moweweu pesintuwuano Raha Mempori.

Danieli 9:24

Pinakosiomo pitu pulu meluka opitu tempo a tongkumu ka a ngkotamu anu mempori, mokotampulao gau mosa'o, mokompenaa-naao hala, pahihio sala, ka ihawe moleoa anu nahina tampulaano, umihiio pongkita ka pinau anu ta gagi, umurapio anu tedoa mempori.

Imama 6:30

Sine sompo pesomba po'onini hala anu asantia reano winawa a Ngkema Tepotowoa kai wineweu pesintuwua a mpo'ianga mempori, si kinaa, tendeano tinunu luwu kai pingko ikaano api.”

I YOHANE 14:19

Saraimo koa ka nahi ta kumita Aku mbo'u wawontolino, sine omiu imengkita Aku, hangano Ongkue tuwu ka omiu mbo'u komiu mentuwu.

I YOHANE 5:26

Hangano mengkena kana Ondae i Ama hinao tuwua a ngkoroi-Do Ondae-Do, kanandio koa mbo'u Doweeako Ira Ana ka ihina tuwua a ngkoroi-Do Ondae-Do.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 6:57

Mengkena kana Ondae i Ama anu tuwu tumena Aku ka Kutuwu hangano Ondae i Ama, kanatuu koa mbo'u ba isema mongkaa koroi-Ku, ta tuwu hangano Ongkue.

ROMA 11:28

Mongkona Lele Mawongkoa dome'ewai Ira Ue Ala hangano omiu, sine mongkona pobiniki ondae pinehohawa-Do Ue Ala hangano uempu'u.

ROMA 5:11

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.

ROMA 5:6

Hangano tempono da memolema kita, mate Iramo i Kerisituu tiato mia anu buunto a tempo anu Dopakosiomo Ue Ala.

ROMA 8:32

Ondae, anu nahi Dopehohawao ana-Do Ondae-Do, sine anu meweengako Ira hangano ontae luwuto, kana'umpeke ka nahi Ira moweeakita luwuakoano meronga saru Ondae?

ROMA 8:34

Ondae i Kerisituu Yesu, anu umari mate? Tendeano laluaopo mbo'u: anu mewangu Iramo, anu mentoro i koana-Do Ue Ala, anu tendeano gagi Puu Mpo'alaakoto?

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

2 KORINTI 5:20

Gaagi omami andio onaemo tinena-Do i Kerisituu, kana Ondae Ue Ala patudu komiu mesala ndi omami; a nee-Do i Kerisituu kime'emao ndi omiu: imesintuwumo saru Ondae Ue Ala.

2 KORINTI 5:21

Ondae anu nahi Dotehala Doweweu Iramo gagi hala hangano ontae, ka tomempinokomentee ndi Ondae hangano Ondae Ue Ala.

EPESU 2:16

ka dosintuwu oruano, i laro aasa ngkoroi, saru Ondae Ue Ala hangano keu pinotamba, saru mokotampulao teposisalaa atuu a ngkeu pinotamba atuu.

EPESU 2:3

Menteeano i ndi'upua luwumami tewinso koa mbo'u i olodo, tempono kimentuwu a po'eheno aroa ka mentondao po'eheno koroi ka pinewowolomami anu mosa'o. Menteeano omami onaemo mia anu asalakono mentinekudaako, mengkena kana ondae anu mehano.

IBARANI 2:17

Onaemo pu'uno, ka a luwuakoano Ondae asalakono pinongkena saru luwuno pepaekompo-Do, ka Dogagi Sando Mpesomba Langkai anu me'aroa ka anu metenunu ndi Ondae Ue Ala mokosintuwuo halano luwuno tongku.

IBARANI 7:25

Onaemo pu'uno ka Dopolio koa mbo'u kumadudui ira ntu'u luwuno mia anu me'aiwa ndi Ondae Ue Ala hangano Ondae. Hangano Ondae tuwu wela mpiha gagi Peposombudo.

1 YOHANE 2:1

Omiu anaku, luwuno andio kuburiakomiu, ka si mpoweweu hala, sine tewala asa mia moweweu hala, hinao asa mia puu mpo'ala-alaakoto ndi Ondae i Ama, onaemo Ondae i Yesu Kerisituu, anu moleo.

1 YOHANE 4:10

Ndiomo pompehohawa atuu: Komba ontae anu mehohawa Iramo Ue Ala, sine Ondae Ue Ala anu mehohawa kitamo ka anu tumena Iramo Ana-Do gagi po'ampuni luwuno halato.

MENGKAAA 1:18

ka Anu Tuwu. Mate Akumo, sine kitaomo, Tuwu Aku, ranta nahina tampulaano ka Ongkue uminio luwuno kunsino matea ka poparentaano matea.