ROMA 5:1 - Wunta Mempori

¹ Onaemo pu'uno, ontae anu mempinokomentee hangano pompe'ala-ala, mentuwu kita a laro rodoa saru Ondae Ue Ala hangano Ondae Ueto, i Yesu Kerisituu.

ROMA 5:1 ပူးပေါင်းရင်းမြစ်များ

Ayubi 21:21

Hangano pombiono merioo somborino umarino mate, tewala pingkoomo tempono?

Po'unde-unde 122:6

Pekakaimo tiano manangaiano Yerusale, ”Po'ineeomo domentuwu rodo luwuno mia anu kumekewoiko.

Yesaya 27:5

sangkadio tewala mpo'ungke ira pekaduduia ndi Ongkue ka mpo'ungke manangai saru Ongkue, oo mpo'ungke sintuwu saru Ongkue!”

Yesaya 32:17

Isua itineahako menteea, i ra'ai hinao rodoa, ka wuano menteea onaemo rodoa ka rodoa ranta nahina tampulaano.

Yesaya 54:13

Luwuno anamu ira megagi ana guru-Do i Ue, ka langkaiomo manangaido anamu.

Yesaya 55:12

Mentee ntu'u, komiu mpelungka memawongko ka ta tineoako sintuwu; luwuno torukuno ka pongku ira mpo'unde ka mengkokora-kora maroa i aromiu, ka luwuno keu a mpada ira mpotopa-topa.

Habaku 2:4

Menteeano, mia anu mompelang-langkai nahi moleo aroano, sine mia anu mentee ta tuwu hangano pompe'ala-ala.

Sakaria 6:13

Onaemo anu ta wanguo raha-Do i Ue, ka onaemo anu ta mohawe pompelangkai ka ta mentoro moparenta a wawo ngkadera poparentaano. Ta hina asa mia sando mpesomba a wawo ngkadera poparentaano ka me'asa mpau manangai ta kongko i olodo.

I LUKASI 19:38

Dompotae, ”Rinonso Iramo anu hawe gagi Mokole a nee-Do i Ue, rodoa i suruga ka marambaa a mpo'ianga anu i wawono ntu'u!”

I LUKASI 19:42

Dopotae, ”Anai, tedoa moiko tewala a oleo koa mbo'u andio upokonto'orio hapa anu kinere tiano rodoamu! Sine kanandio-andio mongkona atuu tewuni a matamu.

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

I YOHANE 14:27

Rodoa Kubintaakomiu. Rodoa-Ku Kuweeakomiu, ka hapa anu Kuweeakomiu komba kana anu iweeakomiu wawontolino. Si sala-laro ka mondende aroamiu.

I YOHANE 16:33

Luwuno atuu Kupauakomiu, ka impohawe rodoa ndi Ongkue. I wawontolino omiu memarasaiako poweweu nsa'oa, sine impokorosoo aroamiu, Kunangiomo wawontolino.”

I YOHANE 20:31

sine luwuno anu tewinso i ndi'ai binuriomo, ka impe'ala-alao, nine Ondaemo i Yesu i Mesia, Ana-Do Ue Ala, ka impohawe tuwua a nee-Do hangano pompe'ala-alamiu.

I YOHANE 5:24

Kupauakomiu: Menteeano ba isema rumongeo pinau-Ku ka ipe'ala-ala Ira anu tumena Aku, onae mohawe tuwua anu nahina tampulaano ka nahi ta hinuku, hangano melimbaomo inso a laro matea a laro ntuwua.

WINEWEUDO TINENA 10:36

Onaemo atuu pau Dopetenaako mohaweo a nto Isaraeli, onaemo pau anu mompalele rodoa hangano Ondae i Yesu Kerisituu, anu Ondaemo Uedo luwuno mia.

ROMA 1:17

Hangano i larono mengkaa mentee-Do Ue Ala, anu mepu'u inso a pompe'ala-ala ka metewawa a pompe'ala-ala, kana hinao teburi, ”Mia mentee ta tuwuako pompe'ala-ala.”

ROMA 1:7

Ndi omiu luwu anu mpo'ia i Roma, anu pinehohawa-Do Ue Ala, anu mempinoboi ka mempinokogagi mia mempori: Pompehohawa ka pe'aroa kumongkomi komiu ka rodoa inso ndi Ondae Ue Ala, Amato, ka inso ndi Ondae Ue Yesu Kerisituu.

ROMA 10:10

Hangano koa aroa mia mompe'ala-ala, ka pinokomentee, ka saru wiwi ipe'induako mia ka ikinadudui.

ROMA 10:15

Ka kana'umpe ka dompokopalele Ira, tewala nahi domentinena? Kana hinao teburi, ”Tedoa tekosi hawedo anu mpowawa lele moikoa!”

ROMA 14:17

Hangano Poparentaa-Do Ue Ala komba mongkona kaanga ka inua, sine mongkona menteea, rodoa ka mawongkoa hangano Penaa Mempori.

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 15:33

Ondae Ue Ala, pu'uno rodoa, kumongkomi komiu luwu! Ami.

ROMA 3:22

onaemo mentee-Do Ue Ala hangano pompe'ala-ala ndi Ondae i Yesu Kerisituu tiado luwuno mia anu mpompe'ala-ala. Hangano nahina teposisinggeno.

ROMA 3:30

Pengkonaano, tewala hinao aasa Ue Ala, anu mokomenteeo moiko mia mpetindi hangano pompe'ala-ala, maupo mia mbo'u anu nahi petindi hangano pompe'ala-ala.

ROMA 4:5

Sine tewala hinao mia anu nahi po'angga, sine ipe'ala-ala Ira anu mompokomentee mia buunto, pompe'ala-alano kinitaako gagi menteea.

ROMA 5:11

Ka komba butu onae! Tendeano kita memawongko ndi Ondae Ue Ala hangano Ondae i Yesu Kerisituu, Ueto, hangano Ondae ka tompotarimamo pesintuwua atuu.

ROMA 5:18

Onaemo pu'uno, mengkena kana aasa hala luwuno mia mpohawe pohukua, kanandio koa mbo'u hangano aasa wineweu mentee luwuno mia mpohawe pompokomentee ka domentuwu.

ROMA 6:23

Hangano tambono hala onaemo matea; sine pompehohawa-Do Ue Ala onaemo tuwua anu nahina tampulaano ndi Ondae i Kerisituu Yesu, Ueto.

ROMA 9:30

Tewala kanandio, hapake anu kita mpompau? Ndio: nine luwuno tongku susua anu nahi dompo'ungke menteea, mpohawe iramo menteea, onaemo menteea hangano pompe'ala-ala.

GALATIA 2:16

Imento'orio, nine nahina maupo te'asa mia anu pinokomentee hangano iweweuo songka Taura, sine hangano pompe'ala-ala ndi Ondae i Kerisituu Yesu. Onaemo pu'uno omami mbo'u kimpe'ala-ala Iramo i Kerisituu Yesu, ka kimempinokomentee hangano pompe'ala-ala ndi Ondae i Kerisituu ka komba hangano meweweuo songka Taura. Hangano, ”nahina maupo te'asa mia anu pinokomentee” hangano iweweuo songka Taura.

GALATIA 3:25

Kanandio-andio pompe'ala-ala atuu haweomo, onaemo pu'uno nami tomekongko mbo'u a mpabawano pontaate.

GALATIA 5:22

Sine wuano Penaa onaemo: pompehohawa, mawongko, rodoa, sabaraa, pe'aroaa, moikoa, petenunua,

EPESU 2:7

ka Dotisoakita a tempo anu ta hawe kaeano pompehohawa-Do anu hadio ntu'u menunu saru moiko-Do ndi ontae ndi Ondae i Kerisituu Yesu.

PILIPI 3:9

ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.

KOLOSE 1:20

ka hangano Ondae Dopokompesintuwu ira luwuakoano saru koroi-Do, moiko anu kongko i tolino, maupo anu kongko i suruga, umari-Do moweweu pesintuwua hangano rea a ngkeu pinotamba-Do i Kerisituu.

KOLOSE 3:15

Po'ineeomo rodoa inso ndi Ondae i Kerisituu moparenta i laro aroamiu, hangano onaemo atuu ka imempinoboi gagi aasa koroi. Ka impontarimakasimo.

1 TESALONIKA 5:23

Po'ineeomo Ondae Ue Alano rodoa mokomempori komiu luwu ka po'ineeomo penaa, sumanga ka koroimiu sompo itepekaria saru nahina tataano a hawe-Do i Yesu Kerisituu, Ueto.

2 TESALONIKA 3:16

Ka Ondae, Ueno rodoa, po'ineeomo ka Dopoweeakomiu mpiha rodoa-Do, a luwuakoano. Ondae i Ue kumongkomi komiu luwu.

IBARANI 13:20

Ka Ondae Ue Alano rodoa, anu hangano rea pedandia anu nahina tampulaano Dopokule Iramo inso i olodo mia mate Puu pompakambi Langkai anu pakambi ira luwuno bimba, onaemo Ondae i Yesu, Ueto,