ROMA 4:14 - Wunta Mempori

¹⁴ Nde tewala ondae anu mpomperorohi inso a songka Taura, mpontarima tia anu dinandi-Do Ue Ala, ka nami hina tuduno pompe'ala-ala ka nami gagi dandi atuu.

ROMA 4:14 ပူးပေါင်းရင်းမြစ်များ

Po'unde-unde 119:126

Ndiomo tempono Dopelelu i Ue, hangano Songka-Miu domelimpaiomo luwuno mia.

Yesaya 55:11

kanandiomo pau-Ku anu meluarako inso a nganga-Ku: onae nahi ta mekule mpena ndi Ongkue, sine onae ta weweuo hapa anu inehe-Ku, ka ta mehasili a hapa anu Kutenaakono.

Yeremia 19:7

Nahi Aku mokogagio tinoono Yehuda ka Yerusale a mpo'ianga andio. Aku weweu ira ntebangkuako ponai i arono luwuno iwalido ka a ngkaedo mia anu mpomporaakono penaado. Aku meweengakono wata ngkoroido gagi kaangado manu-manu i laro meene ka a luwuno ngkondehora i tolino.

Podoaa 30:12

Sine tewala tamano atuu mekora balio tempono irongeo, asalakono maupo hapa pinau anu meluarako inso a ngangano, moiko pontanga maupo dandino nahi ta gagi. Umariomo ibalio tamano, ka Ondae i Ue Ira umampunio kombiano atuu.

Podoaa 30:15

Sine tewala nahi pokogagio ba opia tempo umarino rumongeo, asalakono onae ta tumembio salano kombiano.”

ROMA 3:31

Tewala kanatuu, nde kimpebungkuioke songka Taura hangano pompe'ala-ala? Naahi ntu'u! Tendeano kimpokomorosoo.

ROMA 4:16

Onaemo pu'uno menteea me'empehiako pompe'ala-ala ka ikana pompehohawa, ranta ka ipo'ia dandi atuu hawe a luwu inuleno i Burahima, komba butu ndi ondae anu mentuwu inso a songka Taura, sine ndi ondae mbo'u anu mentuwu inso a pompe'ala-alano i Burahima. Hangano i Burahima onaemo amato luwu, –

1 KORINTI 1:13

Nde tetia-tia Irake i Kerisituu? Nde pinaso a ngkeu pinotambake i Paulu hangano omiu? Ke mebinaho komiuke a neeno i Paulu?

GALATIA 2:21

Pompehohawa-Do Ue Ala kutarimao. Nde tewala hinao menteea hangano songka Taura, nahina tuduno mate-Do i Kerisituu.

GALATIA 5:4

Omiu mentola inso ndi Ondae i Kerisituu, tewala mpomperorohi komiu menteea hangano songka Taura; mentuwu komiu i bungkuno pompehohawa.

PILIPI 3:9

ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.

IBARANI 7:19

– hangano songka Taura nahina ntu'u ipowawa sompoano ntu'u – sine kanandio-andio pinosaba pomperorohia anu moikoopo, anu moko'umpeda kita ndi Ondae Ue Ala.

IBARANI 7:28

Hangano songka Taura pakosi ira mia anu ipabawai ira molema gagi Sando Mpesomba Langkai, sine sumpa, anu pinau lembui sekono songka Taura, pakosi Ira Ana, anu gagi Iramo soompo ntu'u ranta nahina tampulaano.