ROMA 4:11 - Wunta Mempori

¹¹ Ka tondonino petindi atuu itarimao gagi petondoni menteea me'empehiako pompe'ala-ala anu pinopokitano se'eluno napi petindi. Kanandiomo ka ipokogagi amado luwuno mia mpompe'ala-ala anu nahi dompetindi, ka menteea pinototoi ndi ondae,

ROMA 4:11 ပူးပေါင်းရင်းမြစ်များ

Tegagia 17:24

Tinuwuno i Burahima sio pulu ka osio nta'u tempono ipetindi.

Po'unde-unde 47:9

Ondae Ue Ala moparenta gagi mokoleno luwuno tongku, Ondae Ue Ala mo'ia a wawo ngkadera poparentaa-Do anu mempori.

Peluarakoa 12:13

Rea atuu gagi tondonino raha po'iangamiu. Tewala Kukitao rea atuu, Aku lumalokomiu. Gaagi nahi tahina pohuku matea ndi omiu tempono Kuhukuo wita Masiri.

Peluarakoa 31:13

”Pauako iramo to Isaraeli: Impe'ihi laroomo, asalakono impelangkaio luwuno oleo Saba-Ku, hangano onaemo tondonino olono Ongkue ka omiu ranta hawe luwuno inulemiu, kai mento'orio nine Ongkuemo Ue, anu mokomempori komiu.

Peluarakoa 31:17

Onaemo tondonino olono Ongkue ka to Isaraeli ranta nahina tampulaano, hangano onoo oleo tehineno Ondae i Ue mokogagio langi ka wawontolino, ka a oleo anu ko'opitu nami Dopo'angga ka Dopenaa-naa.”

Yehesikieli 20:12

Luwuno oleo Saba-Ku Kuweeako ira mbo'u ka igagi petondoni olono Ongkue ka ondae, ka domento'orio nine Ongkuemo Ue, anu mokomempori ira.

Yehesikieli 20:20

Pokomemporiomo luwuno oleo Saba-Ku, onaemo atuu gagi petondoni olono Ongkue ka omiu, ka domento'orio mia nine Ongkuemo Ue, Ue Alamiu.

I MATIU 16:16

Ka sumangkiomo i Simo Peturu, ”Omiumo i Mesia, Ana-Do Ue Ala anu tuwu!”

I MATIU 8:11

Kupauakomiu: Hadio mia ira mehawe inso i sabaano oleo ka sumooano oleo ka mpentoro mpongkaa mperonga-ronga saru i Burahima, i Saki ka i Yako a laro Poparentaa suruga,

I LUKASI 19:9

Motae Ira i Yesu ndi onae, ”Oleo andio gagiomo tekaduduia a raha andio, hangano mia mbo'u andio anano i Burahima.

I YOHANE 3:33

Isema tumarimao ponsakosii-Do atuu, imangakuakono, nine Ondae Ue Ala anu mentee.

I YOHANE 3:36

Ba isema me'ala-ala Ira Ana, onae mohawe tuwua anu nahina tampulaano, sine ba isema nahi petenunui Ira Ana, onae nahi ta kumitao tuwua, tendeano pontekudaako-Do Ue Ala kongko mpiha ndi onae.”

I YOHANE 6:35

Motae Ira i Yesu ndi ondae, ”Ongkuemo roti tuwua; ba isema aiwa ndi Ongkue, nahi ta mokoninggo mbo'u, ka ba isema anu me'ala-ala Aku, nahi ta mokoranga mbo'u.

I YOHANE 6:40

Hangano ndiomo po'ehe-Do Ama-Ku, onaemo sompo mia, anu kumita Ira i Ana ka anu me'ala-ala Ira ka dompohawe tuwua anu nahina tampulaano, ka a tampulaano wawontolino ka Kuwanguo.”

I YOHANE 6:47

Kupauakomiu, menteeano ba isema mompe'ala-ala, onae hinaomo tuwua anu nahina tampulaano.

I YOHANE 8:33

Mesangki ira, ”Omami inuleno i Burahima ka napi kihori ntepe'ata maupo ndi sema. Kana'umpe ka Ipotae: Komiu memaradeka?”

ROMA 10:11

Hangano pauno Wunta Mempori, ”Ba isema me'ala-ala Ira, nahi ta pinokoko'ii.”

ROMA 10:4

Hangano Ondae i Kerisituu Ondaemo umihiio songka Taura, onaemo ka dompohawe menteea sompo-sompo mia anu mompe'ala-ala.

ROMA 10:6

Sine menteea hangano pompe'ala-ala motae kanandio, ”Si potae i laro aroamu: Isemake ta mewuatako i suruga?” onaemo: ka iwawa Ira i Yesu metii,

ROMA 3:22

onaemo mentee-Do Ue Ala hangano pompe'ala-ala ndi Ondae i Yesu Kerisituu tiado luwuno mia anu mpompe'ala-ala. Hangano nahina teposisinggeno.

ROMA 3:26

Tinoo-Do onaemo mopokitao moleo-Do i tempo andio, ka imengkaa, nine mentee Ira ka mokomentee ira mbo'u mia anu mpompe'ala-ala ndi Ondae i Yesu.

ROMA 3:30

Pengkonaano, tewala hinao aasa Ue Ala, anu mokomenteeo moiko mia mpetindi hangano pompe'ala-ala, maupo mia mbo'u anu nahi petindi hangano pompe'ala-ala.

ROMA 4:10

A nteweweu kana'umpeke mongkona atuu ipinototoiako? Naapo ke umarino tinindi? Komba umarino tinindi, sine tempono napi tinindi.

ROMA 9:30

Tewala kanandio, hapake anu kita mpompau? Ndio: nine luwuno tongku susua anu nahi dompo'ungke menteea, mpohawe iramo menteea, onaemo menteea hangano pompe'ala-ala.

ROMA 9:33

kana hinao teburi, ”Menteeano, Aku numaao i Sioni aasa watu tetengkua ka aasa watu tetidua, ka ba isema anu me'ala-ala Ira, nahi ta pinokoko'ii.”

ROMA 9:6

Sine pau-Do Ue Ala komba nahi ta gagi. Hangano komba luwuno mia anu nte'inso i Isaraeli ondae to Isaraeli,

2 KORINTI 1:22

tumondoniakono pontondoni-Do ndi ontae ka anu moweeakita Penaa Mempori i laro aroato gagi pe'inia inso a luwuno anu pinatindaomo tiato.

GALATIA 3:22

Sine luwuakoano i'ukoomo Wunta Mempori a ntoto pabawano hala, ka hangano pompe'ala-ala ndi Ondae i Yesu Kerisituu dandi atuu mewineeako ira anu pompe'ala-ala.

GALATIA 3:29

Ka tewala omiu mia-Do i Kerisituu, asalakono omiu mbo'u inuleno i Burahima ka tekona imentarimao dandi-Do Ue Ala.

GALATIA 3:7

Gaagi imengkitao, nine ondae anu mentuwu inso a pompe'ala-ala, ondaemo atuu anano i Burahima.

GALATIA 5:5

Nde hangano Penaa, ka hangano pompe'ala-ala, tomensikorio menteea anu pinerorohito.

GALATIA 6:16

Ka luwuno mia, anu meweengakono koroino itaateo pontiso andio, po'ineeomo rodoa ka pompehohawa ka ipetii ndi ondae ka a nto Isaraeli bawaa-Do Ue Ala.

EPESU 1:13

Ndi Ondae omiu mbo'u – hangano imerongeomo pau menteea, onaemo Lele Mawongkoa tekaduduiamiu – ndi Ondae omiu mbo'u, tempono impompe'ala-ala, mentinondoniako Penaa Mempori, anu dinandi-Do atuu.

EPESU 4:30

Ka si mpokomasusa Ira Penaa Mempori-Do Ue Ala, anu tumondoni komiumo a haweano oleo pongkaduduia.

Winali 30:6

Ondae i Ue, Ue Alamu Ira balio aroamu ka aroado inulemu, ranta kai mpehohawa Ira i Ue, Ue Alamu tompaano aroamu ka tompaano tinuwumu, kai mentuwu.

PILIPI 3:9

ka kongko ndi Ondae komba menteeku ongkueku hangano montonda songka Taura, tendeano menteea hangano pompe'ala-ala ndi Ondae i Kerisituu, onaemo menteea anu Doweeakune Ue Ala montonda pompe'ala-ala.

IBARANI 11:7

Hangano pompe'ala-ala, onaemo i Noho – saru pontiso-Do Ue Ala mongkona hapa anu napi tengkita – saru metenunu ipatindao Bangka kaduduido pe'asa rahano ka hangano pompe'ala-ala atuu ihukuo wawontolino, ka onae tinantui montarima menteea, menunu saru pompe'ala-alano.

2 PETURU 1:1

Inso ndi Simo Peturu, tetenaa ka tinena-Do i Yesu Kerisituu, hawe ndi ondae anu mperonga saru omami mpohawe pompe'ala-ala hangano moleo-Do Ue Ala ka Puu Pongkaduduito, Ondae i Yesu Kerisituu.

MENGKAAA 9:4

Ka me'inoliwi ira, ka si domensolangi ira ewo i tolino ke luwuno pinopaho ke maupo luwuno keu, tendeano butu mia anu nahina tondoni-Do Ue Ala i ra'ino.