ROMA 3:6 - Wunta Mempori

⁶ Naahi ntu'u! Tewala kanatuu, kana'umpeke ka Dopokobitarao Ue Ala wawontolino?

ROMA 3:6 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Ayubi 8:3

Menteeke Ondae Ue Ala melengkuakono moleoa? Menteeke Anu Tedoa Pabawa melengkuakono menteea?

Po'unde-unde 50:6

Langi paleleo moleo-Do, hangano Ondaemo isa'a Ue Ala Puu mpobitara. Sela

Po'unde-unde 9:8

Sine Ondae i Ue mentoro moparenta ranta nahina tampulaano, kadera poparentaa-Do Dopontadeo ka Dopolempao pobitaraa.

Po'unde-unde 96:13

i aroDo i Ue, hangano hawe Ira, hangano Ondae hawe Ira bitarao tolino. Ira bitarao wawontolino a laro menteea, ka luwuno tongku a laro menteea-Do.

Po'unde-unde 98:9

i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.

I LUKASI 20:16

Onae ta aiwa ka mepate ira anu mpo'angga lere atuu, ka me'ala-alaakono lere anggoro atuu a mia susua.” Rumongeo atuu dompotae, ”Osi'i ntu'u!”

WINEWEUDO TINENA 17:31

Hangano Dopakosiomo aasa oleo, a tempo isua Dobitarao temoleo wawontolino anu ta umanggao aasa mia anu Dopakosiomo, umari-Do moweeako ira luwuno mia aasa pompokomanasa mongkona atuu onaemo wangu Ira inso i olodo mia mate.”

ROMA 2:16

Mongkona atuu ta mengkaa a oleo, menunu saru Lele Mawongkoa anu kupaleleo, Ondae Ue Ala Ira bitarao luwuakoano anu tewuni i laro aroano mia, hangano Ondae i Yesu Kerisituu.

ROMA 3:31

Tewala kanatuu, nde kimpebungkuioke songka Taura hangano pompe'ala-ala? Naahi ntu'u! Tendeano kimpokomorosoo.

ROMA 3:4

Naahi ntu'u! Tendeano: Ondae Ue Ala mentee Ira, ka luwuno mia marampegaupi ira, kana hinao teburi, ”Ka imengkaa mentee Komiu a luwuno pau-Miu, ka monangi ba Ibinitara.”