ROMA 3:5 - Wunta Mempori

⁵ Sine tewala nahi menteeto mokomengkaao mentee-Do Ue Ala, hapake kita mpotae? Nahi Domoleoke Ue Ala – mia aku kupotae – tewala Dopopokitao rupa-Do?

ROMA 3:5 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Ayubi 8:3

Menteeke Ondae Ue Ala melengkuakono moleoa? Menteeke Anu Tedoa Pabawa melengkuakono menteea?

Nahumi 1:2

Ondae i Ue atuu Ue Ala anu meposiri ka puu mpombalo, Ondae i Ue atuu puu mpombalo ka bukeako tensilano tekuda, Ondae i Ue atuu puu mpombalo a luwuno anu umewai Ira ka monaa aroa a luwuno iwali-Do.

ROMA 12:19

Pepaekompo luwu-luwu anu pinehohawaku, si mpombalo omiu-miu, sine impeweengakono a pontekudaako-Do Ue Ala, hangano hinao teburi: Pombaloa atuu tia-Ku. Ongkuemo anu mombalo, pau-Do i Ue.

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

ROMA 3:7

Sine tewala mentee-Do Ue Ala kolangka-langkaino pokomaramba-Do hangano pegaupiku, tembio ka da kubinitara mbo'u kana mia tehala?

ROMA 4:1

Gaagi hapake kita mpotae mongkona i Burahima, uempu'uto montonda tuwu ngkoroi?

ROMA 5:8

Sine Ondae Ue Ala mopokitao pompehohawa-Do ndi ontae, hangano Ondae i Kerisituu mate Iramo tiato, tempono da mentehala kita.

ROMA 6:1

Tewala kanandio, hapake kita mpopau? Moiko koake tompo'iamo koa a laro hala, ka ikoteti-tetiangino pompehohawa atuu?

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 7:7

Tewala kanandio, hapake kita mpotae? Nde halake songka Taura atuu? Mentee ntu'u naahi! Sine, tendeano hangano songka Taura ka kuto'oriomo hala. Hangano nahi kuto'orio koa mbo'u hapa atuu mosisiri, ba nahi pauo songka Taura, ”Si mosisiri!”

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

ROMA 9:30

Tewala kanandio, hapake anu kita mpompau? Ndio: nine luwuno tongku susua anu nahi dompo'ungke menteea, mpohawe iramo menteea, onaemo menteea hangano pompe'ala-ala.

1 KORINTI 15:32

Tewala butu koa me'empehiako luwuno pontimbangano mia kupelulukuakonomo kondehora lambaha i Epesu, hapake tuduno anu kanatuu ndi ongkue? Tewala mia mate nahi domewinangu, ka ”aiwamo ka tompongkaa ka mpo'inu, hangano tisomo kita memate.”

1 KORINTI 9:8

Hapa anu pinauku andio komba butu pinewowolono mia. Kombake songka Taura motae mbo'u kanandio?

2 KORINTI 6:4

Tendeano, a laro luwuakoano kimempopokitao, nine omami puu pompekakaako-Do Ue Ala, onaemo: alaro pompetea anu bukeako sabaraa a laro marasaia, ma'isoa ka masukaraa,

2 KORINTI 7:11

Hangano impepenteeo tendeano pompemasusa anu montonda po'ehe-Do Ue Ala atuu umanggao ndi omiu pompesu'ui anu langkai, maupo pepokomentee, o'alia, doitoa, tekewoi, anggaa, pohukua! I larono luwuno atuu impopokitaomo, nine nahina salamiu.

GALATIA 2:18

Hangano, tewala wali aku wanguo hapa anu kubetaomo kupokomengkaao koroiku gagi polimpai songka Taura.

GALATIA 3:15

Pepaekompo, moikoomo kupakeo aasa pandiri a ntumuwu sompo oleo. Aasa pe'oliwi anu pinokorosoomo, maupo onae inso a mia, nahina maupo te'asa mia mokobalio ke tumiangio.

MENGKAAA 15:3

Ka dompenaniako penanino i Musa, tetenaa-Do Ue Ala, ka penani-Do i Ana Bimba, unino, ”Langkai ka kinohali-haliako inangga-Miu, oo Ue, Ue Ala, Anu Tedoa Pabawa! Moleo ka mentee luwuno pesalaa-Miu, oo Mokoleno luwuno tongku!

MENGKAAA 18:20

Impo'undeakonomo, hei suruga, ka omiu, hei luwuno mia mempori, luwuno tinena ka luwuno nabi, hangano Ondae Ue Ala mompotii Iramo pohuku ndi onae hangano omiu.”