ROMA 3:23 - Wunta Mempori

²³ Hangano luwuno mia mpoweweu iramo hala ka nami hina maramba-Do Ue Ala ndi ondae,

ROMA 3:23 ပူးပေါင်းရင်းမြစ်များ

Tegagia 8:21

Tempono Dowooo i Ue lahono anu mompokomawongko atuu, Mepau Iramo i Ue i laro aroa-Do, ”Nahi Aku tumotonaao mbo'u tolino andio hangano mia, maupo tinoono aroano mosa'o mompu'u ikodei, ka nahi Aku mepate ira mbo'u luwuno anu tuwu, kana anu Kuweweuomo.

1 Mokole 8:46

Tewala ntehala ira ndi Omiu, hangano nahina mia anu nahi tehala, ka tekuda-Miu ndi ondae, ka Ipeweengako ira a iwali, ka domewinawa gagi mia ntinawa a witado iwali anu olai ke anu umpeda,

Puu Pontutulu 7:20

Menteeano, i tolino nahina mia moleo anu moweweu moiko, nahi hori moweweu hala!

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 11:32

Hangano Do'uko iramo Ue Ala luwuno mia a laro nahi dompetenunu, ka Dopopokitao pe'aroa-Do ndi ondae luwudo.

ROMA 3:19

Sine tomento'orio, nine luwuakoano anu teburi a Wunta Taura tiado anu mentuwu i totono songka Taura, ka ite'onso sompo nganga ka asa wawontolino ntedonta i totono pohuku-Do Ue Ala.

ROMA 3:9

Gaagi kana'umpe? Hinaoke polaluato inso a mia susua? Naahi ntu'u. Hangano hieno tomentuluri iramo moiko to Yahudi, maupo to Yunani, nine luwudo ipabawai iramo hala,

ROMA 5:2

Hangano Ondae ontae mbo'u mpohawe sala mpewinso hangano pompe'ala-ala a pompehohawa andio. I larono pompehohawa andio ontae mpentade ka tompo'unde a laro pomperorohia kita mpontarima maramba-Do Ue Ala.

GALATIA 3:22

Sine luwuakoano i'ukoomo Wunta Mempori a ntoto pabawano hala, ka hangano pompe'ala-ala ndi Ondae i Yesu Kerisituu dandi atuu mewineeako ira anu pompe'ala-ala.

1 TESALONIKA 2:12

ka kime'emao ntu'u, ka imentuwu menunu saru po'ehe-Do Ue Ala, anu moboi komiu a Poparentaa ka maramba-Do.

2 TESALONIKA 2:14

Onaemo ka Dopoboi komiumo hangano Lele Mawongkoa anu pinalelemami, onaemo ka impohawe maramba-Do i Yesu Kerisituu, Ueto.

IBARANI 4:1

Onaemo pu'uno, moikoopo tompetangkoro, ka si hina te'asa mia I olomiu anu tinudu tebinta, maupo pedandia ira mpewinso a mpenaa-naaa-Do napi inihii.

1 PETURU 4:13

Tendeano, impo'undemo, menunu saru tia anu hinawemiu a ntebobarasai-Do i Kerisituu, ka impohawe koa mbo'u mawongko ka mpo'unde a tempo Dopokomengkaao maramba-Do.

1 PETURU 5:1

Kupatudu ira penatua i olomiu, ongkue kana walido penatua ka sakosii tebobarasai-Do i Kerisituu, anu ta mohawe koa mbo'u tia a marambaa anu ta pinokomengkaa lembuino.

1 PETURU 5:10

Ka Ondae Ue Ala, pu'uno luwuno pe'aroa, anu moboi komiumo ndi Ondae i Kerisituu a maramba-Do anu nahina tampulaano, Ira mokosompo komiu, rumonso komiu, mokomokora komiu ka mokoroso komiu, umarimiu ntebobarasai asa tempo.