ROMA 3:11 - Wunta Mempori

¹¹ Nahina maupo te'asa mia anu molino pinewowolono, nahina maupo te'asa mia anu umungke Ira Ue Ala.

ROMA 3:11 ပူးပေါင်းရင်းမြစ်များ

Po'unde-unde 53:2

Mia monge-monge motae i laro aroano, ”Nahina Ue Ala!” Mosa'o ntu'u ka mokoburu molengkudo, nahina anu moweweu moiko.

Po'unde-unde 53:4

Sine mepansia iramo luwu, luwudo mpoweweu iramo anu mosa'o ntu'u; nahina anu moweweu moiko, maupo te'asa mia nahina.

Po'unde-unde 94:8

Pekokoongakono, hei omiu anu lalu benge-benge i olodo palili! Hei luwuno mia monge-monge, te'ipiake ka igagi mempande mposongka?

Powadi 1:22

”Opiapo mbo'u tehineno, hei mia anu napi hina pinembasaino, da imengkekewoio pompenana'otemiu, anu mompoponggari-nggari da ineheno monggari-nggari, ka mia monge-monge umo'aliaakono ponto'ori?

Powadi 1:7

Doitoako Ira i Ue onaemo pompu'uano ponto'ori, sine mia benge-benge tumetewehio ponto'ori anu mentee ka pompaguru.

Yesaya 27:11

Tewala mokariomo sampa-sampano, asalakono ta pinudu; ira me'aiwa beine ka mempakeo gagi keu ponahu. Hangano, onaemo andio asa tongku anu nahi molino pinewowolodo, onaemo pu'uno, onae nahi Dopehohawao anu mokogagio ka nahi Dopehohawao anu weweuo.

Yesaya 31:1

Masola ntu'u mia anu lumako mepetulungi i Masiri, anu momperorohi ngara, anu mompe'ala-ala a ngkaretano anu hadio, ka a sorodadu mpengara anu tedoa hadio, sine nahi dompengkita ndi Ondae Anu Tedoa Mempori, Ue Alado to Isaraeli, ka nahi dome'ungke Ira i Ue.

Yesaya 55:6

Ungke Iramo i Ue tempono da inehe-Do totepohaweako Ira; peboolimo ndi Ondae tempono da umpeda Ira!

Yesaya 65:1

Kupemoikoo moweeakono pontiso a mia anu nahi pesikeno ndi Ongkue; Kupemoikoo ihawe Aku mia anu nahi ungke Aku. Mepau Aku, ”Ndio Aku, ndio Aku!” a tongku anu nahi poboio nee-Ku.

Yesaya 9:13

Onaemo ka Dotebasio i Ue inso i Isaraeli ulu ka iki, watano ka sampano merongaako a oleo anu mengkena.

Yeremia 4:22

”Mentee ntu'u, bawaa-Ku atuu mebenge-benge, nahi domento'ori Aku! Ondae onaemo nana'ote monge-monge, nahina tino'orido! Ondae pande mpoweweu mosa'o, sine nahi domponto'ori mpoweweu moiko.”

Hosea 4:6

Bawaa-Ku memasola hangano nahi doto'ori Ira Ue Ala; hangano nahi utarimao ponto'oria atuu, Ongkue mbo'u nahi Aku tumarimako gagi sando mpesomba-Ku. Hangano ukolupeo pompaguru-Do Ue Alamu, Ongkue mbo'u Aku kumolupe ira anamu.

Hosea 7:10

Pompelangka-langkaino i Isaraeli gagi sakosii a ngkoroino, sine nahi dompepokule ndi Ondae i Ue, Ue Alado, ka nahi dome'ungke Ira maupo luwuno atuu.

I MATIU 13:19

A sompo mia anu rumongeo pau mongkona Poparentaa Suruga, sine nahi pokonto'orio, haweomo i mosa'o ka irontuo anu rinawo i laro aroano mia atuu; onaemo inii anu rinawo a wiwi nsala.

ROMA 1:22

Mpoweweu ira kana mebukeako ira ponto'ori anu mentee, sine megagi iramo memonge-monge.

ROMA 1:28

Ka hangano nami domebehe mpesomba ndi Ondae Ue Ala, onaemo ka Dopeweengako ira Ue Ala a mpinewowolo anu tetotonaa, ranta ka dompoweweu hapa anu nahi tekona:

ROMA 3:10

kana hinao teburi, ”Nahina anu mentee, maupo te'asa mia nahina.

ROMA 3:12

Luwuno mia mepansia iramo, luwudo nahina tuduno, nahina anu moweweu moiko, maupo te'asa mia nahina.

ROMA 8:7

Hangano po'eheno tuwu ntolino onaemo umewa ndi Ondae Ue Ala, hangano nahi tondao songka-Do Ue Ala; mongkona andio lano nahi polio.

TITU 3:3

Hangano i ndi'upua ontae mentuwu kita koa mbo'u a monge-mongea: nahi tompomperorongeako, ntesosaelo, megagi atano mperupa-rupa po'eheno aroa ka mosisiri, mentuwu a mosa'oa ka kohilia, mokoburu, memambe'o'aliako.

1 YOHANE 5:20

Sine tomento'orio, nine Ana-Do Ue Ala hawe Iramo ka Dopoweeakitamo ponto'ori, ka tomento'ori Ira Anu Mentee; ka mekongko kita i laro-Do Anu Mentee, ndi Ondae i Yesu Kerisituu. Ondaemo Ue Ala anu mentee ka tuwua anu nahina tampulaano.