ROMA 2:9 - Wunta Mempori

⁹ Marasaia ka ma'isoa ta umaluo sompo mia anu tuwu moweweu anu mosa'o, amba-ambano to Yahudi ka to Yunani mbo'u,

ROMA 2:9 ပူးပေါင်းရင်းမြစ်များ

2 Tawarika 6:23

po'ineeomo ka Iperorongeakono i suruga, weweuo ka bitara ira tetenaa-Miu: mombalo wineweuno mia anu sala ka mopotembiakono ndi onae, ka mokomenteeo mia anu mentee saru moweeakono pombalo ndi onae menunu saru menteeno.

Po'unde-unde 32:10

Hadio pompemahaki pinemarasaino mia mosa'o gauno, sine mia anu mompe'ala-ala ndi Ondae i Ue ta lumimbuo pompehohawa anu nahi bali.

Powadi 11:23

Po'eheno mia mentee butu koa anu moiko, pomperorohino mia mosa'o gauno butu koa tekuda.

Yehesikieli 18:4

Mentee ntu'u, luwuno penaa atuu Ongkue ueno! Moiko penaano ama maupo penaano ana atuu Ongkue ueno! Isema anu moweweu hala, onaemo anu asalakono mate.

Yehesikieli 22:31

Onaemo ka Ku'uwuo bamburu-Ku ndi ondae ka mepateako ira api tekuda-Ku. Peleludo Ku'aluako ira a uludo. Kanandiomo pau-Do Ue Ala.”

Amosi 3:2

”Butu omiu anu tino'ori-Ku inso a luwuno suku i wawontolino. Onaemo pu'uno Aku humuku komiu hangano luwuno salamiu.

I MATIU 16:26

Hapa tuduno asa mia ba ihaweo asa wawontolino sine tetadi penaano? Ka hapake anu polio ipeweengakono gagi euno penaano?

I LUKASI 24:47

ka mbo'u: a nee-Do lele mongkona tepidia ka po'ampunia hala asalakono pinohawe a luwuno tongku, mompu'u inso i Yerusale.

WINEWEUDO TINENA 11:18

Mansado merongeo mongkona atuu, rodoomo aroado, ka do'amba me'unde-unde Ira Ue Ala, dompotae, ”Gaagi a luwuno tongku susua mbo'u Ondae Ue Ala moweeako ira tepidia anu wawa ira a ntuwua.”

WINEWEUDO TINENA 13:26

Hei pepaekompoku, moiko anu tewinso a inuleno i Burahima, maupo anu doitoako Ira Ue Ala, lele tekaduduia atuu pinohaweomo ndi ontae.

WINEWEUDO TINENA 20:21

mesakosii aku mpiha a nto Yahudi ka a nto Yunani, ka dontepidi ndi Ondae Ue Ala ka mpompe'ala-ala ndi Ondae Ueto, i Yesu Kerisituu.

WINEWEUDO TINENA 26:20

Sine amba-ambano kupompalele a nto Yahudi i Damasi, i Yerusale ka i asa wawo wita Yudea, ka a luwuno mbo'u tongku susua, nine asalakono ka dontepidi ka mpepokule ndi Ondae Ue Ala saru meweweuo luwuno anggaa anu menunu saru tepidia atuu.

WINEWEUDO TINENA 28:17

Otolu oleo umarino atuu ipoboi iramo i Paulu mia anu hinao potorodo a nto Yahudi ka mansado ntepumpu, mepauomo i Paulu, ”Pepaekompo luwu-luwu, maupo nahina sala mpoweweuku a tongkuto ke a gaudo uempu'uto, sine rinako aku i Yerusale ka pineweengako a nto Roma.

WINEWEUDO TINENA 28:28

Onaemo pu'uno asalakono ka imento'orio, nine tekaduduia anu inso ndi Ondae Ue Ala andio mempinohaweako luwuno tongku susua ka ira merongeo.” [

WINEWEUDO TINENA 3:26

Ka omiumo amba-ambano Dowanguakomiu Tetenaa-Do ka tumena Ira ndi omiu, ka Doronso komiu saru wawa komiu singge mia mepokule inso a luwuno wineweumiu anu mosa'o.”

ROMA 1:16

Hangano moroso pompe'ala-alaku a Lele Mawongkoa, hangano Lele Mawongkoa onaemo roso-Do Ue Ala anu kumaduduio sompo mia anu mompe'ala-ala, amba-ambano to Yahudi, sine saru koa mbo'u to Yunani.

ROMA 10:12

Hangano nahina teposisinggeno olono to Yahudi ka to Yunani. Hangano Ondae Ue Ala anu aasa atuu Ondaemo Uedo luwuno mia, kaeado luwuno mia anu mpebooli ndi Ondae.

ROMA 2:10

sine marambaa, pompelangkai ka rodoa ira mehaweo luwuno mia anu mpoweweu moiko, amba-ambano to Yahudi, ka to Yunani mbo'u.

ROMA 8:35

Isemake anu ta monsia kita inso a pompehohawa-Do i Kerisituu? Pompokonsiia ke ma'isoa ke pobobarasaia, ke mokoninggoa ke kolambe-lambea, ke masukaraa, ke ponai?

ROMA 9:24

onaemo ontae, anu Dopoboi kitamo komba butu inso i olodo to Yahudi, sine inso mbo'u a luwuno tongku susua,

GALATIA 3:28

Mongkona anu andio nahina to Yahudi ke to Yunani, nahina ata ke mia maradeka, nahina tama ke beine, hangano luwumiu aasa koa ndi Ondae i Kerisituu Yesu.

KOLOSE 3:11

mongkona andio nami hina mbo'u to Yunani ke to Yahudi, mia metindi ke mia nahi petindi, to Barabara ke to Sikiti, ata ke mia maradeka, sine luwuno Ondae i Kerisituu ka a luwuakoano.

2 TESALONIKA 1:6

Hangano lano ndi Ondae Ue Ala ka Dopombaloakono pompokonsii ndi ondae anu mempokonsii komiu

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?