ROMA 2:8 - Wunta Mempori

⁸ sine pontekudaako ka bamburu ndi ondae anu mpo'ungke tiano koroido ondaedo, anu nahi dompetenunu a menteea, tendeano mpetenunu a wineweu mosa'o.

ROMA 2:8 ပူးပေါင်းရင်းမြစ်များ

2 Tawarika 6:23

po'ineeomo ka Iperorongeakono i suruga, weweuo ka bitara ira tetenaa-Miu: mombalo wineweuno mia anu sala ka mopotembiakono ndi onae, ka mokomenteeo mia anu mentee saru moweeakono pombalo ndi onae menunu saru menteeno.

Ayubi 24:13

Hinao mbo'u mia anu umewaio mewine, anu nahi to'orio pesalaano ka nahi po'ia mpiha a ntelaloano.

Po'unde-unde 90:11

Isemake tumo'orio rosono tekuda-Miu ka mokonto'orio bamburu-Miu ranta ka idoitoa-Komiu?

Powadi 11:23

Po'eheno mia mentee butu koa anu moiko, pomperorohino mia mosa'o gauno butu koa tekuda.

Powadi 13:10

Pompelangka-langkai butu moweweu pengengea, sine ondae anu mpomperorongeako patudu hinao ponto'ori anu mentee.

Yesaya 50:10

Isema i olomiu anu dumoitoako Ira i Ue ka merorongeakono pauno tetenaa-Do? Tewala onae tuwu a laro wongi-wongi ka nahina wanta pansario, moikoomo ka ipompe'ala-ala a nee-Do i Ue ka momperorohi ndi Ondae Ue Alano!

Yeremia 34:18

Aku meweengako ira mia, anu lumimpaio pedandia-Ku ka nahi tondao ihino pedandia anu winutudo i aro-Ku, saru mempoleo ana nsapi lakino gagi orua ka mpelempa i olono bansi-bansino.

Yehesikieli 22:31

Onaemo ka Ku'uwuo bamburu-Ku ndi ondae ka mepateako ira api tekuda-Ku. Peleludo Ku'aluako ira a uludo. Kanandiomo pau-Do Ue Ala.”

Nahumi 1:6

Isema mokompentade umaropio tekuda-Do? Ka isema mokompeteao tekuda-Do anu tensila? Tensilano tekuda-Do te'uwu kana api, ka luwuno torukuno watu ntebangku hangano Ondae.

ROMA 1:18

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

ROMA 10:16

Sine komba luwuno mia mentarimaomo lele moiko atuu. I Yesaya isa'a motae, ”Ue, isemake anu me'ala-alao pompalelemami?”

ROMA 15:18

Hangano nahi aku sapa mepau mongkona hapa anu susua, sangkadio mongkona hapa anu Doweweuomo i Kerisituu hangano ongkue, onaemo wawa ira tongku susua ka dompomperorongeako, hangano pau ka wineweu,

ROMA 6:17

Sine pontarimakasimo ndi Ondae Ue Ala! I ndi'upua omiu lano atano hala, sine kanandio-andio mpetenunu komiumo tompaano aroamiu a pompaguru anu pinotilaloakoomo ndi omiu.

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

1 KORINTI 11:16

Sine tewala hinao mia anu mingki mengengeakono, omami maupo luwuno bawaa-Do Ue Ala komba kimeleleoakono anu kanandio.

2 KORINTI 12:20

Hangano kuporerengkoo, nine tewala aiwa aku ka kuhawe komiu nahi kana anu ino'aroaku ka intepohaweakune nahi kana anu ino'aroamiu. Kuporerengkoo ta mansa hina teposisalaa, kohili, tekuda, mompokotekona koroino onaeno, momposebe, petanga-tanga, pompelangka-langkai, ka marisua.

GALATIA 5:20

mpesomba a lahumoa, sihiri, pe'u'uaa, teposisalaa, kohili, tekuda, mompewowolo koroino onaeno, mambebelai, penaa momposisala,

PILIPI 1:17

sine anu mehano hangano butu tiano koroido ka saru tinoo anu komba inso a moleono aroado, potaedo ba kanandio ira mpokomobeao tinembiku a laro torungku.

PILIPI 2:3

saru nahi po'ungke tiano onaeno ke po'unde-unde anu nahina tuduno. Tendeano impe'urumako anu asa mia tumuduo anu susua laluaopo sekono onae;

2 TESALONIKA 1:8

ka moweweu pombaloa ndi ondae anu nahi domebehe mento'ori Ira Ue Ala ka nahi domperorongeakono Lele Mawongkoa-Do i Yesu, Ueto.

TITU 3:9

Sine olaiakonomo wineweu anu inungke-ungkeako ka anu monge-monge, mongkona potudano tumuwu, teposisalaa ka pengengea mongkona songka Taura, hangano luwuno atuu nahi mentudu ka nahina pengkonaano.

IBARANI 10:27

Sine anu hina onaemo matea anu mongkokongiriako pobitaraa ka api anu tedoa mokula anu ta mokomo'aio luwuno mia anu mpe'ewa.

IBARANI 11:8

Hangano pompe'ala-ala i Burahima metenunu, tempono ipinoboi ka ipelungka lumako i wita anu ta tumarimao gagi tia pusakano, ka i'amba melungka nahi to'orio po'ianga anu te'aroano.

IBARANI 5:9

ka umari-Do humaweo pokobobotoli-Do, Ondae gagi Pu'uno tekaduduiado luwuno mia anu momperorongeako ndi Ondae anu nahina tampulaano,

YAKOBU 3:14

Tewala mponaa-naa komiu aroa kohili ka me'o'aluakono koroimiu liomiu, si pompelangla-langkai ka si mpegaupi umewaio menteea!

YAKOBU 3:16

Hangano ba isua hinao kohili ka me'o'aluakono koroino onaeno i tu'ai hinao marisua ka mperupa-rupa wineweu mosa'o.

1 PETURU 3:1

Kanandio koa mbo'u omiu, hei luwuno beine mpekombia, impetuundumo a ntamamiu, tewala hinao i olodo anu nahi petenunu a mpau-Do i Ue, maupo nahina pau ka domponangiako peleluno beinedo,

1 PETURU 4:17

Hangano kanandio-andio haweomo tempono ipinu'u pobitaraa, ka a raha-Do isa'a Ue Ala anu asalakono amba-ambano binitara. Ka tewala pobitaraa atuu pinu'u ndi ontae, kana'umpeke pokotompaano ondae anu nahi dompe'ala-alao Lele Mawongkoa-Do Ue Ala?

MENGKAAA 14:10

asalakono onae ta mo'inu anggoro tekuda-Do Ue Ala, anu pinatinda nahina salono a ntonde tekuda-Do; ka onae ta binobarasaiako api ka walira i arono matado mala'eka mempori ka i arono mata-Do Ana Bimba.

MENGKAAA 16:19

Ka i'amba tebansiomo kota langkai atuu gagi otolu ntia ka mentehoa iramo kotado luwuno tongku anu nahi domento'ori Ira Ue Ala. Ka Dorambeo Ue Ala Babeli anu langkai atuu ka Dopoweeakono tonde anu bukeako anggoro bamburuno tekuda-Do.