ROMA 2:5 - Wunta Mempori

⁵ Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

ROMA 2:5 ပူးပေါင်းရင်းမြစ်များ

2 Tawarika 30:8

Kanandio-andio, siimo impe'ulu watu kana uempu'umiu. Peweengakonomo koroimiu ndi Ondae i Ue. Aiwamo a mpo'ianga mempori anu Dopokomemporiomo ranta nahina tampulaano, ka impesombamo ndi Ondae i Ue, Ue Alamiu, ka tebinta inso a ngkoroimiu tekuda-Do anu tensila.

2 Tawarika 36:13

Onae mbo'u i'ewaio mokole Nebukanesa, anu umari tumenao ka ipesumpa ndi Ondae Ue Ala. Ipokomoteao uluno, mokomoteao aroano ka nahi behe mepokule ndi Ondae i Ue, Ue Alado to Isaraeli.

Ayubi 21:30

nine mia lambaha tepekaria a oleo matea, ka kinadudui a oleo tekuda-Do Ue Ala?

Po'unde-unde 110:5

Ondae i Ue i koanamu; a oleo tekuda-Do Dopirego ira mokole,

Po'unde-unde 95:8

Si mpokomonteao aroamiu kana i Meriba, kana tempono i Masa i pada one,

Peluarakoa 14:17

Sine lano Aku mokomoteao aroado to Masiri, ranta ka domelampui ira to Isaraeli, nde Aku mopokitao maramba-Ku ndi Pirao ka a luwuno sorodadu, kareta ka mia anu mpengara.

Peluarakoa 32:34

Kanandio-andio lakomo, wawa iramo tongku atuu a mpo'ianga anu umariomo Kupauakomu. Mala'eka-Ku ta melempa i aromu. Sine i oleo pombaloa-Ku, mia atuudo Aku humuku ira hangano halado.”

Peluarakoa 8:15

Sine mansano kumitao i Pirao memate iramo tumpa, ipokomoteao aroano nahi behe merorongeako ira, kana anu pinau-Do i Ue.

Powadi 1:18

kahinaano ondae mentowokio reado ondaedo ka momporaakono penaado ondaedo.

Powadi 11:4

A oleo tekudaa arataa nahi mentudu, sine menteea motolao mia inso a matea.

Powadi 28:14

Me'uraomo mia anu wela doitoako Ira i Ue, sine mia anu mokomoteao aroano ta tedonta a laro masolaa.

Powadi 29:1

Isema me'ulu watu, maupo mohaweomo pongkuahako, ta mepobingko sinolangi ka nahi pinokompomule mbo'u.

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Yesaya 48:4

Hangano Kuto'orio, nine omue motea aroa, motea ulu ka me'ulu watu,

Yeremia 40:3

ka Dopokogagiomo. Doweweuomo i Ue hapa anu pinau-Do atuu, hangano ntehala komiumo ndi Ondae i Ue ka nahi mperorongeakono pau-Do, onaemo ka igagi mongkona andio ndi omiu.

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

Yehesikieli 3:7

Sine, suku Isaraeli nahi dobehe mperorongeakomu, hangano nahi domebehe mpomperorongea-Kune, hangano luwuno suku Isaraeli memotea ulu ka motea aroa.

Danieli 5:20

Sine, tempono igagi mompelangka-langkai ka motea ulu ranta ka ipelelu tedoa mompelangka-langkai, onae dinontai inso a ngkadera poparentaano ka marambano inala inso ndi onae.

Hosea 13:12

Salano i Eparai tinongo, halano ninaa.

Amosi 3:10

”Nahi domponto'ori mpoweweu anu mentee,” kanadiomo pau-Do i Ue, ”Ondae mpompokonsii ka pobobarasai i luwuno bentedo.”

ROMA 1:18

Hangano tekuda-Do Ue Ala mengkaa inso i suruga a luwuno gau mosa'o ka lambahano mia, anu mokonsiio menteea saru lambaha.

ROMA 11:25

Hangano, ka si mpotae mempande komiu pepaekompo, ineheku ka imento'orio rahasia andio: Asa ntia inso a nto Isaraeli megagi iramo motea aroa hawe ka isompo doado luwuno tongku susua mpewinso.

ROMA 9:22

Gaagi, tewala Ira mopokitao tekuda-Do ka mokomengkaao pabawa-Do, Ondae Ue Ala monaa sabara-Do anu langkai a luwuno parewa tekudaa-Do, anu pinatindaomo tiano matea –

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

Winali 2:30

Sine i Sihoni, mokole i Hesiboni nahi ehe kita ntelalo i witano, hangano Ondae i Ue, Ue Alamiu weweuo me'ulu watu ka motea aroa, anu tinoo-Do meweengakono a ngkaemiu, kana anu gagi kanandio-andio.

Winali 32:34

”Kombake anu andio ninaa ndi Ongkue, tetondoni a laro ponaapa arataa-Ku?

2 TESALONIKA 1:5

aasa tondonino mongkona moleono pobitara-Do Ue Ala, anu mokomengkaao nine omiu tekona gagi palili a Poparentaa-Do Ue Ala, omiu anu kanandio-andio memarasai hangano Poparentaa atuu.

IBARANI 3:13

Sine imemambe patudumo sompo oleo, i larono da pinokopau ”oleo andio,” ka si hina i olomiu anu gagi motea aroano hangano pompopo'oono hala.

IBARANI 3:15

Sine tewala horio pinau, ”A oleo andio, tewala imerongeo suara-Do, si mpokomoteao aroamiu kana a laro bamburu,”

IBARANI 4:7

Onaemo pu'uno ka Dopakosio mbo'u aasa oleo, onaemo ”oleo andio,” mansano ba opia tehineno tempono Dopepau telalo ndi Daudi kana pinau i wawono, ”A oleo andio, tewala imerongeo suara-Do, si mpokomoteao aroamiu!”

YAKOBU 5:3

Wulaa ka salakamiu menta'ilasiomo, ka ta'ilasino ta gagi sakosii ndiomiu ka ta kumaano ihimiu kana api. Mpopumpu komiumo arataa a mpokotompaano tempo.

Yosua 11:20

Hangano Ondae i Ue anu mokomoteao aroado, onaemo ka dompeteaako ira to Isaraeli, ka domempinokoropu kasi domempinehohawa, sine merinopu, kana anu petena-Do i Ue ndi Musa.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,

2 PETURU 3:7

Sine hangano pau koa mbo'u atuu langi ka tolino anu kanandio-andio tepekaria inso a api ka ninaa tiano oleo pobitaraa ka mateado mia mosa'o gaudo.

YUDASI 1:6

Ka nine Dotaha ira mala'eka anu nahi domentondao luwuno tidano pabawado, sine anu mebintao po'iangado, saru pongu anu nahina tampulaano i wawontolino wongi-wongia hawe a mpobitaraa a oleo langkai,

MENGKAAA 2:21

Ka Kupoweeakonomo tempo ka itepidi, sine nahi behe tepidi inso a ponsosabono.

MENGKAAA 6:17

Hangano haweomo oleo langkai tekuda-Do ka isemake mokompekorahako?

1 Samueli 6:6

Tembio ka ipokomoteao aroamiu kana to Masiri ka i Pirao i ndi'upua anu motea aroado? Umari Dopemae-maeako ira, komba ke dopo'inee ira to Isaraeli melako?