ROMA 2:4 - Wunta Mempori

⁴ Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

ROMA 2:4 ပူးပေါင်းရင်းမြစ်များ

Po'unde-unde 10:11

Onae mepau i laro aroano, ”Ondae Ue Ala kumolupeo; Ondae wunio rupa-Do, ka nahi ta hori mbo'u kumitao.”

Po'unde-unde 104:24

Hadio ntu'u wineweu-Miu, oo Ue, luwuno Ipokogagiakono ponto'ori anu mentee, tolino bukeako pinokogagi-Miu.

Po'unde-unde 31:19

Po'ineeomo wiwi mpegaupi gagi nahi pokompepau, anu mompepaukiako mia mentee saru pompelangka-langkai ka pompokongkodei!

Po'unde-unde 78:38

Sine, Ondae mompehohawa, Do'ampunio salado ka nahi Doropu ira; mararu Dopeteao tekuda-Do ka nahi pokotesingkao luwuno mosa'ono aroa-Do.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Puu Pontutulu 8:11

Hangano pohuku a wineweu mosa'o nahi ronga pinolempa, aroado anano mia buke pontoo ira mpoweweu mosa'o.

Yesaya 30:18

Onaemo pu'uno, Ondae i Ue mesisikori Ira mopokitao pompehohawa-Do ndi omiu; onaemo ka Dopentade mehohawa komiu. Hangano Ondaemo Ue Ala anu moleo; meme'uraomo mia anu sumisikori Ira!

Yeremia 7:10

ka i'amba me'aiwa mpentade i aro-Ku a raha andio, anu nineeako montonda nee-Ku, saru mpotae: ’Ntekadudui kita, ka impokompoweweu mbo'u luwuno wineweu mokoburu andio!’

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

Yehesikieli 16:63

Ka kanandio omue korumambeo anu i ndi'ipua ka mokoko'ii ranta ngangamu tekomu ntu'u hangano halamu, tempono kupoweweuakomu pesintuwua hangano luwuno wineweumu, kanandiomo pau-Do Ue Ala.”

Hosea 3:5

Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.

Yunu 4:2

Ka mekakaiomo ndi Ondae i Ue, ipotae, ”Oo Ue, kombake kupauomo mongkona andio, tempono ongkue da i witaku? Onaemo pu'uno, ka kupolai i ndi'ipua lumako i Tarasisi, hangano kuto'orio, nine Omiumo Ue Ala anu me'aroa ka mompehohawa, anu tedoa sabara ka tedoa metenunu mompehohawa, saru me'o'ole hangano masolaa anu tinoo-Do.

Podoaa 14:18

Ondae i Ue atuu tedoa sabara ka hadio ntu'u pompehohawa-Do, Do'oninio sala ka pe'ewa, sine nahi Dopotolao mia anu sala inso a mpohukua. Ondae mombalo salano ama a luwuno anano, a inule ko'otolu ka ko'opaa.

ROMA 10:12

Hangano nahina teposisinggeno olono to Yahudi ka to Yunani. Hangano Ondae Ue Ala anu aasa atuu Ondaemo Uedo luwuno mia, kaeado luwuno mia anu mpebooli ndi Ondae.

ROMA 11:22

Onaemo pu'uno imengkitaomo pe'aroa-Do Ue Ala ka motea-Do, onaemo motea Ira a mia anu mentedonta iramo, sine ndi omiu pe'aroa-Do, onaemo tewala mekongko komiu mpiha a mpe'aroa-Do; tewala naahi, komiu koa me'inonini mbo'u.

ROMA 11:33

O, tedoa ntu'u ondalo kaea-Do, ponto'ori-Do ka pande-Do Ue Ala! Mentee ntu'u nahi pinokompepentee luwuno pomputusi-Do ka mentee ntu'u nahi pinokonto'ori luwuno pesalaa-Do!

ROMA 3:25

Ondae i Kerisituu Yesu Dopakosi Iramo Ue Ala gagi sala pesintuwua hangano pompe'ala-ala, a rea-Do. Mongkona andio Doweweuo mopokitao moleo-Do, hangano Dopo'ineeomo luwuno hala anu gagiomo i ndi'upua i tempono da Dosabara.

ROMA 6:1

Tewala kanandio, hapake kita mpopau? Moiko koake tompo'iamo koa a laro hala, ka ikoteti-tetiangino pompehohawa atuu?

ROMA 6:15

Gaagi kana'umpe? Nde kita mpoweweu halake, hangano nahi tompo'ia i totono songka Taura, sine i totono pompehohawa? Naahi ntu'u!

2 KORINTI 8:2

Kontongaado me'inara-arahakoako anu mobea a laro mperupa-rupa marasaia, tedoa ira memawongko ka maupo domemongkokolaro ntu'u, sine mengkaea ira a mpe'aroa.

EPESU 1:18

Ka Dopokomewineo matano aroamiu, ka impokonto'orio pomperorohia anu kana'umpeke a laro mpepoboi-Do: kaeaako ntu'u marambaa tia anu Dopakosiako ira mia mempori,

EPESU 1:7

Hangano ndi Ondae ka hangano rea-Do ka tompohawe tetolosia, onaemo po'ampunia hala, montonda kaeano pompehohawa-Do,

EPESU 2:4

Sine Ondae Ue Ala anu kaeaako pompowee, hangano pompehohawa-Do anu langkai, anu Dowee kita,

EPESU 2:7

ka Dotisoakita a tempo anu ta hawe kaeano pompehohawa-Do anu hadio ntu'u menunu saru moiko-Do ndi ontae ndi Ondae i Kerisituu Yesu.

EPESU 3:16

Mekakai aku ka Dopokorosoakomiu Penaa-Do i laromiu, montonda kaeano maramba-Do,

EPESU 3:8

Ndi ongkue, anu lalu kodei i olodo luwuno mia mempori, wineeakoomo pe'aroa andio, ka kupaleleo kaea-Do i Kerisituu a luwudo anu komba to Yahudi, anu nahi pinokopau atuu,

PILIPI 4:19

Ondae Ue Alaku Ira mokosompoo luwuno kineremiu montonda kaeaa ka maramba-Do ndi Ondae i Kerisituu Yesu.

KOLOSE 1:27

Ndi ondae Dopopoto'oriako ira Ue Ala, ba kana'umpe kaeano ka marambano rahasia atuu i olodo luwuno tongku susua, onaemo: Ondae i Kerisituu kongko Ira i tonga-tongamiu, Ondae i Kerisituu anu onaemo pomperorohia marambaa!

KOLOSE 2:2

ka itetarero aroado ka dontepo'asa a pompehohawa, ranta ka domehaweo luwuno kaeaa ka pompe'ala-ala mento'orio ntu'u ka mento'orio rahasia-Do Ue Ala, onaemo Ondae i Kerisituu,

1 TIMOTIU 1:16

Sine onaemo pu'uno ka kupinehohawa, ka Dopopokitao i Yesu Kerisituu luwuno sabara-Do a ngkoroiku andio, gagi mia anu tehala ntu'u. Nde ba kanandio gagi aku pandirido anu lembui dompe'ala-ala Ira ka mohawe tuwua anu nahina tampulaano.

1 TIMOTIU 6:17

Pauako iramo mia mengkaea i wawontolino andio ka si dompompelangka-langkai ka si dompomperorohi a aasa anu nahi manasa kana kaeaa, tendeano ndi Ondae Ue Ala anu a ngkaea-Do moweeakita luwuakoano ka tomentekonaakono.

1 PETURU 3:20

onaemo a luwuno penaado anu i ndi'upua tempono i Noho nahi domperorongeako Ira Ue Ala, tempono Ondae Ue Ala mompedato sumikori ira mpiha tempono i Noho kontongaano patindao bangkano, butu koa tedei, onaemo oalu mia, anu kinaduduino lolowi atuu.

2 PETURU 1:11

Hangano kanandio komiu mewineeako tia buke ka impewinso a Poparentaa anu nahina tampulaano, onaemo Poparentaa-Do i Ue ka Puu Pongkaduduito, Ondae i Yesu Kerisituu.

2 PETURU 3:15

Imentuduomo mauru-Do Ueto kana tempomiu mpohawe tekaduduia, kana koa mbo'u i Paulu, pepaekompoto anu kinekewoi, moburiomo ndi omiu montonda ponto'ori mentee anu iwineeako.

2 PETURU 3:3

Anu lalua asalakono ka imento'orio onaemo, nine a luwuno oleo pokotompaano tempo ira mehawe anu mpopopodeu-deuako pompopodeu-deudo, onaemo luwuno mia anu mentuwu montonda po'eheno aroado.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.

MENGKAAA 2:21

Ka Kupoweeakonomo tempo ka itepidi, sine nahi behe tepidi inso a ponsosabono.

MENGKAAA 3:20

Kitao, mentade Aku i arono pewowa ka metingko-tingko; tewala hinao mia anu rumongeo suara-Ku ka umungkahia-Kune pewowa, Aku koa mewinso tepohaweakono ka Aku mongkaa meronga saru onae, ka onae meronga saru Ongkue.