ROMA 2:16 - Wunta Mempori

¹⁶ Mongkona atuu ta mengkaa a oleo, menunu saru Lele Mawongkoa anu kupaleleo, Ondae Ue Ala Ira bitarao luwuakoano anu tewuni i laro aroano mia, hangano Ondae i Yesu Kerisituu.

ROMA 2:16 ပူးပေါင်းရင်းမြစ်များ

Tegagia 18:25

Nahi kupompe'ala-ala Komiu moweweu kanandio, mompepate mia mentee saru mia mosa'o gaudo, ranta mia mentee pinongkena saru mia mosa'o gaudo! Anu kanatuu nahi Komiu weweuo! Kana'umpemo Puu Mpobitara asa wawontolino mohuku nahi moleo?”

Po'unde-unde 50:6

Langi paleleo moleo-Do, hangano Ondaemo isa'a Ue Ala Puu mpobitara. Sela

Po'unde-unde 96:13

i aroDo i Ue, hangano hawe Ira, hangano Ondae hawe Ira bitarao tolino. Ira bitarao wawontolino a laro menteea, ka luwuno tongku a laro menteea-Do.

Po'unde-unde 98:9

i aro-Do i Ue, hangano Ondae aiwa Ira bitarao tolino. Ira bitarao tolino a laro moleoa, ka luwuno tongku a laro menteea.

Puu Pontutulu 11:9

Po'undemo, hei mia mongura, a laro monguraamu, po'ineeomo ka imawongko aroamu i tempono umongura. Tondaomo po'eheno aroamu ka pongkitano matamu, sine to'oriomo nine hangano luwuno mongkona andio Ondae Ue Ala Ira wawako a mpebitaraa!

Puu Pontutulu 12:14

Menteeano Ondae Ue Ala Ira wawao luwuno wineweu a mpebitaraa anu tinonda a luwuno anu tewuni, ke atuu moiko, ke atuu mosa'o.

Puu Pontutulu 3:17

Kupotae i laro aroa, ”Ondae Ue Ala Ira mobitara, moiko mia mentee maupo mia moweweu mosa'o, hangano tiano luwuakoano ka luwuno anggaa hinao tempono.”

I MATIU 16:27

Hangano i Ana Manusia Ira hawe a laro maramba-Do Ama-Do domentonda Ira mala'eka-Do; i tempo atuu Ira sumuloakono mia montonda wineweuno.

I LUKASI 8:17

Hangano nahina te'asa anu tewuni anu nahi ta pinokomengkaa, ka nahina te'asa anu rahasia anu nahi ta tino'ori ka pinopoto'ori.

I YOHANE 12:48

Ba isema nahi tarima Aku ka nahi tarimao pau-Ku, onae hinaomo puu mpobitarano, onaemo pau anu Kupauomo, onaemo atuu anu ta gagi puu mpobitarano a tampulaano wawontolino.

WINEWEUDO TINENA 10:42

Ka Dotena kamimo mempaleleo a luwuno tongku ka mensakosiio, nine Ondaemo anu pinakosi-Do Ue Ala gagi Puu Mpobitarado mia mentuwu ka mia mate.

WINEWEUDO TINENA 17:31

Hangano Dopakosiomo aasa oleo, a tempo isua Dobitarao temoleo wawontolino anu ta umanggao aasa mia anu Dopakosiomo, umari-Do moweeako ira luwuno mia aasa pompokomanasa mongkona atuu onaemo wangu Ira inso i olodo mia mate.”

ROMA 16:25

Ndi Ondae, anu pabawa mokoroso komiu, – montonda Lele Mawongkoa anu pinaleleku ka pompalelea mongkona Ondae i Yesu Kerisituu, menunu saru mengkaano winuni, anu kinominoako mapa'etu-etu nta'u tehineno,

ROMA 2:5

Sine hangano moteano aroamu anu nahi behe tepidi, mohowuko pontekudaako a ngkoroimu omuemu a oleo tempo isua pontekudaako ka pohuku-Do Ue Ala anu moleo ta pinokomengkaa.

ROMA 3:6

Naahi ntu'u! Tewala kanatuu, kana'umpeke ka Dopokobitarao Ue Ala wawontolino?

1 KORINTI 15:1

Ka kandio-andio, pepaekompo, aku mopoto'oriakomiu Lele Mawongkoa anu kupaleleo ndi omiu ka anu tinarimamiu, ka onaemo ka imemoroso mpentade.

1 KORINTI 4:5

Onaemo pu'uno, si mpobitara ba napi tempono, onaemo ba napi Dohawe i Ue. Ira mokomewineo, saru mbo'u hapa anu tewuni a laro wongi-wongia, ka Ira mopokitao hapa anu tinoo i laro aroa. Ka sompo-sompo mia ta mohawe po'unde-unde inso ndi Ondae Ue Ala.

2 KORINTI 5:10

Hangano luwuto asalakono mewinawa mpe'aro a ngkadera pobitaraa-Do i Kerisituu, ka ihaweo sompo mia hapa anu tekona itarimao, menunu saru anu wineweuno a laro ntumuwuno andio, moiko ke maupo mosa'o.

GALATIA 1:11

Hangano kupokomanasao ndi omiu, pepaekompoku, nine Lele Mawongkoa anu pinaleleku atuu komba Lele Mawongkoa mongkona mia.

1 TIMOTIU 1:11

anu me'empehiako Lele Mawongkoa inso ndi Ondae Ue Ala anu maramba ka tekona inunde-unde, kana anu pine'ala-alaako ndi ongkue.

2 TIMOTIU 2:8

Pewowoloomo andio: Ondae i Yesu Kerisituu, anu mewangu Iramo inso i olodo mia mate, anu pine'anaako Iramo gagi inuleno i Daudi, onaemo Lele Mawongkoa anu pinaleleku.

2 TIMOTIU 4:1

I aro-Do Ue Ala ka i Kerisituu Yesu anu Ira mobitara mia mentuwu ka anu memate, ku'oliwiko ntu'u hangano pepokomengkaa-Do ka hangano poparentaa-Do:

2 TIMOTIU 4:8

Kanandio-andio pinatindaako akumo ramba-ramba ulu menteea anu Ira weeakune i Ue, Puu mpobitara anu moleo, a oleo-Do; sine komba butu ndi ongkue, tendeano a luwuno mbo'u mia anu kumekewoio hawea-Do.

IBARANI 9:27

Ka mengkena kana mia pinakosi ka Domate butu koa pohona, ka umarino atuu binitara,

1 PETURU 4:5

Sine asalakono ka domesangkio ndi Ondae, anu mepatinda mpiha bitarao mia tuwu ka anu mate.

2 PETURU 2:9

ka mengkaa, nine Ondae i Ue tumo'orio kumadudui ira mia mpesomba ntu'u inso a mpo'ara-arahako ka tumo'orio numaa ira mia mpoweweu mosa'o ka domebinobarasai a oleo pobitaraa,