Onaemo pu'uno, po'ineeomo ka imedoitoako Ira i Ue. Impopetu'uimo pomputusi, hangano moweweu molengku, mobiniki mia ke maupo montarima anu nahi pototono nahina ndi Ondae i Ue, Ue Alato.”
Ondae nahi Dope'alaako a luwuno anu langkai potorono, ka nahi Dopokonse'elu ira mia pinemota'u sekonopo mia kodei, hangano luwudo onaemo wineweuno kae-Do?
Domentena ira ana gurudo mperonga saru to Herodia mpesikeno ndi Ondae, ”Guru, kimento'orio, Omiu asa mia anu moleo ka moleo Ipompaguru mongkona po'ehe-Do Ue Ala ka nahina dinoitoa-Komiu maupo ndi sema, hangano nahi pobiniki mia.
Luwuno mia atuu mempauo pesikeno andio ndi Ondae, ”Guru, kimento'orio, nine luwuno pau ka pompaguru-Miu mentee ka nahi pobiniki mia, tendeano moleo Ipompaguruako sala lumako ndi Ondae Ue Ala.
Ka mongkona ondae anu topotaemo mentinudu atuu – ba kana'umpe potorodo i ndi'upua, nahi kukereo atuu, hangano Ondae Ue Ala nahi Dopongkita rupa – maupo kana'umpe, ondae anu mentinudu atuu nahina dompedadaakono anu susua ndi ongkue.
Ka omiu anu pe'uea, imeweweuomo mbo'u kanandio ndi ondae ka impoko'olaio pompokodoito. Impewowoloo, nine Uedo ka Uemiu kongko Ira i suruga ka nahi Dopongkita rupano mia.
Hangano Ondaemo i Ue, Ue Alamiu, Ue Alano luwuno anu pinesombai susua ka Ueno luwuno ue, Ue Ala anu langkai, moroso ka mongkokongiri, anu nahi Dopobiniki mia ke montarima pompowee komba tiano.
Si mpoposule moleoa kasi mpobiniki mia. Osi'i mbo'u impotarima pompowee nahi moleo, hangano pompowee nahi moleo mokomorawuo matano mia pande mompewowolo ka momposule kara-karano mia mentee.
Ka tewala imeneeako Ira Ama, onaemo Ondae anu nahi Dopompesusua bitarao luwuno mia montonda wineweuno, ka po'ineeomo ka imentuwu a laro doitoa tempono imperato i wawontolino andio.
