ROMA 15:5 - Wunta Mempori

⁵ Po'ineeomo Ondae Ue Ala, anu pu'uno moroso aroa ka pontarero, moweeakomiu sintuwua, menunu saru po'ehe-Do i Kerisituu Yesu,

ROMA 15:5 ပူးပေါင်းရင်းမြစ်များ

2 Tawarika 30:12

Kae-Do Ue Ala mo'angga ndi Yehuda mokobobotolio aroado ka domeweweuo parentano mokole ka luwuno petewawa, menunu saru pau-Do i Ue.

Po'unde-unde 86:5

Hangano Omiu, oo Ue, moiko ka behe mo'ampuni ka hadio ntu'u pompehohawa nahi bali a luwuno mia anu mebooli ndi Omiu.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Yeremia 32:39

Aku moweeako ira asa aroa ka asa sala ntuwua, ka domedoito ndi Ongkue asa ntinuwu gagi moikoado ka anado umarino ondae.

Yehesikieli 11:19

Aku moweeako ira aroa anu susua ka numaao penaa anu wo'ohu i laro aroado. Aku tumadio inso a ngkoroido aroa anu motea ka moweeako ira aroa anu metenunu.

WINEWEUDO TINENA 4:32

Kanatuumo tepumpudo mia anu mpompe'ala-ala iramo atuu, mpe'asa aroa ira ka mpesintuwu, ka nahina maupo te'asa mia anu motae, nine ba hapa anu hina ndi onae ipe'umbuo asa-asano, onaemo arataa morokoado.

ROMA 12:16

Asalakono ka impe'asa aroa ka pompewowolo a laro ntuwumiu memoroko; siimo impompewowolo luwuakoano anu mantande, sine impompewowolomo a luwuakoano anu tekona. Si pompepande-pande!

ROMA 15:13

Po'ineeomo Ondae Ue Ala, pu'uno pomperorohia, mokobukeakomiu luwuno po'undea ka rodoa a laro pompe'ala-alamiu, ka imemare'e a laro pomperorohia hangano roso-Do Penaa Mempori.

ROMA 15:3

Hangano Ondae mbo'u i Kerisituu nahi Dopo'ungke sanaa-Do Ondae-Do, sine kana hinao teburi, ”Luwuno pompepaukido, anu mepaukia-Komiu, konaomo ndi ongkue.”

1 KORINTI 1:10

Sine ku'oliwi komiu, pepaekompo, a nee-Do Ueto i Yesu Kerisituu, ka impe'asa mpau ka si hina teposisalaa i olomiu, sine tendeano ka imemoroso ntepo'asa ka mpe'asa aroa mpe'asa pompewowolo.

2 KORINTI 13:11

Pokotompaano, pepaekompoku, impo'undemo, impeteahakomo ka ibobotoli pompe'ala-alamiu. Imentarimaomo luwuno patuduku! Impe'asa aroamo ka mpe'asa pompewowolo, ka imentuwumo a laro rodoa! ka Ondae Ue Ala, pu'uno pompehohawa ka rodoa Ira kumongkomi komiu!

2 KORINTI 7:6

Sine Ondae Ue Ala, anu montarero mia anu me'urumako, Dotarero kamimo haweno i Titu.

EPESU 5:2

ka imentuwumo a pompehohawa, kana Ondae mbo'u i Kerisituu Yesu Dopehohawa komiumo ka Dopeweengakonomo koroi-Do hangano ontae gagi pompowee ka pesomba anu mana mo'ahi ndi Ondae Ue Ala.

PILIPI 1:27

Butu, po'ineeomo tuwumiu ka ipenunu saru Lele Mawongkoa mongkona Ondae i Kerisituu, ka kukitao ba kuhawe, ka tewala nahi kuhawe aku rumongeo, nine moroso impentade a laro aasa penaa, ka mpe'asa aroa mpeteahako tiano pompe'ala-ala anu inso a Lele Mawongkoa,

PILIPI 2:2

onaemo pu'uno saru andio impokosompoo po'undeku: imentuwumo mpe'asa aroa ka pinewowolo, a laro aasa pompehohawa, aasa sumanga, aasa tinoo,

PILIPI 3:16

Sine moikoomo ponto'ori anu tomehaweomo tompotilaloakono montonda sala anu tomentondaomo.

PILIPI 4:2

I Euodia ka i Sintike kupatudu ira, ka dope'asa aroa ka pinewowolo ndi Ondae i Ue.

1 PETURU 3:20

onaemo a luwuno penaado anu i ndi'upua tempono i Noho nahi domperorongeako Ira Ue Ala, tempono Ondae Ue Ala mompedato sumikori ira mpiha tempono i Noho kontongaano patindao bangkano, butu koa tedei, onaemo oalu mia, anu kinaduduino lolowi atuu.

1 PETURU 3:8

Ka pokotompaano, po'ineeomo ka impe'asa mpau luwu, mpe'asa aroa, mpehohawa ira pepaekompo, marapompehohawa ka mpe'urumako,

2 PETURU 3:15

Imentuduomo mauru-Do Ueto kana tempomiu mpohawe tekaduduia, kana koa mbo'u i Paulu, pepaekompoto anu kinekewoi, moburiomo ndi omiu montonda ponto'ori mentee anu iwineeako.

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.